حد يساعدني بليز
 

السلام عليكم جميعا

والله بغيت اعرض عليكم مشكلتي معا انها مش مشكله كبيره واتمنى منكم مساعده.

انا توني مخطوبه (مالكه) صار لي 6 اشهر وكان قبل هذي الفتره فترة حب عفويه وكانو هلي على علم انه يحبني ويبغيني. المهم الحين بديت الاحظ اشياء تزعلني شوي انا انسانه حساسه شوي وهذي شي يمكن طبيعي في المرأه احلى مافيها احساسها وحبها للعاطفه من الجنس الأخر بس خطيبي شوي مايعرف يعبر ومايعرف يتعامل معاي بعواطف حتى في حالات اذا يبي يخليني افهم اني غلطانه يجي يقطها بوجهي كأنه يكلم طفله صغيره ومعاملته لي في ذي الحاله كطفله ولمى اجي ادافع عن نفسي علشان ابرر تصرفي لو اني تصرفت بتعمد بهذي الطريقه ولي هدف فيها مايثق في تصرفي كل على باله اني طايشه وماعرف اتصرف ماعنده ثقه في الي اسويه ولما اجي اعلمه على وجهة نظري يقاطعني ومايخليني اكمل كلامي ويصر ان يغلطني ولما اسكت يقولي ليش تحقريني .. تكلمي ولما اتكلم يقاطعني شنو اسوي ؟؟؟والمشكله لما اقوله مبرر واحد يستهزأ ويحسسني ان اجذب علشان مااسوي روحي فهيمه في السالفه وماغلط نفسي وعلى اني احلف بربي وكم مره احلف والله اني ازعل زعل في قلبي بهذي الأحساس والله ومن هذي السبب ظليت اكبت بقلبي ولما اشكي واعاتب بطريقه حلوه يجي يقاطعني يعصبيه اسكت ويزيد الي بقلبي وابغي اعرف هل فعلا هذي الشي يأثر نفسيا على الشخص؟؟؟

اتمنى مساعدتكم وشكرا وابي طريقه اوصل فيها ان شلون زوجي مفروض يعاملني فيها لأن احسه مايسمعني الحين صرت اتفاهم معاه برسايل لأن مافيها مقاطعات

شكرا

أختي كم فارق السن بينكما ؟

3 سنين الفرق بينا بسيط

حبيبتي بسألك جربتي معه طريقه اخذ موقف ..يعني تزعلي عليه بطريقه لطيفه.. تغيري نبرة صوتك.. تثقلي شوي مو مقاطعه مره وحده........... انتبهي
هو يمكن شافك تسايرنه وتمشينله مره ومرتين صار يحس انه عادي عندك وشخصيتك متسامحه بدون مايعرف ان هالشي ياثر فيكي
بعد مايشعر بزعلك وتحسي انه مصر ان يعرف الي غيرك عليه قبل ما تبدأي اطلبي منه ان يسمعك للآخر اذا وافق صارحيه بكل الي جواتك ولا تكبتي شي داخلك خليه يلاحظ انفعلاتك بصدق..اما لو قاطعك ذكريه بالإتفاق والتزمي الصمت بدون تكشير حتى مايحس انك مطنشته خلي زعلك يبان لاكن لا تثقلي العيارواسكتي اذا استمر بالمقاطعه واللوم هنا يبيله شي ثاني .. وصدقيني طلما يحبك اكيد رح يحاول ان يغير نفسه عشانك ونتي ساعديه
الله يسعدكم ويتمملكم ويألف بين قلوبكم اكثر واكثر

ممتاز جدا ,, واسمحي لي بهذا ألاستهلال

انا اشوف جوانب ممتازة الحب والصراحة والزوج الحمش الذي يتولى زمام الأمور وأكثر شي أعجبني

( ( ولما اسكت يقولي ليش تحقريني .. تكلمي ولما اتكلم يقاطعني شنو اسوي ) )

هذا يدل على حرصه عليك
على كل حال الحياة الزوجية أكبر وأعقد وهذا شئ سحابة صيف وبعد الزواج راح يكون فيه تفاهم أكبر أهم شئ الفترة الأولى من الزواج حاولوا تتجنبوا المشاكل خاصة من جانبك وأرضيه باللي يبي

وأتوقع لكم بمشيئة الله حياة زوجية هانئة ,, وفقك الله

أختي يجب أن تأخذي من تصرفاته موقف إن كرر هذا التصرف أخبريه بأنك تشعرين بالإهانه لكونه يتعامل معكي على أنكي طفله صغيره وأنتي لست كذلك وازعلي عليه كم يوم طبعاً هذا كله بأسلوب رقيق وافهميه أن الحياة مشاركه لابد أن تبدي رأيك وما عليه سوى القبول أو الرفض ولكن ليس التحقير والتقليل من شأنك وبإذن الله جميع الأمور ستحل عزيزتي ولكن يحتاج الأمر بعض الوقت فأنتم لا زلتم في بداية الطريق ولكل واحد منكم شخصيته التي تحتاج إلى سنوات لتغيير جزء بسيط منها لذا لا تأخذي في خاطرك اتجاه تصرفاته فمن الواضح أن هذا طبع فيه ما عليكي سوى التحلي بالصبر
وألف مبرووووووووك يا عروسه

شكرا على رودودكم وعلى المساعدات الحلوه بس اذا قلت لكم اني حاولت كم مره اقوله كل الكلام الي قلتوه بس بعد كل مره ينسى نفسه ويرجع يخاطبني بطريقة طفله ومايثق بتصرفاتي وويبغي لي الف مره احلف علشان يثق بلي سويته كنت عارفه شنو اهو والله اضليت اترجاه وعيني تدمع وافهمه انك انت الوحيد الي اشكي له عن كلشي ليه ماتسمع الي اقوله وتقاطعني وليه ماتخليني اكمل كلامي في اي موقف مهما يكون انا عطيتك فرصتك عطني فرصتي اني اطلع الي بقلبي بس ماعرف ليش يعيد ويكرر؟؟؟

احسن ما يمكن قوله الان عليك باالصبر الصبر فا الصبر مفتاح الفرج على الله تعالى يصلح شانه وعليك بالدعاء من قلب خاشع واثق با الله وعونه تعالى وصدقيني انه تعالى يسمعك ويراك وهو وحده القادر على كل شئ وهو تعالى ارحم با العبد من نفسه فتوكلي عليه وهو حسبنا جمعا ونعم المولى ونعم الوكيل

اختي الكريمة دام انه زوجك كده ما عندك سوى الصبر والدعاء له
وادعو الله لك وله بالهداية والمحبة

كان الله فى عونك وربنا يهديلك خطيبك ويقدر انة خاطب عروسة عاقلة وناضجة مش طفلة صغيرة
ان شاء الله مع مرور الوقت هايفهم شخصيتك ويقدرها
والف مبروووووووووووووووووووووووووووووووووووووووك