|
هل هذه مشكلة؟؟؟وان كانت كذلك كيف اعالجها؟
السلام عليكم ورحمة الله وبركاته ،،،
حبيت استشيركم في موضوع نفسي اعرف هل هوة يشكل مشكلة ام لا انا من صغري تكلمت بدري كتير موهوبة يعني:d وكنت اقلد كل اشي اشوفو عالتلفزيون واحكي احكي احكي كتير والناس كانو يحبوني كطفلة بيحكو اني امورة ولزيزة طبعا كبرت وإلى الآن انا بحب احكي كتير مايروح فكركو لبعيد انا دمي مش تقيل والله وكلامي مش غبي او تافه بس بحب احكي كتير الحمدلله انا طيبة كتير والاهم اني زوق جدا لاامدح نفسي لكني بشهادة الجميع اضافة اني اعرف نفسي منيح واراعي مشاعر الناس جدا لكني كثيرة الحكي ايضااااااااا انا بحكي بسرعة رهيبة الكل بيحكيلي هيك اختي بتقلي شكل فمك ماببين من كتر مانت بتحكي بسرعة بسجل احيانا صوتي عالكمبيوتر بلعب مع اختي او هيك بسمعو مرة اخرة بنصدم سرييييييييييييع كلامي بشكل كبير قولو ماشاءالله بلاش اصير خرسة:d فهل هالاشي مشكلة؟؟؟ خاصة انني عندما اخلص كلام احيانا احس انو تعبانة اور اسي بوجعني حسب يعني مش دايما والا كانت حكون بصداع دائم الايام هاي بالبيت كتير بكون قاعدة لحالي بسبب مايشغل بالي وتفكيري من امور الزواج احس براحة عندما اسكت لكن ان قعدت مع حد مستحيل مااحكي انا اجتماعية كتيييييييييييير ومحبوبة ايضا الحمدلله لكن مابعرف هاي مشكلة؟؟؟ لمااقعد مع حد والاقيه بيحكي بهدوء وبطئ وروقان بحس نفسي اكون متلو بس مابعرف طبيعتي هيك مع العلم انو لو تحدثت بعصبية او في مشكلة ما يووووه تحسو اني بناقش مشكلة الشرق الاوسط نفسي اكون هادية ورايقة اكتر هيك مابحب الهدوء دايما بحب الحكي والمشاغبة والحركة والطاقة زمان كنت احكي كلام من غير ماافكر فيه واكتشف انو كان غلط هالكلام وكنت اندم وازعل كتير بس هلأ الحمدلله صرت اتحكم بحالي اكتر يعني تحسنت من هالناحية كتير لكن مش هون الموضوع انا حبيت تشاركوني الراي وتقولولي براكو هي مشكلة ام لا؟؟؟ عفكرة انا هيك مع خطيبي كمان عفوية جدا وبحكي كل الي بقلبي وبحكي كتير وهوة صريح معي جدا وبيقلي انو مابدايق من هالاشي وبحبني هيك عطبيعتي وبحب كلامي وان كنت ساكتة بحس فيه اشي مش طبيعي واني زعلانة يعني مش منزعج لكن كتير بيقلي احاسب قبل مااحكي بعض الكلام خاصة اثناء المشاكل بتلقوني ممكن من كتر التعصيب ولللللعت الدنيا الحمدلله متل ماحكتلكو تحسنت كتير وبحاول اكتر انا من زمان عندي طاقة دايما وايام الجامعة كنت في وقت الفراغ مااعرف اقعد لازم الف حتى من الملل تلاقوني طلعت الدور السادس ونزلتو عالسلالم من غير سبب فقط لافرغ طاقة هالاشي متاكدة انا الو علاقة بالكلام ربما لانو بفرغ فيه بعض طاقتي ؟؟؟ لاتقولو اني فاضية ومش لاقية اشي اعملوو لانو الحمدلله عندي اشياء كتير اعملها لكن ان بدي اركز بعمل ما لازم ماحد يكون جمبي ايام الجامعة كانت كارثة اني ادرس بالجامعة جواها يعني خلال الدوام مابعرف اركز لانو حوالية ناس لازم اضل اطلع واشوفهم وهيك وحتى الان ازا بدي اركز بشغلة لازم اكون لحالي والا مابعرف اركز وبضل التفت واحكي او هيك مشتتة لاادري لماذا انا هكذا اعتقدها طبيعة فية اناعمري قارب يصير24سنة شاركوني الراي وقولو لي هل ماذكرته من كثرة كلام وسرعته مشكلة؟؟؟ وبرايكو ان كانت مشكلة ما الحل؟؟؟ وطبعا علقو عكل الموضوع ان سمحتو اسفة جدا للاطالة انا حتى بالمنتدى بحكي كتير بالردود:29: :( :) :d |
عادي وين المشكلة كل البنات كثيرات كلام
|
اختي الكريمة مشكلتك شائعة و لكن كما ذكر لك خطيبك ... جربي أن تعدي للعشرة قبل اصدار اي حكم و حاولي منع الانفعال ... فقد يسبب لك مشاكل مع الآخرين ..
