ارجو ان ارتاح مع زوجى
 

السلام عليكم ورحمة الله وبركاته لقد تزوجت من سنة بعد قصة حب وخطوبة 5 سنين تنازلت فيها كثيرا علي امل ان يقدر لي ذلك وارتاح بقية حياتى معه في حب وود ورحمة فلم اكن اطلب منه اي شيء الي يعمله في الشقة يعمله ديكور كذا يقول لي لا اقول له الي يريحك يا حبيبي وعمره ما قلي هو كده دايما الي هو عاوزة او والدته يلبي لها بدون نقاش في شقتي وانا مليش الحق وكل اما اقول له علي اي حاجة يقول لي بعد الجواز اعمل لك الي انتي عاوزاه
وبعد الجواز اتصدمت من اول يوم بعد ما الناس مشيت لقيت الي بيزعق لي( كل ده بتلبسي انتي يعني بتعملي ايه - ما تسرحيش بالفرشة بتاعتي ) كل ده بزعيق وصوت عالي وتوتر في الصبح نفس الموضوع وكل يوم عل كده و3 يوم روحنا نمنا عند اهله 3 يوم حسرنى علي نفسي فقدنى ثقتي بنفسي قدام الناس كلها دبح لي القطة زى ما بيقوله
وفين علي ما قل الاسلوب ده بقي مرة او2 في الاسبوع مع الضرب طبعا ( مثلا مرة ما حطيتش الصلصة زى ما قلي قلتله نسيت لقيت القلم نازل علي وشى وحاجات كتيرة تافهة )بس المشكلة ان انا بقيت بنهار بمجرد ما يعلي صوته عليه لان ببقي واقفة في المطبخ او قاعده لوحدى والاقي صوت بيصرخ في علي اي حاجة احس بجسمى كلة كأنه مش معايا واقعد اخبط دماغي في الاحيطة لدرجة انى مرة جالي ارتجاج وادعي علي نفسي ان ربنا يريحني وعمري ما قلت لاهلي طول السنة الا مرة واحدة لدرجة انى بقول له سبنى لوحدى في الاوضة شوى لما يضايقنى وبرضة لا
انا خايفة اخسر نفسي اكتر من كده خايفة اكون بكفر انا عارفة انه بيحبنى وبيعمل حاجات كتير علشانى بس عمرة ما قدر حالتي النفسية ابدا بس انا علشان تنازلت كتير وعمرى ما طلبت منه حاجة مش عارفة اعمل ايه وعمري ما قلت لحد علي الكلام ده انتم اول ناس بقد اكلم نفسي طول اليوم بقيت بخاف منه جدا انا بنهار

لاحول ولاقوة الا بالله
يمكن فيه احد لاعب في عقله وقايل له وريها العين الحمراء من اول يوم , حبيبتي لاتستبعدين هذا الشي بما ان مافيه مبرر لتصرفاته وتعامله معاك بهذي الطريقه

انتي اسأليه عن سبب اسلوبه السيء معاك ليش ساكته !!

السلام عليكم و رحمة الله و بركاته
اختي الفاضلة ارى من رسالتك انك لم تحاولي مع زوجك و تتحدثي معه فان لم تكوني فعلتي فانصحك بالاتي:
1- تحدثي معه وحدكما و ابدائي الحديث معه بانك تحبيه و تحترميه و تعلمي قدره العظيم. و لكن هذا الاسلوب سوف يؤدي الى نهاية حياتكما بشكل غير سعيد على الاطلاق.
2- لا بد ان تحاولي بكل ما عندك من مجهود و قدرة بان تكسبي أهل زوجك مثلا بالهدايا لوالدته او بمصاحبة اخواته البنات و مشاركتهم اهتماماتهم او توطيد العلاقة مع ابيه.
3- لو لم يستجيب لمحاولاتك الهادئة حاولي ان تأخذي موقف حازم ليس بايذاء نفسك لكن بمقاطعته و اعلامه ان اسلوبه هذا هو ما سوف يجعله يفقد احترامك و مودتك و الحياة الهادئة.
4- لو بعد هذا لم يستجب فلا بد من تدخل الاهل.
5- و هذا هو الاهم ادعلي الله له بالهداية و حاولي تشغيل سورة البقرة في المنزل بقدر الامكان لانها تطرد الشياطين و اعانك الله و هدى بينكما اللهم امين

السلام عليكم ورحمة الله وبركاته
الله يصلح حالك يارب يارب يا اختى ويجعل فرج الله اليك قريب يارب

عزيزتي فرج الله همك
وبعد
لا تتنازلي له وتسكتي على ما يفعلة بل واجهيي زوجك وازعلي لكي يحس ويشعر بك و اوقفيه عند حده بان تهدديه بانك ستخبري اهلك او والدك اذا اعاد الضرب ودخلي والدك في الموضوع كي يشعر بان لك اهل يخافون عليك ولا تصمتي وتتنازلي له فتكبر المشاكل ويعتاد هو على هذا العمل الا انساني وادعو الله ان يشل يده عنك وانت اشتكي الى الله امرك فالله هو القادر على شل يده عنك
مع امنياتي لكم بالسعاده الابديه