|
فجأه وبدون مقدمات....
فيه شغله غريـــــــــــــــــــــــــــــــــــــــــــــــ ــــبه صايره انا جلست ثلاثه اسابيع عند اهلي...اسبوعين لأن امي كانت تحج واسبوع بعد رجعتها الحمد لله بس كانت تعبانه ومسخنه فكملت اسبوع زياده كل الموضوع صار برضا زوجي...بل بتأكيده انه راضي تخللت فترة جلوسي عند اهلي زيارات لي من زوجي زيارات طويله وقصيره وكذا مره طلعت معاه برا....وقدرنا كم مره نقتطع وقت خاص جدا لنا نحن الاثنين وفهمكم كفايه.... الخلاصه كانت الامور تمام....زعل مني كم مره يقول ماكنت ادري ان الوقت بيطول كذا في غيابك...وانا مالي خص في اهلك والمفروض كانوا دبروا امورهم وانا رجل ولي احتياجاتي....ومرات يسكت ويوافق ويقول لا انا بس كنت معصب واشتقت لك ولا عرفت وش اقول.... المهم لما رجعت لبيتي كنت محضره مفاجآت ( خطيره )...شي ملابس واكسسوارات و لحف سرير جديده وشغلات خاصه وفهمكم كمان كفايه... المهم الرجال كان بيستخف من الفرحه والوناسه وانا والله اول ما دخلت بيتي كان نفسي ابوس جدران البيت واحد واحد استااااااااااااااانست بالمره اني رجعت خلاص... رجعت بيتي الجمعه الليل ...تفاجأت في زوجي يوم السبت يقول انا بسافر:( ...انا قلت لا مو معقول...توني رجعت ومشتاقين ووووووو....قال والله انتي جلستي عند اهلك وانبسطتي انا كمان بطلع واستانس... وربي يا ناس ....لا طلعت ولا رحت ولا جيت....محبوسه مع العيال...واللي في الشرقيه بالسعوديه يعرفون ايش البرد الزمهرير اللي جا...برد ما قدرنا نعرف نلتم على انفسنا بالبيت فكيف نطلع نتمشى؟ الحراره وصلت لخمس وست درجات والصفر احيانا... قلت له لا طلعت ولا رحت ولا جيت وانت ادرى اني ما رحت ولو بطلع يكون عندك خبر...قال برضو....انتي وسعتي خاطرك.. خليني اطلع انا....والله يا ناس انه خلال الثلاثه اسابيع ما خلى مكان ما راح له مع زملاه ...طلعات وشوي ووناسه...ماقلت شي بس سؤالي: ليه يقلب الكلام؟ ليه يلخبطني ؟ ليه يقول اني انا طلعت وهو يدري اني ما طلعت؟ وليه يقول انه ما طلع وهو ما خلى مكان؟ اللي قاهرني من قلب....حاسه انه مخبي شي....قال فيه شي بسويه بيبسطك! ايش هو؟ انا مو مقتنعه انه بيبسطني! ايش اللي بيبسطني لما تسافر لدولتين وانا مو معاك؟ وتدري اني ابي اسافر؟ ومن زمان بس ساااااااااااااااكته قلت ما بي اثقل عليك... لا احد يفكر انه ورا الحريم...متأكده ان السالفه مافيها حريم ابد ابد ابد...فيه شي مو فاهمته...شافني معصبه ...ما حاول يحتويني...ولدي قام يبكي يقول يا بابا لا تسافر طالعني قال دبريه بمعرفتك....اول مره يسوي هالحركات... ما امداني اطلع اغراضي وارجعها دولابي الا رجعت اشيلها وارجعها الشنطه....قهرني قهر... ابغى افهم ....وش هالسفره المفاجئه؟ مو حريم ...بس ليش؟ ليش انا مو معاه...؟ وهو مو ناقص تماشي...ليه المفاجأه المزعجه هذي؟ وهل لي حق ازعل ؟ والا انتظر الين يرجع وافهم وش السالفه لأنه ظل يتكلم بالألغاز؟ كلمته قبل شوي وكنت ناويه انكد عليه بس تعوذت من الشيطان |
احسني الظن بزوجك حبيبتي ولا تسبقين الاحداث............اغتنمي غيابه وجهزي مفاجأت احلى من اللي قبل......اصبري وشوفي اش قصة السفر ....يعني اذا رجع تحاوري معاه بكل هدؤ وافهمي ايش السالفه واللحين استرخي واخزي الشيطان ولا تتركي له مدخل بينكم
