|
خطيبتي ...................وأنا
مرحبا
طولت عليكم الغيبة ومشتاقلكم كثيييييير ماراح اطول بالموضوع الموضوع ومافيه اني حبيت وحده من انا صغير وطبعا مانشوف بعض الا في المناسبات لاكن اخر مرة شفتها فيها كان عمرها 12 وكانت حلوة المهم كبرت وكبر حبي معايه واتقدمتلها وطبعا حاط في بالي صورة البنت الي عمرها 12 سنة لاكن وقت الشوفة انصدمت لانها بصراحة اول شي قصيرة ومو مرررة حلوة يعني كبرت ومازادت جمال يعني جمالها اقل من المتوسط قلنا مو مشكلة هاذي خلقة ربنا والبنت احبها وبدانا نتكلم مع بعض طبعا اكتشفت عدة اشياء ماعجبتني فيها يعني الشكل وعديتها خلقة ربنا لاكن سلوكها واخلاقها مو داك الشي وعرفت انو الحب مو كل شي يعني من الاشياء الي ماحبها فيها انها قوية وكل مرة تعترفلي انها قوية سواء بكلامها او بافعالها وتفتعل مشاكل علصغيرة والكبيرة طبعا مو معاية لاكن مع اهل بيتها واهلها وصديقاتها انا احب البنت الرقيقة مو القوية ناقصني انا غير كدا قالتلي انا اعسل وعادي ومافيها شي واني اكشف على اولاد خالي واعتبرهم زي اخواني انا اشوف انو دا كلام فاضي ولاني انا واهلي ملتزمين بديننا فتقول عن اهلي معقدين مع اني كم مرة اقنعتها بانه اهلي منفتحين وماهم متزمتين لاكن قلة الادب والحيا ماهي في قاموسنا غير كده كل شي تحب تفرضه عليا مثال على ذلك انها تقولي انا مستحيل اعيش في مدينتك لانو اهلها متخلفين ومدينتك متخلفة صراحة كلامها ضيقلي صدري وعن جد بافكر افسخ الخطبة يعني انا متغرب عن اهلي ومضحي بكل شي عشين شهادتي ومستقبلي وهي ماهي مستعدة تضحي بانها تسكن معايه بعد ماتخرج في مدينة اهلي الشي الي خايف منو هو اني ادمر البنت لاني عارف انها تحبني بجنون بس غيرتها وشكها وعدم احترامها لمدينتي واهلي وظروفي يخليني انقهر وافكر بفسخ الخطوبة حبيت افضفض واخد رايكم بالموضوع علما اني احبها وحاولت اوقف معاها واساعدها لاكن في نهاية المطاف انا رجل واحتاج لحنان واحد يوقف جنبي مو يزيدني هم ومشاكل خاصة انو دراستي مرررة صعبة ويحتاجلها تركيز اسف طولت عليكم |
اللي تحبك تحترمك وتحترم اهلك وتحترم عاداتكم وتقاليدكم
وإن اختلفت معك في شيء يكون انتقادها بأسلوب مؤدب من غير شوفة نفس قول لها نعم انا معقد وهذا حالنا إن شئتِ الاستمرار بمودة وتفاهم وتقدير وإلا فأنت وشأنك ... كن معها جادا حازما وابتعد عن العواطف والتدليع من الآن حتى تضمن مستقبلك مع زوجة محبة فعلا بس لاتفسخ الخطوبة لاتستعجل .. لعل فيها خيرا كثيرا وفقك الله |
شكرا على الرد
|
السلام عليكم بصراحه والله انصدمت من كلمت {تعسل} وش ذا
أخوي تنكح المرأه لأربع لدينها ولجمالها ولحسبها ولنسبها {{{فاظفر بذات الدين تربت يداك}}} اتوقع انت تدور عن السعاده والحنان والموده مو عن وحده تعسل وتجيب لك ولعيالك الأمراض وبعدين ليش مدام هي تحبك ماتحب ظروفك وتتحملها!!! أخوي والله ماأشجعك على فسخ الخطوبه بس قول لها تتركين عنك الخرابيط ولا الله يوفقك كلن يروح بطريق أنت تدور للأستقرار والراحه واسأل الله تعالى ان يوفقك ويكتب لك مافيه الخير |
اختي الاميرة الهادئة
