|
لو قلتلكم محتاجاكم...تردوني؟؟
السلام عليكم ورحمة الله وبركاته،،،
بصراحة مش عارفة ابدأ منين وسامحوني لو كنت مش مركزة في كلامي انا عاوزة افضفض شوية ذي ميكون نفسي مضايق ومش قادرة اخد نفسي بقالي فترة بحاول انسى مشاكلي بينكم وبحاول الهي نفسي بين هموم الناس خايفة اتقل عليكم وكل مرة اقول اكتب علشان تدعولي بس ارجع واقول بلاش شكوى وكل واحد عنده الي مكفيه وزيادة بس قلت انا محتاجة الدعاء بشدة ارجوكم اخواني واخواتي ادعولي الان ادعولي من قلوبكم كل من يعرفني او لا يعرفني ادعولي سبحان الله قصتي مع الحسد لم لن تنتهي مازالت اعاني من الحسد و العين يا جماعة انا مش عارفة اقولكم ايه بس انا اتعرضت لمحن شديدة وحاجات كتير مع اهلي ونفسي وممكن تصدموا لو قلت ليكم اني في مرة من كام سنة من كتر الحسد مريت بمحنة شديدة وككنت مش حتلاقوني بينكم الان الادهى اني مقطوعة عن العالم ولكن بردو الناس مش سيباني في حالي الحمد لله مشاكل من كل ناحية لدرجة اني بحس اني حتجنن جالي وسواس ماسكني الان ويهمس في اذني باشياء وحشة ويقولي حيحصلك كذا وكذا وحاجات تانية انا عارفة حتقولولي الصلاة والقران وانا والله بحاول على قد ما اقدر بس حسه اني بختنق الان ومش قادرة اكمل او اوصف حالتي يا جماعة الخير لو مش لاقتوني بينكم تاني ادعولي الله يخليكم اعذروني... |
الله يفرجك همك ويزيل كربك ويسعدك في الدنيا والاخره.................
|
تكلمي يالغالية قولي فضفضي ليش كاتمة نفسك بنفسك
والله حرام تعذبين روحك حنا أسرة وحدة صح ولا لا؟؟ أسأل الله لك من كل هم مخرجا ومن كل بلاء عافية حفظك المولى ورعاك |
الله يفرج همك وييسرلك امرك ويبعث السعاده والرضا والهدوء في نفسك..
ويارب تتحقق كل امانيك دفعه وحده عن قريب ان شاء الله : ) |
حبيبتي في الله بوبو
ربنا يكفيك و يبعد عنك أي شر هدي نفسك يا جميل و استعيذي من الشيطان الرجيم ،، صدقيني ما هي إلا وسوسة من الشيطان علشان ييأسك من رحمة الله فإوعي تنسي (قل يا عبادي الذين أسرفوا على أنفسهم لا تقنطوا من رحمة الله) صدقيني حاسة بيك و حاسة بالمرارة اللي انت فيها و صدقيني كمان إن من غير ما تتكلمي أو تحكي ،، أنا متخيلة ممكن يكون إيه اللي بيجرالك و من مين ... لكن مش في أي حل غير اللجوء إلى الله ،،، طبعاً زي ما بنقول البعد عن الناس غنيمة لكن عن نفسي جربت البعد قالوا أكتر لأنهم مش بيبقوا عارفين حاجه عنك و يبدأوا يتخيلوا إن حالك كويس و إن هو ده اللي مخليك تبعدي عنهم و يبدأ الحسد و إذا قربتي منهم حسدوك على الهم اللي انت فيه قبل الفرح ... إذا مش اتجوزت فيا بختك مش عليك مسؤلية و هم ، و اذا اشتغلت فبصوا و شوفوا زمانها بتغرف من الفلوس غرف ،،، و إذا اشتكيتي فقط من باب الفضفضة يقولوا دي مش فيها حاجه دي بس بتخزي العين عنها شيلي الناس من دماغك خالص ، حاولي على قد ما تقدري ... ما دام همه حاسدينك حاسدينك ، شيليهم من دماغك و حاولي تتعاملي مع الموقف اللي انت فيه من غير ما ترجئي السبب للحسد لأن ده صدقيني هيتعبك أكتر و هيخليك تحسي بالضعف لأنك هتحسي إنك مغلوبة على أمرك و إن مش في أي شئ في أيديك تساعدي بيه نفسك ارمي الهموم ورا ظهرك و اتعاملي مع الناس دي على إنهم أمر واقع لازم تستحمليه زي زميلك اللي مفروض عليك في المكتب و زي نصيبك بإنك متغربة و زي أي شئ مسلم بيه في حياتك