|
نصيحتي لك اختي انك ماتستعجلين وتتركينه الين مايرجع وتشوفين بعدها وشر راح يصير
لانه قال شي راح يبسطك فا خاف تستعجلين وتندمين واذا رجع وماعرفتي سبب لسفرته المفاجأه وماقال لك هذا الوقت اللي عاد انتي تصرفي فيه لانه مره صار معي مثل موقفك زوجي كان مخبي مقلب معاه وكان مايبغى مني اني اقترب منه او اتكلم معه سألته جلس يتكلم بالالغاز انا طبعا زعلت منه حسيت ان فيه شي وبان على وجهي لكن مسكت نفسي وبعدها اتكشفت انه طلع مقلب منه كان مخبيه علي حمدت ربي اني ماقلبتها عليه ههههههههههههه |
انا من رايي لا تقولين شي لان الرجال اذا حط في راسه سفره بيسافر بدون ما يذكر الاسباب سواء رضيتي ام ابيتي
عشان كذا انتي سوي نفسك عادي بس لا تسوين فرحانه << تطنشين بزياده << لا خليك طبيعيه ولا كأن فيه موضوع سفره ولا شي والله اعلم |
dana15
اشكرك على تجاوبك السريع لكن ماعاد عندي مفاجآت وبصبر الين يجي بس الله يستر لا انهبل من هالصبر احاسيس المحبه مشكوره وياليت فعلا شي يبسط بس ما اعتقد درعاويه اشكرك على مرورك والموضوع جديد علي ماقد صارت معاي |
يا جماعه لي حق ازعل والا عادي الموضوع اخاف اطلع بشكل السخيفه ! |
انتي قلتي انه قال بيبسطك
ماقال هذي الكلمه عبث ؟ عشان كذا اقول لك اصبري ولاتستعجلين واذا انتي متضايقه حيل بيني له في رساله انك ودك لو كنتي مسافره معه لكن ماعليه مادام فيها مفاجأه لي عشان اذا مافيه مفاجأه لك ينحرج ويرحمك وعلى قولتهم اتمسكني له لين تعرفين السبب واذا عرفتي وصار حلو انبسطي واذا عرفتي وصار مو حلو ( والله لايجيبها )) كوني ذئبه :11: بس الله الله بالصبر واذا رجع حتى لو فيها مفاجأه انبسطي بس عاتبيه عتاب بسيط على انه سافر لوحده حتى مايتعود واذا مافيها مفاجأه ازعلي في هذاك الوقت ولك الحق اتمنى وصلك اللي في قلبي |
احاسيس اشكر لك اهتمامك يا غاليه
بس قلبي يقول ان مافيه مفاجأه ولاهم يحزنون والمسأله لعب وبس مقتنعه بهذي الفكره مدري ليه وهذا اللي متعبني ... واذا على ذئبه والله ليشوف ام الذئاب وام القطيع مو بس ذئبه....بس الله يجعل فيه شي يبسط والله ودي علشان لا اقلبها الحرب البارده عليه...مافيه اخس من الحروب البارده |
لا .. لا ..
ريحي بالك .... مشكلتي اصدق .. وان شاء الله الموضوع بسيط ممكن مفاجأه لكي .. والسالفه تضايق شوي بس ماتزعل ..وسعي صدرك .. الله يرده بالسلامه لكي .. |
اختي سؤال ...
زوجك من النوع اللي يتأثر بكلام اي شخص ... بمعنى اخر هل هو حساس ..؟؟؟ لأن اعتقد والله اعلم ان السبب في زملائه وكلامهم المتواصل فمشكلتنا الرجال نحشر انوفنا في مشاكل الاخرين من غير ان يطلب منا ذلك .. وموضوعك بصراحه ليس بسخيف ابدا .. ويحق لك تزعلي بصراحه .. لكن وأتمنى يااختي انك ماتزعلي لأن زوجك وانتي وولدكم ماتستاهلون ان الشيطان ينكد عليكم ولو للحظه ... وحتى لو ماحضر لك زوجك مفاجئه فخلي ردت فعلك ايجابيه وفيها شوية عتاب لاكن من دون زعل .. اعتقد انك فهمتي قصدك ويمكن زوجك حب يتغلى عليكي شوي ووده يحس بحبك له وانك متعلقه فيه لأن الرجل وبصراحه مهما كان يبقى طفل مع زوجته ويحب انها تعامله معاملة الطفل ... والله يوفقكم .. |
| الساعة الآن 03:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©