لا حول ولا قوة إلا بالله العلي العظيم
 

السلام عليكم ورحمة الله وبركاته

مالي غير الله ثم إنتوا أحس الدنيا سكرت بويهي والكل يبا يمشي نفسه على حسابي, أحس إن مكسوره ومالي حد. أهلي مستغلين فتره غيابي عن البيت ويخططوا للعرس على كيفهم. أقولهم هالزوج مااااااريده بس لاحياة لمن تنادي غصب طيب تاخذينه رغم الفروق اللي ذكرته بموضوعي.

http://www.66n.com/forums/showthread...=1#post1130233


الله يخليكم إدعوا لي الله يفرج همي وماعرس من هالرجال كرهته.
وعلى فكره الكل نصحني أتركه وانا كل ماأصلي إستخاره أو أدعي بنص الليل أحس إن راحتي بترك هالزوج بس ماحد راضي يفهمني و يساعدني الكل ضدي. وراس التدبير كله هو أمي الله يسامحها ويهديها رغم إن هي تزوجت بنفس الطريقه (أهلها جبروها على أبوي وعمرها 13) المفروض تحس فيني.
ورغم إن ولادتها قربة وتعبااااانه, أقولها خلى العرس بعد ماتقومي بالسلامه تقول لأ. والحين هي ماتكلمني مخاصمتني وتدبر كل شي من وراي. وانا أخر وحده عرفت إن العرس بعد إسبوعين!!!!!

حسبي الله لا إله إلا هو عليه توكلت وهو رب العرش العظيم
حسبي الله لا إله إلا هو عليه توكلت وهو رب العرش العظيم
حسبي الله لا إله إلا هو عليه توكلت وهو رب العرش العظيم

لاحول ولاقوة الابالله

انا لله وانا اليه راجعون

حبيبتي كلمي ابوك وقولي له انامابغاه

يمكن امك قايله لأبوك انك موافقه وهو مايدري

واذا ازمت الأمور اتصلي علىالرجال بكل هدوء ورويه وبكلمتين محترمه

يابن الناس انا وانت مومتوافقين مع بعض واخاف اذا كملنا مانستمر

او ارسلي له رساله

وصلي واستخيري كل يوم وعليك بالدعاء

ولاتنسي تكلمي ابوك

وقلوبنا معاك حبيبتي


ربي اشرح صدرها وفرج همها نولها مرادها واكفيها شر من اراد كسرها وذلها واهانتها
الهي نور بصيرتها وسخرلها القلوب القاسيه والعبيد العاصيه

حصنتك بلا اله الاالله

السلام عليكم ورحمة الله وبركاته

خواتي بر الأمان وعيوووش وروح الغالي جزاكم الله خير

انا مو أكبر خواتي. وهالموضوع مستحيل يأثر على خواتي وانا متأكده

أمي صاحبة القرار في بيتنا وانا ماعندي إخوان شباب ممكن أعتمد عليهم إخواني اللي من أبوي مايسؤلوا عنا انا لو مريت جنبهم في الشارع مابعرفهم <<<<< والله بدون مبالغه. ولا عندي لاعم ولا خال ولا جد شو رايج

بس عندي الله يغنيني عنهم كلهم وصديقات يساعدني حتى لو بدعوه حلوه. وعندي صديقتي جالسه تحاول مع أمي بس بشكل غير مباشر إنها تأجل العرس بحجة الفستان والميكياج <<<< مادري شو فايدة المكياج والفستان دام ماشي زفه ولا تصوير ولا كوشه ولا اااااااااااااااشي

وفي بعد دكتوري في الجامعه عرض إنه يساعدني (هو مو من منطقتنا بس ماشاء الله شيبه ويعرف الناااس كلهم وحكيم يعرف يتصرف وقال إنتي مثل بنتي وبساعدج) وطبعا هو عرف لأنه أصر على يعرف ليش مستواي نزل هالفصل وهو فصل التخرج حارام أخسر معدلي!!
بس هذا انا خليته آخر حل. لو مانحلت السالفه ليوم الأحد بقوله يتصرف مع زوجي (كريهه هالكلمه)

حسبي الله لا إله إلا هو عليه توكلت وهو رب العرش العظيم
حسبي الله لا إله إلا هو عليه توكلت وهو رب العرش العظيم
حسبي الله لا إله إلا هو عليه توكلت وهو رب العرش العظيم

تسلمين بر الأمان على ردج الطيب

والله يساعدني, انا إمبارح نمت وانا متوكله على الله ومتفائله

بس حلمت أمي قصت لي إذني الثنتين بالسكين (بترتهم) ورمتهم للسمك ياكلهم!!!!!!!

ماعرفت أفسره للحين وخايفه!!!

بس اليوم بعد صلاة الفجر قريت قرآن والحمد لله وحلمت أمي في الحلم تحاول تساعدني نجمع الفلوس اللي عطانا إياها ونرده له عشان يطلقني!!!!

نشيت مستانسه و قلت يارب يتحقق حلمي

الله يهون عليج الغاليه..

ان شاء الله خير .. حاولي مع الوالده .. و استغلي أوقات الإجابه :)

اسأل الله العظيم ان يختار لكِ الخير .