الشخص لما يتقدم يخطب يسأل عن العروسة وأهلها وإلا يسأل عن !!!!!
 

سلام عليكم

انا من رأي ان هذه الامور ... ماهي ذات اهميه بالدرجة الاولى ..

الا اذا هو من النوع الي يهتم بذلك ...

بعدين هو سيتزوج الفتاة ام قبيلتها ...

ومايهمه في ذلك والدي الفتاة واخوانها ..

لان باذن الله مستقبلا سيصبحوا ارحامه وخوال ابناءه ..

تحياتي

السلام عليكم
 

بصراحة مثل ما قلتي سطحية في التفكير

وعائلتنا كبيرة ولله الحمة وانا من قبيلة كبيرة جدا لكن لا نهتم بهذا الشيء

خصوصا انه كثير من العائلة متزوجين ومزوجين غير القبائل
وفقك الله

وشي قبيلتك اختي عشان تزوجون غير القبائل وضحي كلامك


لانه في الزواج اهم شي الاصل

فعلا هالموضوع صاير موضه هالأيام
تفكير جدا ماله داعي واجده من عوامل تأخير الزواج بمجتمعنا
انا عندي صديقات قبايل معروفه بدو قواعدهم صارمه لامجال للنقاش وقلنا ماشي متمسكين بهالعادة التفاخر بالأنساب والأفخاذ ولا يمكن نناسب الى من نفس مستوى قبيلتنا او اعلى غيره لا
المشكله مو فيهم بس بهالجيل الي توارث هالفكر بنات هالجيل
تلقينه ودها تتزوج وتقول ادعولي الله يكتبلي وكذا بس تعالي تناقشي معها بواحد مو قبلي يوووووه
فتحت هالنقاش بين زميلاتي القبليات عن المهور اقل من 80 اللف او واحد غير قبلي
فاجأتهم بالموضوع ..قتلهم بطريقه جديا جدا فيه عريس اخته صديقتي الروح بالروح وصتني "طبعا من خيالي الواسع"جمعتلهم كم صفه كذا بالشكل وبعضها بالتصرفات منها الجيده والقليل عكس ذالك العمر 28 الوظيفه بشركه بتروليه اكيد الوظيفه ممتازه بس عشان يقتنعون بوجوده كحقيقه ولما سألوني عن امه هههههه حسيت اني توهقت قتلهم ميته عشان كذا هي تدورله ووصتني وفهمتهم اني ما اعطيتها فرصه تحط عينها علي لأسباب عائليه ..يارب سامحني على الكذبه بس والله غرضي اني ابي اشوف حد هالفكر عندهم قد يتصحح
قتلهم مو قبلي من عائله الفلانيه

...ما اخبي عليكم كنت باكلي علقه ..طبعا بالمزح لاكن دليل على مو تمسكهم إلى تعصبهم لهالمبدأ مامداني اكمل موضوع المهر بنفس النقاش ولاكن فتجته بوقت آخر

تقولك لا وألف لا اصوم اصوم وافطر على بصله ولو كان ملك جمال زمانه ..طيب يابنت الاوادم رجال مايعيبه شي .قال ايش يعيبه نسبه ..لو قلتيلها واذا اخذتي واحد فقران حافي منتف اخلاق مافي وقبلي تقولك نصيبي كذا اتحمل والله يعيني ولا إني افشل اهلي وأوطي راسهم ..يقولون بنتهم عايبه عشان كذا خذها واحد نسبه اي كلام وبكره بيعايبون على عيالي عيال الفلاني...
من جد تفاجأت فيهم على بالي المشكله بأهاليهم طلعت فيهم
الي ردت علي بنت عاقله وفاهمه ماهي صغيره وملتزمه بعد لاكن سالفة التحيز القبلي عاده جاهليه صعب التخلص منها
اصلا صعب التفاهم فيها
من جد مايسبب الخلل بمجتمعاتنا الى التخلف والرجعيه

ولله انا امشي على هل مقال (( شوفلك مره جد وخال ولو هي شينه بل جمال )) لانه عيالك بيحملون تقريبا نفس شخصية الخال الي هو اخو الزوجه وشوي من الجد الي هو ابو زوجه

انا اشوف ان هذا قمه التخلف
وبعدبن الحبيب راح يناسب العائله كلها

انا شخصيا حصلت لي نفس الحركه في اثناء خطبتي لكن من اهل العروسه تخيلو وصلو الين بنات خالتي من متزوجين وهل هم فعلا ينتمون الا القبيله الفلانيه وهل وهل وهل ؟؟؟؟؟ انا وصلت معاي وكلمه الوالده وقلت قولي لهم يخلون بنيتهم عندهم الين يلقون الامير اللي يتخيلون ان بنتهم ماتاخذ غيره من جد شي يطفش ... ومازالت البنت في بيت ابوها من حوالي 3 سنوات علما بأن البنت مالها بالسوالف هذي لكن كل شي من ورى اهلها ... مسكين هالبنت انظلمت سبت اهلها

على العموم انا اشوف ان هالشي يعتمد على مدى تحملك للسالفه وانتي تقررين رغم انها شي يقهر لكن الواحد يقول الله المستعان و ممكن بعد صبرك على الموضوع الله يكتب الفرج والخير لكم جميعا

تقبلي تحياتي

وش نقول ياأخت كبريائي

عقول مغلقه متحجره

العالم تطورت ووصلت القمر والمريخ وكوكب الزهره واكتشفت الكون

بل وصلت الآفاق وهم كفاااااااااااااااااااار

وباقي فيه ناس للاسف مسلمين يسألوا حضر والا قبايل؟

سبحانك ربي

متى يقرأوا هذه الآية ويفهموها جيدا وهم مسلمين

( وجعلنائكم شعوبا وقبائل لتعارفوا إن أكرمكم عند الله أتقاكم )

يا سبحان الله اشلون الناس تفكيرهم سطحييييييييييي

(لا فرق لعربي على أعجمي إلا بالتقوى والعمل الصالح )