| منبع الأفراح |
11-01-2007 12:18 PM |
آآآآآآآآآآآآآه من ابوي اللي دافني بالحيا
السلام عليكم ورحمة الله وبركاته والله اني منحرجه اني اشكي لكم بس والله مالي من بعد الله الا انتم نفسيتي منهاره وفي الحظيظ وعلشان كذا انقطعت فتره عنكم بسبب مشاكلي مع اهلي ايه اهلي اللي هم سبب عذابي وبالاخص ابوي الله يسامحه بعد ماقررت اني اطلب الطلاق بناء على رأي الهيئه الاستشاريه بمنتدانا الرائع رحت لابوي وطلبت منه انه يخلصني من اللي اسمه زوجي مثل ما شربكني فيه وكان رده مثل ماتوقعت طبعا بالرفض وقال لي اصبري عليه انتي اقوى من كذا وبعدين انتي طول هالسنين صابره وش بيضرك لاصبرتي عليه الحين مسيره بيموت وبترتاحين منه قلت له يا يبه صدقني انا بموت قبله اذا عشت معه من قهري وهمي والالامي اليوميه قال ماعليك شر ان شاء الله انتي جبل مايهده ريح قلت له يبه انا كل يوم اموت الف مره باليوم ومو بس انا حتي عيالي قال لي لاتكبرين السالفه وقومي تعوذي من ابليس قمت وبوست راسه ويده وطحت عند رجوله ابوسها بس علشان يخلصني منه كل ذا مانفع ولا جاب لي نتيجه معه قلت له عيشتي معه حرام حراااااااااااااااااااااام وذا راي اهل الدين والمشايخ قال من يقول انتي عايشه معه انتي بجناحك وهو بجناحه ماتدرون عن بعض اعتبري نفسك مطلقه ووريته رد المشايخ على حالات مثل حالتي مع انه اقل من حالتي بواجد بس ما فيه فايده قلبه مايلين علي ولايحن على بنته مع اني باره فيه وما طلبت الطلاق طول هالسنين علشانه مابي ازعله لكن خلاص فاض بي الكيل وماوعيت بنفسي الا وانا في المستشفى جاني انهيار عصبي من ابوي ورده علي ماتوقعت انه يرضى علي اعيش معه وحتى ولو عيشتي معه بالحرام ولو مايعاشرني بس مجرد وجودي معه حرام لانه ديوث بشهادة الكل وخاصه المشايخ والله اني منهااااااااااااااااااااااره واسمحوا لي على الاطاله ادري اني غربلتكم بمشاكلي وهمومي اللي ماتنتهي الا بطلعة روحي والله يجزاكم الف خير على وقفتكم معيعرفتوا ليه انا دايم اقول انكم اقرب لي من اهلي والله يحفظكم يارب
|
