|
هل انا الخاطئه
السلام عليكم
يارب تردو اعلي وتقولوا من المخطئ الله يوفقكم أنا وزوجي وبناتي فى بلاد أجنبيه وذاللك لدراسه في يوم من الايام طلبت منه أنه يخرجني السوق كي أشتري لي بعض الملابس وقلت له من حسابي الخاص وبعدين فكرت وقلت له خلاص خليه لين تكمل المناقشه للماجستير وبعد ما ناقش وكمل والحمدلله قلت له مادام أنك كملت خليني أطلع السوق رفض وقال مو وقته قلت خلاص وبعدين جاء العيد وخرجنا نشتري ملابس للعيد للبنات ودخلنا مركز وهذا المركز مافيه أشياء حلوه لانه خصيصأ للمواد الغذائيه وقلي يلا تبي تشتري أشتري لاني ماراح أروح محل ثاني قلت له بس هذا المحل مافيه أشياء حلوه قلي مو شغلي توسلته رفض وبعدين أشتريت لي وبعد ماكملت أشتري وحاسبنا قال بشتري لبناتي من مركز ثاني بكره قلت كان ليش خليتني أشتري من هذا المركز دام أنك أتروح ثاني قال لي أيش عرفني أني ماالاقي للبنات قلت خلاص وزعلت شوي ووصلنا البيت وجربتهم وماأكلمه جاء وضمني بقوه و........... :25: خلاص وعادي قلت له خلاص بروح معكم بكره أختار لبناتي سكت وأني فرحانه أني أروح وباليل أتصلت علي صديقتي وقالت لي تعالي بسوي حفله قلت لزوجي لو أروح الحفله بخلي البنات عندك سكت جاء اليوم الثاني وقال بوديكم اليوم السوق قلت بجي معاك قال أنتي بتروحي الحفله قلت لا مابروح لانك عارف أني فرحانه متى اروح السوق عشان أختار لبناتي قال خلاص كلمت صديقي بيجي معاي هو وبناته قلت حرام عليك لازم أروح عيد وأبي أختار لهن قلي ماأقدر أقوله لا لقلت ليش تسوي كذا وأنت عارف أني ابي أروح السوق جلست أبكي وأقول والله ما أنسى لك هذا الموقف والله ماراح أخرج بالعيد ولا راح أطلع مكان غير اليوم(وأني الخسرانه:( ) قلي بكيفك أنتي الخسرانه وجلست أصارخ أني أستحق لاني جيت معك أصلاًأنت ماتستاهل وماراح أرجع معك هذه البلاد وخليك تعيش لحالك وبكي:15: وهوساكت بالله مين فينا اللي على خطأ ملاحظه دائمأ يقول لي انك غبيه وماراح تفهمي ويقول لي ودائماًيسمعني كلام يجرحني مع أني كثيرماأسمعه كلامات الحب ولا أجرحه وأحترمه ولو أسأله تحبني يقول لي تخسي من يحبك أصلاً بقولها بمزح مع أنه كثير الملاطفه معي وكثير التقبيل لي وكثير مانتمازح كيف زوجي مامعنى تصرفاته هذه دلوني |
|
أهلين حبيبتي
كل سنة وإنت طيبة كبري عقلك حبييتي زوجك جاي دراسة مو سياحة إذا إشترييتي شئ ومو عاجبك عندك ثلاثين يوم لتبديله أو لإرجاعه ثاني شئ هايأيام عيد نفرح ونعايد بعضنا تصافى قلوبنا غير مجدي تعرفي ين الغلطان كان الاولى تقولي كيف نتصالح الله يصلحكما تقولي 0 استاهل لأني جيت معك0 إذا إنت زوجته ما وقفت بجانبه مين يا لي راح يوقف جنبه اله يوفقك حبيبتي أم شادي |
بصراحة اختي وبدون زعل انتي الغلطانه
لأنك قلتيله بروح الحفلة وعلى هذا الاساس اتخذ قرار انك ماراح تكوني موجوده معه في التسوق ولذلك اخبر صديقة ليحضر معه وبعدين تجي في الاخير انتِ وتقولي لا خلاص ماني رايحه الحفلة وبروح معك السوق .., كيف يتصرف هو في هذه الحالة ؟ بالتأكيد ستحرجينه مع صديقه .. صح؟ وتصرفاته تدل على انه يحبك صدقيني وانتي لا تحملي تصرفات الهزلية مع الجديه ربما زوجك من النوع الكثير المزاح مع اهله واللي بياخذ اجر في هذه الايام الفضيلة اكثر من بدأ بالمصالحة وفقكم الله |
خلاص حبيبتي مو مشكلة
عادي لازم تصبري انت خلاص عرفت طبعه يعني ما لازم تزعلي منه و لو جيت للحق ما كان لازم توافقي على حفلة صديقتك لأنك عارفة انكم رايحين ع السوق في ذاك اليوم يبدو أن زوجك من النوع العنادي بس لازم تستحمليه و خلي الصبر عليك حتى لو جرحك استحملي الله يسعدك و ياه ان شاء الله دنيا و آخرة و يفرحك ببناتك |
