كيف يقنع اهله بخطبتي
 

سلام عليكم ورحمة الله وبركاته
اول شيء كل سنة وانتوا بالف خير
اترددت كثيييييييييييير قبل لااكتب هذا الموضوع بس اخر شيء قررت اني اكتبه ومو عارفة من فين ابدأ فيه
لو كنتي تحبي واحد وهو برضو يحبك او تقريبا على كلامه يحبك .. وفجاة اكتشفتي انه اهله عرفوا بالموضوع اللي بينكم .. والولد للآن ما كمل دراسة يعني يبغاله كمان سنتين بس اهلوا رافضين انه يخطبوله مو بالتحديد انتي يعني اي بنت وكان رفضهم انو ما يكلمك بس عشان المشاكل بين الاهل ايش بيكون الحل ( الصراحة هذي مشكلة صارت لصديقتي ومو عارفة ايش تسوي )ودخل فيها رضا امه ياريت تساعدوها ولمن قالتله تعال اخطبني قالها اهلي رافضين الفكرة اصلا

لصارحة صديقتي كتبت هذا الموضوع باسمها بس انا الحين صاحبة الموضوع
انا عمري 22 سنة وهو قدي تقريبا وانا صرت كل ماافكر فيه اجلس اسبح واذكر الله واصلي عالرسول صلى الله عليه وسلم وادعي وارتاح شوية لكن كل ما يجي الليل واجلس لوحدي اجلس افتكره وابكي بحرقة ومو قادرة اتخيل اني لمن ادق مراح يرد علي هو قالي انه المسألةجات فيها رضى والدته بس انا ماابغى منكم غير الدعاء وربنا يريح قلبي صدقيني اختي لمن قريت كلامك حسيت شوية ارتحت الله يريحك يارب ويوفقك وياريتك توقفي معايا وتساعديني واحتسبي اجرك على الله

انا مع الأهل المفروض يصبرون لحد ما يخلصو الجامعة
وبعدين مايصلح تطول مدة الخطبة لأنه في أحصئيات تبين فشل الزواج اذا طالت فترة الخطبة .

أتفق مع أختي بحرينية ولكن

وينك والله اني مرة تعبت واحتاج تساعدوني وربي
ترى البنت الغبية اللي تسمح لواحد انه يكلمها ان شاءا الله لو اقرب قريب والله هذااقرب قريب وشوفوا ايش سووا فيني مع انه ماادري هو بكيفه او غصبا عنه والله ما تصدقي قد ايش بتالم وفي نفسي مليون سؤال
بس كل اللي ابغا يدخل من هذا الموضوع ربي يشغلني عنه ويوفقنا
وجزاكم الله خير الجزاء وينك اختي رحيق الفردوس واللي عنده اي نصيحة بالله عليه لايبخل علي

والله انا الحمد لله يمكن ارتحت هذا اليوم لكن كل ما يجي الليل احس نفسي عندي اسئلة كثيرة نفسي اسالو هي ولمن ادق عليه وما يرضى اموت على نفسي بالبكاء وكل اليوم بنفس الحالة لمن يجي الوقت اجلس ابكي وانا مرة الحمد لله مبسوطة اني ما بكلمه مع اني مو عارفة كيف راح اقابل اهله .... مبسوطة لأني راح ارجع زي ما كنت اول بس انتوا ادعولي ربنا يشغلني عنه وياريتكم ما تنسوني من الدعاء وربي اني محتاجته كثيييييييييييير انا اللي قاهرني انه هذي المشكلة ما كانت ناقصة حياتي لأنها مليانة مشاكل بس الحمد لله على كل حال وبليز يااختي رحيق لاتتنسيني من صالح دعائك وانا برضو وجزاكم الله خير الجزاء