شكرا على ردك انا حاسس انه مشكلتها في اهلها فهي اتربت يتيمة ابوها اتوفى من هي صغيرة ولاقت مشاكل كثيرة فاخوانها دائما يتضاربوا ولديها اختين مطلقات وبيتهم صغير وجميعهم ساكنين فيه حاسس اني استعجلت ونادم على شيئين اول شي اني حبيتها لفترة 12 سنة وانا ماعرف اخلاقها ولا سلوكها ولا اتقابلنا اصلا بس افتكرها هي صغيرة وكانت مررة بريئه وجميلة ثاني شي انو حاشعر بالذنب طول عمري لو تركتها لاني واثق انها تحبني بجنون بس الحب مو كل شي لاكن عن جد خلاص بدات افكر بفسخ الخطبة لانو حتى لو اتزوجنا ماظن انها راح تتغير حاولت وحاولت اغيرها بس اذا كانت وراها ام تسمملها افكارها عن اهلي ومدينتني بدل ماتمدحني انا واهلي صحيح المثل الي يقول لاتسال عن البنت واسال عن امها لانه اذا كانت الام طيبة وعسل البنت حتكون زيها تحياتي |
الله يكون بعونك ويهديك للصح
الصراحه هالجمله غيررررررررر (غير كدا قالتلي انا اعسل وعادي ومافيها شي واني اكشف على اولاد خالي واعتبرهم زي اخواني) ليش ماتحاول تصارح البنت بالأشياء اللي متضايق منها, تحبك وأكيد بتسمع منك وإن شاء الله هدايتها على إيدك وأخر شي حبيت أنبهك عليه هو إنها راح تكون إم عيالك <<<< فكر كثير وإستخير أكثررررر والله يوفقك |
طيب اختي انا في اشياء طيبة اقنعتها بيها وعملتها بس تعرفي هي البنت مظلومة وانا عارف دا الشي
لانه عندها ام واخوان افكارهم مسمومة وخاصة الام الي برضه تعسل واظن تشيش كمان الام تحب المشاكل والصراخ والكلام الفاضي وحتى الاخوان وانا اتربيت في بيئة غير انا اتربيت على الهدوء والجو العائلي المتسامح مو المشحون بالمشاكل اتربيت على الطيبة والبنت نفسها تترك البيت لانها حتى هي تعبت من دا الجو هي نفسها تتغير بس الجو الي عايشة فيه يخليها غصبن عنها تعمل كدا لاكن انا ايش الي يجبرني اتحملها لاني في البداية قلت اوكي ممكن اغيرها لاكن تعبت والله تعبت وعلى فكرة المدينة الي بتسبها ومو عاجبتها هي المدينة المنورة الي ملاييييييين يتمنوا يزوروها بس مو يسكنوا بيها حتى شي من جد يجررررررررررررح |
أخي تمهل كثيرا في هذا الزواج.........يبدو أن مشفق كثيرا عليها لهذا تود الاكمال معها.........لكن الزواج قائم على
الحب والتفاهم والقناعة من الطرفين.........هذا زواج.......يعني زواج..........اذا أقبلت عليه ولدى فتاة أحلامك الكثير من الصفات السيئ الصفات السيئة التي تكرهها سوف لن تستمر معها استخير.......ثم استخير.......... فتح الرحمن عليك |
شكرا اختي نداء وحداء
وانا لما كتبت الموضوع كتبته لهدفين اول شي ابغا اعرف ايش راي البنات بخطيبتي وهل ممكن اني اغيرها بما انها تحبني بجنووون وهل اهلها ممكن يؤثروا عليها بالتحريض ومن دا الكلام بعد زواجنا ؟؟ ثاني شي مارايكم بفسخ الخطوبة بعد ماتعلقت بي البنت ؟؟ |
والله نصيحتي لك أخوي ... أنك تغيرها قبل الزواج او شوف لك غيرها ...
فكر أخوي في أبنائك ..؟ اذا كانت الزوجة (( تعسل )) فكيف بيكونون ابنائك ..؟ الشيشة خطر كبير على الرجال ... فكيف المراءة ..؟ في بطنها الرحم ... وقد يكون كله سموم .... اعاذنا الله وأياك .. فكر في المسئلة بشكل جدي وانا أخوك ... ولا تستعجل ... اذا كانت بداية الزواج معصية ... فكيف آخرها ..؟ حفظك الله من كل مكروه ... ورزقك من حيث لا تحتسب .. أخوك همطاف |
| الساعة الآن 01:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©