|
شاركنا...تكاليف الزواج...للعرسان ؟
السلام عليكم ورحمة الله
كلنا نعلم أن الزواج هذا الأيام صار معقد أكثر من زمان :( وخاصة من الناحية المادية .. من زمان كان يكفي فقط وجود فرشة وطراحة وصار عندنا غرفة نوم :22: لكن الآن غرفة نوم وساتير ودلاوب ومدري إيه كمان , على العموم مارأيكم لو أننا في الموضوع تشاركنا في وضع تكاليف الزواج من ألف إلى( ألف لام والسلام ) طبعاً نحاول تكون الأسعار أقل ما يكون ،، وأيضاً أفضل مكان أو سوق تباع فيه وبسعر جديد ،، وكل واحد حسب مدينته ، بحيث يكون الموضوع مرجع لكل من أراد الزواج وخاصة من الشباب المبتدئ في حياته :17: ولا نجمع الأصناف مثل غرف النوم والدولاب والأجهزة الكهربائية ونبين الأفضل والأجود والأرخص .. أتمنى نجد تجاوب من الشباب و لا ننسا أخوتنا أيضاً . وللعلم أقوم حالياً بإعداد ملف إكسل شامل لهذا الموضوع وننشره بإسم المنتدى الرائع هذا فحبذا لو تساعدنا لإعداده بالمناسبة : كيف أرفق الملف والسلام . |
زواجي إلى الآن وأنا لم أكمل جميع المستلزمات
قفز ثمانين ألف ريال . . بقي تكاليف السفر وبعض الأغراض اللي أتوقعها تكلف عشر إلى خمسة عشر ألف ريال .. |
اخي الموضوع المفتوح سيكون متشعب ولن نصل لنتيجه ... منطقه ... دوله ... تقاليد ... مقدرة الشخص ... مواصفات الفتاة ... اشياء كثيره ان حددت عرفنا الخلل .. |
خلنا نركز على منطقة التكاليف فيها عالية مثل الخليج مثلا وخاصة السعودية وبعدين ممكن نتوسع
وايضا نركز على الامور المادية مثل الاثاث والقاعة وما إلى ذلك أما الفتاة فنفترض إنه اختارها خلاص |
اقتباس:
السعوديه مناطق كثيره تختلف فيها التكاليف وبعضهم قد حدد والفتاة لها دور حتى لو اختارها ... والبعض لايعمل فرحه بقاعات .. يجعلها مختصره ببيته او بيتها.. وبعضهم باستراحه .. الاثاث صعب احدد لك ... |
ساري
تراني حيرت معك السعودية مناطق كثير صح لكن في الغالب هناك أمور مشترك وأمور أخرى تعتبر قياسية زي القاعات والعشاء الغالب يعملها في قاعة أو استراحة المفهوم واحد والشقة الكل يسكن شقة أو بيت وما أظن أحد يسكن في خيمة هذه الأيام فخلونا على القياسي وقريباً راح أجهز ملف الإكسل ونشوف سوى الأمر بس لا تعقدوها |
موضوع جميل :) ... في حساباتي .. خصصت ما يلي: المهر (50.000) الأثاث (50.000)... إن شاء الله ما هو أكثر إيجار الشقة (18.000)... الله يسهل وألقى واحدة بهذا السعر القاعة والزواج (50.000)... تكفل بها الوالد الله يحفظه ==== ادعوا لي أن يتمم ربي الأمور على خير |
اقتباس:
كل مانسيت شي الا وانت تذكرني فيه :d الشقق << على كم < 10 /15/20/25 الف طيب تعال نحسب للرجال اللي زواجه كبير وهو ماعنده بيت :25: 70 الف مهر 30 الف قاعه 20 الف حفله كامله للمعازيم من جميع المتطلبات من الاكل والطق 25 الف ايجار بيت 35 الف اثاث 20 الاف شهر بصل 70+30+20+25+35+20= 200 الف ريال المهر = 70 الف والباقي متطلبات = 130 الف :) المتطلبات طلعت اكثر من المرأه طيب تعال نحسب لواحد متوسط حال :d مهر 40 الف قاعه 12.500 10 الاف حفل للمعازيم 15 الف ايجار اثاث 20 الف 10 الاف شهر مربى المهر = 40 الف والباقي متطلبات = 66.500 الف ! طيب تعال نحسب للبسيط القادر على بعض والبعض لا .. يعني بسيط مهر 30 الف استراحه 3000 الاف 7 الاف حفل للمعازيم 10 الاف ايجار 13 الف اثاث 2000 ريال يومين فره بجده بس المهر = 30 الف والباقي متطلبات = 35 الف طيب تقدر تحسب معي للي مايقدر ... وانا اخوك لاني تعبت من ارقام البورصه على فكره واحد قال لي اذا اخذت خذ غالي لان معدنه فيه مثل المرسيدس ..:d مدري اللحم مثل الحديد .... اللي اخبره ان الحديد اذا قلت له يمين وعشقت القير مشى معك والا اللحم تطقه مثل الاسفنج ويرجع لك ..! |
اقتباس:
يالله شدوا حيلكم وجمعوا....بالتوفيق ان شاء الله..... اللي يبغي العسل يصبر على قرص النحل:d |
طيب خلني اقول لكم تكاليفي عرس اخووي
المهر 80 الف ريال قصر الافراح 5000 ريال البعارين 5000 ريال الطبخ 1000 ريال العصيرات والكيك 7000 ريال الطقاقه 4000 ريال غرفة النوم 2000 ريال طبعا شهر البصل كان بالديره غرفة ثانيه بشقته بالرياض 10000 ريال ترميم بيت جديد 30000 ريال هدايا وخرابيط حوالي 2000 ريال المجموع الكلي 24000 ريال كماليات الزواج امام الناس الي ماارضاها الي سويناه لان ارضاء الناس غاية لاتدرك 42000 ريال غرفة مع ترميم بيته بالرياض وهدايا المهري 80000 ريال طبعا 60000 من البنك الاهلي و20000 من الوالد الله يخليه حوالي المجموع 66000 + 80000 = 146000 الف ريال سعودي مبلغ بصراحه مهو بسيط والي اكثر شي اكله هو الترميم وخرابيط قصر الافراح |
| الساعة الآن 06:22 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©