شبكتي بعد اسبوعين ومحتار في الذهب
 

السلام عليكم
اخواني واخواتي
ابي نصيحتكم

وش اشتري طقم ذهب ابيض او طقم اصفر
ابي الموضه اليومين هذي ؟؟

أتوقع الأبيض أفخم وأحلى واذا ممكن أسأل خطيبتك وش تفضل وعلى قولتهم الألماس يضل الى الأبد والله يوفقك يارب ويتمم عليك

أشوف الأبيض أرقى ..
لكن أفضل إنك تاخذ رايها وتشوف إللي هي ودها فيه ..
كم شبكة الوحدة منا بتحصل عليها في حياتها ... :)

أبيض واذا تقدر تاخذ ألماس احلى وأحلى بعد..

مبروك الله يوفقكم ويهنيكم:14:

ممنوع عندنا اكلم خطيبتي :(
ومو عارف وش اجيب
وبنسبه للالماس غالي وما اقدرعليه <<< ضروفه على قده:)

توكل على الله وخلها ذهب أبيض

لاتنسى التغليف يكون حلو ومبتكر عشان تعرف انك ذوق

موفق أخوي..

جابك الله
جالس ادور
ماتخبرين لي موضوع عن التغليف
او اماكن التغليف في منطقة الرياض ؟؟

ولاتشيل هم أنا زوجي ماشاورني بس توكل على الله وخذ ذهب أبيض الافي حاله وحده اذا أهلك وأخواتك يلبسون الأصفر لأن أتذكر وحده كانت تدرس معي لما جاب زوج أختها طقم ألماس بدلته بذهب تقول مو حلو الأبيض فأنت شف الوضع مع أني أحب الألماس والذهب الأبيض

محلات التغليف كثيرة وماأقدر أقول أسماء معينة (قوانين المنتدى ماتسمح ) بس مو مشكلة اخوي اي محل تقدر تروح له

وتقول له شبكة ومباشرة راح يعطيك افكار حلوة..

شبكة اخوي حطينا صندوق كبير وفيه أقمشة بلمعة خفيفة وعصافير وبوسطه علبة الطقم وكان مفتوح

وجنبه خدادية صغيرة فيها دبلة

وأخوي الثاني قوقعة كبيرة مفتوحة ومعلقة عليها الطقم..

هذي الأفكار اللي عندي واكيد راح تلقى الكثير بالمحلات..

نصيحة روح لمحلات شمال الرياض كلها راقية وافكارها عصرية وحلوة

فيه محل أسمه مناسبات في شارع العليا العام مررررررررررره حلو وبالتوفيق