خيّرها بينه و بين البر و الدخان. . .
 

عمتم صباحاً
تسيف الحال صبايا وشباب
أنا طرحت الموضوع في منتدى وأطرحه الآن عندكم عشان استقبل الآراء .
احدى قريبات زوجتي قالها زوجها في ثالث أيام شهر العسل : فيه شيئين لاتناقشيني فيها : البر والدخان ، واذا خيرتيني بينك وبين هالشيئين راح اختارها . وش رايكم ؟
أبوتركي

يمكن يمزح :(

صدق انه قليل حيا وش هالكلام:(

بس هي لا تخيره خل تجيه بالين والطيب وبشكل غير مباشر
الله يهديه بس

والله مشكلة . .
من ثالث يوم . .
زوج جاف . .
إذا كان متعلق بهذين الأمرين في طرق أفضل من كذا لمصارحتها . .

بس خلص لا تناقشه فيهم ولا تساوم على حالها

وشوي شوي وبطريقتها تقدر تصير الاختيار الأول في حياته

الرجال .. يبي يحط عندك معلومة .. انة دايم يطلع للبر .. وانة يدخن .. لكن بإسلوب انا اعتبرة سيئ وجاف

اصبري علية .. وتأكدي مع الأيام يبي يتغير .. لكن لاتقولين مر شهر وما تغير .. لااااا عطية اكثر من كذا سنة سنتين وانتي وأسلوبك ..

والله يوفقكم إن شاء الله

عادي..

اذا على الدخان تسوي نفسها تنكتم لما يدخن

بذلك بينحد ما يقربه منها ومع الوقت بيتضايق ويخفف

وهي بخفة يدها لما تطيح على العلبه تقلل منها

مثلا بقي فيها خمسه تشيل ثنتين

خله يشك في نفسه بس مع الوقت بيحس انه يستهلك كثير وممكن يراجع نفسه( عملتها مع زوجي وخف كثيــــــــــر)

وبهدووووووووووووووووووء تقول له اذا صار لك شي من لي بعدك؟ تدخل عليه من هالباب

والبر خليه يروح

احسن ما يدمن والا يطلع مع بنات والا يسافر

هو بس قصده يوريها العين الحمرا من اولها..يحسبها مرجله...قصده لا يخليها تفكر

حركات شباب اول الزواج و مرت علينا

مع الوقت يلين جدا ولا كانه تكلم والا قال شي وجايز يصير حتى امام مسجد...ليش لا..كله بشطارتها

هو زوجها وهي بتعرف كيف تجيب راسه مع الوقت

وخلها دايما تتابع طرق جديده في اثنائه عن التدخين ...اما البر ما اشوف منه خلاف

انا مع اختي مشكلتي اصدق

لافض فوك

وانا معها في الراي