|
هذي الطريقة أتبعها مع زوجي .. فهل تتبعونها ؟؟
انا في رأيي ان عنصر مفاجأة الزوجة لزوجها مو شرط يكون على طول ناجح ومجدي فقد تلبس الزوجة لبس حلو ومكياج حلو وتكون بأحسن ما يمكن في نظرها ولكنها قد لا تعجب زوجها ولكن يضطر يجاملها تقديرا لاهتمامها بنفسها له ووايد نشوف وخاصة بالمنتدى هنا ان الكثير من الزوجات يلبسون ويكشخون بس هم رجالهم عينهم زايغة او ماتحصل الزوجة على ردة الفعل المطلوبة بقول لكم طريقة انا كثير من الأحيان أتبعها وأرى أنها طريقة حلوة وممتعة وتخلي زوجي غصبن عليه ينهبل علي أولا بالنسبة للتسوق :- طبعا كثير من الأحيان اشتري ملابسي الخاصة لقعدتي مع زوجي بروحي عشان افاجأه فيهم ولكن هم احرص كثيرا اني احيانا اخليه اهو اللي يختار الملابس سواء بنطرونات وتيشيرتات وتنانير للبيت وقمصان نوم عشان اكون بالشكل اللي يبيه . ثانيا بالنسبة للبيت وهذا الأهم بالنسبة لي :- طبعا احيانا أفاجأه بلبس معين ومكياج وطبعا على امل اني أعجبه .. وقد افاجئ في مرة من المرات ان قميص النوم اللي كنت لابسته او اي لبس ثاني مو اهو اللي في باله فلابد ان بين فترة والثانية بقصد التنويع والتغيير في الذوق .. افتح له باب الكبت الخاص بقمصان النوم وملابس البيت المثيرة والعادية واقول له يالله يا حبيبي اليوم يومك ابيك انت تختار لي :- - شنو بخاطرك ألبس . - وأي بدي لوشن وكريم ودك تشمه علي وأي عطر . - شنو ألوان المكياج اللي بخاطرك تشوفه علي . - شلون تبيني اسوي شعري ؟؟ مربوط ولا ناعم ولا نص مرفوع ؟؟؟ - يعني اخليه يجهزني بالكامل بالشكل اللي يبيه . بعدين اقول له يالله حبيبي من غير مطرود واخليه على أحر من الجمر على ما استعد بالشكل اللي يبيه وبإضافات قليلة قد اكون متأكده انها بتعجبه أكثر . وبعدين اطلع من الغرفة وأنا على ذوقه ومزاجه ذاك الوقت فيه خير ما يعطيني ويه ؟؟؟؟؟؟؟ :23: |
بارك الله فيك وفى زوجك
ما شاء الله لا قوة الا بالله |
فكرة حلوة ..الله يعطيك العافية ويسعد ايااامك ...بس صعبة اسويهااالان زوجي مااااله خلق وبااااله قصير ...
|
هههههههههههههههههههههههههههههه اي والله ذاك الوقت فيه خير ما يعطيني ويه ؟؟؟؟؟؟؟
بارك الله فيك وفى زوجك ما شاء الله لا قوة الا بالله |
اختي انا احاول نفس الشي اعمل لزوجي ولو انه زوجي فضولي مايحب اني اشتري شي مابعرفه
لكن الصراحه مااخليه يختار لون المكياج لانه لونه المفضل الاحمر وانا بكره المكياج الاحمر اما كل عطورتي هو يجيبلي اياها على ذوقه عشان هيك اعرف انه رح يحب الريحه الله يبارك فيك وفي زوجك وتزيد محبتك في قلبه ويخليك له |
ماشالله عليك
فكره روعه بروعتك يالغاليه |
ماشاءالله
فكرتك روعة |
والله فكرة حلوة
ان شاء الله اتبعها واشوف شو بدو يصير يسلمووو اختى |
أشكر تفاعلكم
وبالفعل الفكرة اكيد بتصير حلوة لانج بتكونين بمثل الشكل اللي يتخيله زوجج بس لازم تراعون مزاج أزواجكم في ذاك الوقت مو ماله خلق وتيون تقولون له تعال شوف هدومي :25: بس والله اذا كنت بلبس معين في باله ومكياج معين وريحة معينة وتسريحة معينه اتوقع ماراح يلقى اي عذر يقدمه لج لو تزوغ عينه هني ولا هني لان دايما إجابتج بتكون حاضرة وهي انت بالشكل المثير اللي تتخيلني فيه قاعده انفذه لك شالسبب تشوف غيري ؟؟ بس انصحكم بتطبيق هالفكرة بين فترة والثانية مو كل يوم عشان ما تنمسح شخصيتج باختيار اللوك الخاص فيج بالبيت |
فكرة أكثر من رائعة حقيقةً ...
وتضع الزوج في خانة ( الإعجاب الجبري ) فذاكَ اختيارك !!! وأؤكد على نقطة عدم الإكثار منها .... سلمتِ ... وجزاكِ الله خيراً |
| الساعة الآن 05:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©