دخيلكم يا طباخات المنتدى (( ابغى طريقة صنع المرسى الجيزانيه)) عاااجلا
 

المرسى الجيزانيه

المقادير

عجينة دقيق الكمية حسب الرغبة + ملح + قليل من الزيت +نصف كيلو موز + نصف كوب سمن بلدي + نصف كوب عسل .. الكمية حسب الرغبة

الطريقه



يعجن الدقيق بالماء ، ويخبز في التنور أو الفرن حتى تنضج تفرم العجينة بعد إخراجها من الفرن ويصب ثلاث ملاعق من السمن أثناء الفرم ( العجن ) ثم يضاف الموز مع العجن حتى تمتزج المقادير كل هذا في صحن متوسط لحجم ( حسب الرغبة ) ثم تسوى العجينة ، ويصب عليها العسل
وبالعافية

تسلمي والله يا مشرفتنا وعندي استفسارات لو تكرمتي

هل استخدم (دقيق الابيض الفاخر)؟؟؟
اكيد الملح نحطه مع العجينه؟
كيف اخلي سمك العجينه؟ لو فردتها احسن؟؟؟ عشن تنضج بسرعه؟
طيب كم احط العجينه في الفرن؟
يعني تحمر من الأسفل ولا كيف؟
افرمه بيدي ولا بإيش؟؟؟؟


:::::::::::::::::

ويـــــــــــــــــــــــارب يشفي ابنك وتشوفيه يجري ويركض ويصير احسن من اول

معليش ممكن تردي دحين لاني بسويها مفاجاة لزوجي
ويعطيك الف الف الف عافيه يارب

حبيبتي اي نوع طحين يمشي اما الملح اكيد بتحطيه مع العجينة وحبيبتي طبعا لازم تفرديها شوي قبل ما تحطيها بالتنور وبالنسبة للوقت انتي قدري بتعرفيها بس تستوي اما العجن فاعجنيه بيدك وانا حاضرة لاي سؤال

شكرا لسرعة تجاوبك وحسن تعاونك
بروح اسويها دحين ويااااااااااااارب تظبط معايا
وبعطيك النتجه ان شاء الله


بيض الله وجهك اختي الحبيبه
وتصبحي على خير وابنك بعااافيه يارب

هلا بيك يا مشرفتنا
رحت ظبطت العجينه وحطيتها بالفرن
شكلها بتحمر من تحت وتصير قاسية شويه
اشيل منها الحمار اللي تحت ولا خلاص كله افرمه ؟؟؟؟؟مع الجزء المحمر؟؟؟؟؟؟؟؟؟؟؟

تسسسسسسسسسسسسسلمي والله سويتها طلعت مرررة خطيرة وعجبت زوجي
الله يسعدك ويقوم ولدك بالسلامه والف الف الف شكر لك

اول مرة اسمع عن هذه الأكلة
شكرا