لا أنتي غلطانه
ولا زوجك غلطان كل اللي حصل سوء تفاهم وسوء تنسيق متبادل لا أكثر يعني لو من السوق الأول اللي رحتوا له لو قلتي له ما فيه شي مناسب وما عندي استعداد اضيع فلوس في اشياء ما تناسب ومتى ما قدرت تودينا سوق مناسب ودينا صدقيني راح توصل له الفكرة بوضوح وبدون لخبطة زي اللي حصلت وكل عام وأنتم بخير وربنا يديم السعادة ملاحظة صغيرونه اختي:d كلمة الخاطئة تعني التي تخطأ دوماً يعني من طبعها الخطأ أما المخطئة فتعني التي تخطأ أحياناً وتصيب احيانا ً |
صدقيني عزيزتي لا تحاولي تفكري في صغائر الامور هذه حياة زوجية توابلها المشاكل والصعوبات فمن الطبيعي ان تختلفي مع زوجك في بعض الاوقات وان تتفقي معه في اوقات اخرى وعموما الرجل احيانا تصدر منه امور لا يقصد ان يزعج بها زوجته ولكنه مثل الاطفال !! هل طفلك يقصد ازعاجك عندنا يعبث في ارجاء المنزل ويلعب !تعاملي مع زوجك بمزيد من التفاهم والواقعية ولا تلفتي لكل الامور ,,
|
لا مو أنت ولا هو ولا أشوف مشكلة ولله الحمد
|
مشكورين والله يعطيكم العافيه على الردود
بس أسمحولي أكمل لكم باقي السالفه أمس جاء أول العيد عندنا اللي أحنا بعدكم بيوم يعني الأحد أول ايام العيد جاء من صلاة العيد وقال سوي غداء بنخرج نتمشي قلت له أني ماراح أخرج قال بخرج مع بناتي سويت الغداء وجهزة بناتي وبعدين قلي يلا وأنت البسي قلت أنت عارف اني مابخرج وعارف أني حلفت يمين أني ماأخرج رجعوقال عشان بناتك رفضت قال غصب عنك وجلس فوق راسي وقلت هذه أستعبادمو بكيفك قال بكيفي وغصب عنك المهم خرجت وأنا جالسه أبكي المهم رجعنا البيت باليل وأنا ماأكلمه وفي اليوم الثاني دار حوار بيننا وقلت له ليش أني موعبده عندك تخرجني غصب عني و00000000000الخ وقلت لكن السوق مارضيت تخرجني قال أنا ماأحب تروحي السوق القران قال (وقرن في بيتكن) وفيه زحمه وأختلاط قلت له ليش كل يوم وأنا بسوق هو يوم واحد بالسنه أبغي أشتري لي ملابس أذا ماأشتريت لي من بيشتري لي قال أنا بشتري لك قلت له أبي على ذوقي قال موضروري المهم طلعت بنتيجه أنه قرر ممنوع اني أطلع على السوق أبداًجلست أصارخ ليش تعاملني كذا قال أيش أعاملك ملبسك أحسن لبس موعيشك أحلا عيشه الكل حاسديننا وبعدين جلس يسب ويقبح وجهي والحريم لو الواحد سوى لهن كل شئ مايستاهلون وأنت وأنت 0000000000 قمت المطبخ وهو وراي يصارخ والقهر أنه كمل يسبني الا وهو يحضني ويضمني قلت له بعد عني رجاء وهو عادي كل ماأرفضه مايستسلم ومشكلتي أني مهما أكون في شدة الغضب حتى وأني أصارخ أضحك أحاول أبدي الغضب وأني شديده لكن لا المهم وخرج من المطبخ وجلست أكمل الغداء وبعدين خرجت وجالسه وبعدين وهو خارج لصلاه قام يقبل بنتي الاولى و بنتي الثانيه وجاء تجاهي قلت له روح عني والله أني ماأبيك تقبلني قال أذا ضحكتي يعني تبيني أقبلك لانه عارف أني بضحك بسرعه وضحكت وقال شفتي بتموتي من الفرح طيب كيف أسوي معاه مانعني كلياًمن السوق قل حتى لو رحنا بلادنا ممنوعه تماماً من الطلعه لسوق ماأبغي أكلمه كيف يسبني ويمنعني من الطلعه وبعدين يراضيني بالله عليكم ليش يسوي فيني كذا هل المره القادمه عندما أعود الى بلادي(بنرجع بعد 3أسابيع) أتركه يرجع بلاد الغربه لحاله لاني ما أقدرأتحمل تصرفاته معي ايش رايكم |
[ربما زوجك من النوع الكثير المزاح مع اهله
أخي صريح جداً زوجي ليس من ذالك النوع أبداً ملاحظة صغيرونه اختي كلمة الخاطئة تعني التي تخطأ دوماً يعني من طبعها الخطأ أما المخطئة فتعني التي تخطأ أحياناً وتصيب احيانا(مشكور أخي فاغر على الملاحضه) ً |
| الساعة الآن 04:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©