بتتعاملي معاه و تحاولي تتكيفي عليه أما عن الدعاء ،،، فمش تحملي هم يا حبيبتي ... حطي في بطنك شادر بطيخ صيفي و أما عن إننا دلوقتي في الشتاء :24: فممكن تحطي ........... إيه رأيك في تشكيلة برتقال على موز على حبة يوسف افندي :22: عايزين بوبو المؤمنة بالله و الراضية عن الله تفضل متماسكة و متفائلة ... أنا عند حسن ظن عبدي بي ربنا يفرج همك و يصلح حالك و يعمي حسادك عنك الدعاء ده حلو أوي ، و صدقيني عن تجربة مش بتلزميه إلا و فجأة بتحسي بالراحة و كأن مش في أي شئ حصل و بتنسي تماماً اللي حصل بسم الله الرحمن الرحيم "قل هو الله أحد، الله الصمد، لم يلد و لم يولد، و لم يكن له كفواً أحد" قل هو الله أحد بفضلها ياربي لا تكلني لأحد و لا تحوجني لأحد و أغنني يا ربي عن كل أحد يامن إليه المستند و عليه المعتمد عالياً فوق العلا فرد صمد ، منزه في ملكه ليس له شريك و لا ولد . رزقه ميسر يجري على طول المدد ياسيدي خذ بيدي من الضلال إلى الهدى و نجني من كل ضيق و نكد ، بحق الله الصمد لم يلد و لم يولد و لم يكن له كفواً أحد ربنا ينجيك و يكفيك شر الإنس و الجن ... و أمنتك بقراءة سورة البقرة ، جعلها الله لك نجاة من الشرور و في النهاية ، عارفه إني طولت عليك لكن بجد و الله من قلبي ،،، ربنا يفرح قلبك في الدنيا و الآخرة |
يالله يابوبو حبيبتي ماتشوووفي شر ان شاء الله ....
صدقيني الحسد في كل مكان ... حتى الفقير يحسدووه على فقره :( .... اتحصني واهم شئ ترضي ضميرك وربك ... بس على فكرة انا نفس الشئ خالاتي وباقي العائلة ماشفتهم من زماااااااااااااان لانه كل مرة نتقابل مايسيبوا شئ مايتكملوا فيه وانا صرت اخاف من عيوونهم بالذات لما يتكلموا عني ... بس اكلمهم جوال واسلم عليهم .. غير كذه لا ... ونصيحة مني اتصدقي دائما حتى لو بكاسة موية على مسكين ... بنية الشفاء .. ولاتغيبي عننا يابوبو والا المنتدى ماله طعم من غيرك |
اختنا الكريمة ادعو الله لك بان يبعد عند كل شر ويحفظح ويحميك وينجيك وييسرلك طريقك ويفرحك ويجعلك حياتك كلها سعادة
|
وكيف نردكِ يا حبيبة ؟ انتِ هنا بيننا ونحن أخواتك واخوانك فضفضي اتركي أبواب قلبك مفتوحة وأدخلينا نعم ربما نحن لا نملك أن نفعل شيئا لكننا نملك كلمات لكِ قد تُعينك قد تنير بصيرتك في ظلام اشتد من حولك غاليتي رفقاً بنفسك بل لنرفق جميعا بأنفسنا أشعر هموما كثيرة طالتنا وتأبي إلا أن تسرق راحتنا فلماذا لا نتدفأ ببعضنا البعض من ذلك الزمهرير ؟! ولماذا لا تتوحد وقفتنا أمام ذلك العدو اللعين؟! تكلمي ياغالية ولا تقولي : " وماذا سيفعلون لي ؟" أو " لا أريد أن اُثقل عليهم " فنحن هنا من أجل بعضنا البعض " وتلك الأيام نداولها بين الناس " بالأمس كان الهم زائرنا فجثم فوق صدورنا وفضفضنا هنا فتحنا قلوبنا وطردناه هنا فاستمعتِ أنتِ غاليتي ونصحتِ وساندتِ اليوم جاءك أنتِ زائراً ... ضيفاً ثقيلاً فلنسمعك ولنحاول التخفيف عنك العين حق غاليتي وكما أنكِ تحرصين علي الصلاة والقرآن فهذا خير ... ولا تنسي كذلك الأذكار خالص محببتي ... ودعائي أن يشرح الله صدرك وييسر لكِ جميع أمرك |
اقتباس:
بسم الله عليك حبيبتي هدي نفسك صلي ركعتين اقرأي قرآن أو اسمعيه حترتاحي كثير الله يشرح صدرك يارب |
الله يفرج همك ويفك كربك
|
| الساعة الآن 01:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©