السرعة في الكلام كمشكلتي في السرعة في الاكل و كل ما علينا هو الانضباط قدر الامكان ... و انا أقترح أن تدربي نفسك على التاني في الحديث لأن السرعة أحيانا تقود الى التهور في الكلام و عواقب وخيمة وفقك الله العفوية شيء جميل و لكنه خطير انا احيها من الاطفال .. ولكن من الفتاة او المرأة نحب دائما الاتزان و السيطرة و الحكمة في الحديث تحياتي لك و لا تقلقي مشكلتك بسيطة و حلها فقط بشيء من الارادة |
واااااااااااااااااااو بجد كلامك كثير... مرات بس ما تزعلي مواضيعك ما اقراها عشان اعرف انه فيها حكي كثيرر ممكن تختصريه ( لا تزعلي من صراحتي)..
عموما حاولي تضبطي نفسك لانه مش حلو عالبنت كذا تعرفي ليه ؟ عشان مش حلوه تظهري قدام الناس انه عقلك خفيف خصوصا انه عمرك كبير 24 ورح تتزوجي بعدين.. |
انا اختي مثلك ماشاء الله
تصدقي يحبوها الناس اكثر واحدة فينه لانها مجامله وطيبه ولسانها حلو الله يوفقك اختك ام مجيد |
حكي عن حكي بيفرق والمعروف عن أهل الشام حكياتهن كتير حلوه ومابينملوا بنوب أنا الي صاحبات من لبنان والأردن
وفلسطين بس تايحكوا مابدي اياهن يكتوا ماشاء الله عليهم يخزي العين عنهم... فالموضوع عادي احكي قد مافيكي شوطالع بايدنا غير الحكي الواحد اذا سكت بينجلط الحكي راحه البال والقلب خيتو.... الله يخلي لي اياكي ومابننحرم من كتابتك بالمنتدى.... الله معك تقبريني... |
اختي ملك...
ادراكك لكثرة الكلام دليل على ان هناك شيء زايد عن حده فاوصيك ان تتأني في بعض المواقف لانك ستصادفين انواع من الشخصيات التي تستغربين جدا من ردة فعلهم تجاهك فاذا انت سريعة كلام هناك من الشخصيات من لاتستوعب كلامك الا بسرعه هادئه او متوسطه... واذا كنت عفويه تحبي المزاح فهناك من هم بعكس ذلك ويجب الحذر معهم لان بعضهم قد يسيء الظن بالاخرين بشكل اتوماتيكي اذا كنت تصنفي نفسك ضمن الثرثارات فانتبهي من الزله فالحكمة تقول( من كثر كلامه كثرة اخطائه ) وهي ليست قاعده مطلقه لكن كوني حريصه خصوصا مع الغرباء وعموما ياغاليه الثرثره ليست شيء محمود دائم الا اذا كانت مفيده تحياتي لك |
اقتباس:
ومشكلتك مش هالمشكلة بس لازم تفرقي بين الغريب و الحبيب..فدققي بكلام أختي معالم.. و بالنسبة لسرعة الحكي..قومي بتطبيق هذا التمرين..دائما حدثي نفسك بأنك ما بتحكي بسرعة..ذكري نفسك و اقنعيها بأنك كذلك..خاصة عندما تحدثي غيرك..صدقيني مع الوقت ستلاحظين الفرق..وتتعودي دمتي بحفظ الله |
السلام عليكم ورحمة الله وبركاته ،،،
أشكر كل الردود وسأرد عالجميع بشكل عام انا لم ازعل من صراحة اي احد واشعر ان البعض فهم الموضوع بشكل اخر انا كنت فقط مستاءة من سرعة كلامي بشكل يخليني اتعب واصدع احيانا ومسألة عدم التأني كنت اعاني منها لما كنت اصغر من هالسن لكن الان أصبحت اكثر تحكما واكثر وعيا وفهما الحمدلله تقريبا زالت المشكلة لكن وقت المشاكل تعصيبي بيكون فظيع وممكن اقول كلام بيزعل لكن لااقصدو والحمدلله هاي ايضا كتيييير خففتها أيضا عفويني ليست سيئة وانا محبوبة اجتماعيا جدا لاني اصلا طيبة واراعي مشاعر الاخرين بشكل كبير وذوق في اختيار الفاظي ومجاملة يعني كلامي ليست بتقلة دم او قلة عقل او كلام سخيف او أني ببين تافهة والحياة معلم لنا كما يقولون حيث انه قبل زمن كانت هذه العفوية ممكن تعمل سوء فهم مع الاخرين احيانا لكن الحياة علمتني دروس مفيدة وتحسنت كثيرا وبقيت عفوية لكن بطريقة حلوة إضافة الى ان كلامي ليس تافها او خفيفا وانا لاامدح هنا نفسي لكني اقول اني الحمدلله مثقفة واحب الثقافة والقراءة وعقلي متفتح جدا ولدي اراء حلوة كتير والكل شخصيتي تعجبه جدا وتعجبهم ارائي فهم دوما يقولون لي ((( احلى شي فيكي انك مرحة وخفيفة دم وبنفس الوقت عقلك كبير وشخصيتك حلوة ))) حتى خطيبي يقول هذا لي اعني انه انا كثيرة كلام لكن لست تافهة وعقلي ليس خفيف وانا لست خفيفة دمي فقط هوة الخفيف وماحد بيشوفني الا من اول مرة بيحبني الحمدلله اقول هذا لاني تدايقت من فهم بعض الاعضاء الي قالو لي اني بهذه الطريقة اكون خفيفة وانا ابعد مااكون لهذه الصفة الحمدلله عقلي كبير واملك تفكير ووعي ممتازين اشكر كل الي ردو وانتظر مزيدا من الاراء لكن مايفهمو الموضوع غلط |
| الساعة الآن 08:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©