|
تريد\تريدي شريك حياتك بمواصفات معينة..حياكم ادلكم على الطريقة
السلام عليكم..خير تحية تحلمي بفارس الأحلام الذي يكون طويلا وجميلا وحنونا وكريما ومتفهما وعاقلا وووو....... تحلم بأن تتزوج من فتاة فيها كل معاني الأنوثة ..سمراء او بيضاء..شقراء او ذات شعر اسود..جميلة, مثقفة , متفهمة ان كنتم من أصحاب هذه الأحلام فهنا أحطم لكم أحلامكم:d نعم !! هل توقعتم ان ادلكم على طريق خيالي؟ ان كنتم تبحثون عن الطيبة فستجدونها في شخص لكن لن تجدوا فيه كل الصفات المطلوبة... شريك الحياة ليس طلبا في المطعم تحدده وتطلب اضافة الملح والكاتشب مع البطاطس.. انه قدر يصيره الله لك وتأكد بأنها لن يكون كاملا..فالكمال لله وحده اذن فلننفض غبار الأحلام عن عقولنا واعيننا..ولننظر للحياة بتفكر اكثر..ولانضيع فرصا تمر بنا لأنها لن تعود.. ملاحظة: لست هنا اقصد ان هناك صفات معينة لاتجتمع في الأشخاص ولكن ان يكونوا كما تخيلتموهم بمواصفات تعجيزية او مبالغ فيها فهذا المستحيل بعينه.. الله يسعدكم واشوفكم كل واحد مع عروسته وكل عروسه مع عريسها:14: :14: أختكم حائزة الأمل:17: |
وعقبالك ياعروسنا انت
ربي شاهد اني ماطلبت الا الرجل الصالح اللي يقدرني ويخاف الله فيني بس الله كريم ونسأل الله مايحول الحول الا وكل وحده فينا في بيت زوجها وكل الشباب في بيوتهم مع زوجاتهم حيوزتي الغاليه بس احس اكثر شي في طلبات المطاعم عند الشباب يعني احنا البنات تتطلب لكن وقت الجد ويقولون جاك فلان خاطب ومناسب توافقين حتى لو ماكان نفس الشكل اللي تبغاه اما الشباب اذا هو حاط في باله بيضه يعلق مايبغا الا بيضه <<<<<<<<حشا بيض مسلوق صار <<<شكلي جوعانه:d ويرفضها ولايشوفها ولايخلي اهله يتقابلوا الغي الفكره تماما لانقاش اما احنا البنات ياعيني علينا الحمد والشكر وربي يسعدك يالغاليه ويفرج همك وينولك مرادك ويسخرلك الزوج الصالح اللي يخاف الله فيك |
روح الغالي
الله يسعدك حلو طلبك وتعليقك "بيض مسلوق " والأحلى ياربي يحققه لك ضحكتيني الله يسعدك بس تصدقين كلامك صحيح شروط الشباب أبيض واسود ..... وأبشرك وجودي بهالمنتدى اثبت هالنظرية اكثر مايشتكون من التالي مالقيت عروس طيب إرضى بالدين يقول لا لازم شروطي .... حائزة أمل صوره البنت في توقيعك تعابيرها مبهره والعنوان موفق الله يصلح الحال ويوفق الجميع |
تعليقاتكم حلوة :)
انا عن نفسي ما اطلب الا ابن الحلال الطيب المقتدر اللي يخاف ربنا قبل كل شئ ويراعي اهل بيته بس من شرووطي البسيطو مايكون مرررررة سمين تسلمي حيووزة على الموضوع :) |
الله ييسر لي الزوجة الصالحة في دينها ودماثة أخلاقها وجمالها ، أنا وجميع العزاب ، كما أدعوا الله أن يزوج كل فتاة تريد الستر والعفاف
|
الله ييسر
|
حبيبتي روح الغالي
صدقتي والله..الله يرزقك الزوج الصالح المحب ويخفف طلبات الرجال يالله أختك حيوزه |
عزيزتي تائبة الله يسعدك يارب كلك ذوق ..شكرا لتواجدك ياعسل
أختك حيوزه |
عليكم السلام ورحمة الله وبركاته
هذه دعوة من حائزة للجميع بأن يعود لأرض الواقع وأنا أولكم :d والله ِ صدقت ِ ياحائزة أحيانا ً الواحد من كثر ماهو عايش بخياله يفكر إنه بيصير له شي خيالي وزوج مفصل على حسب الطلب !! لكن أبشرك صرت عاقلة :d واستوعبت إنه مافيه شي إسمه إنسان كامل وصار تفكيري أكبــر من شكل وبيت وحفل والله أهم ماأتمناه رجل يصلي ويخاف من الله وأخلاق ومايـــــــدخن :( وكل شي بعدها مايهمني الله يرزقنا ويرزقكم يـــــــــارب |
الله يرزقني بالزوجة الصالحة التي تسعدني وأسعدها
اللهم آآآآآآآآآآآآآآآآآآآميييييييييييييييين |
| الساعة الآن 10:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©