مين الغلطان ..... برأيكم
 

اسعد الله اوقاتكم بكل خير
ياجماعه انا في حيرة من أمري ارجو مساعدتي من باب العلم وليس من باب العاطفه والتعاطف
الموضوع ومافيه أن لي تقريبا 10 سنوات وفيه مشاكل تكون بسيطه ثم تتطور والمشكله ماادري من وين (طبعا أنا ماأسميهامشاكل لكن اسميها سوء فهم)لكن هي تسميها مشاكل والله اعلم
المهم انه في كثير من الاحيان انه تكون مثلا انها الموضوع تافه (برأيي)يعني أخر مثال:
أمس جالس بعد العشا على الجهاز وطبعا الجهاز في مكان الجلسه وليس في غرفه ثانيه جالس اطقطق وهي تقول انت ماتمل تعال واجلس وعطنا وجه وانا أقول طيب انا معكم وش الفرق المهم شوي وجاء ابليس والحمد لله (شوي غبار) وراح.
وضحكنا ومزحه ومن بكرا دخلت البيت من الدوام وسلمت علي بطريقه بارده (مو مثل ماعودتني)وانا سويتها مزحه سلمت من بعيد وقلت لها وش دعوى المهم بعد العصر جلست لحظه على الجهاز وفيه مشكله حتى اني كلمت احد الزملا وهي تسمع .... المهم انها قالت أنت وهالجهاز لازم تحدد لك وقت قلت لها طيب انا متفق انه بعد العشا(طبعا الانترنت) لكن انتي عارفه اني ماني على النت واني اصلح فيه شي وجاء ابليس وحاولت الطف الموضوع فتغلت المهم مزحت كم مزحه ولافيه فايده طبعا طلعت من البيت لشغل وكلمت على البيت : كيف الحال؟؟ اخبار؟؟ اجيب معي شي فتلقيت صفعه !!! لا
المهم جيت للبيت والصدر ضايق وانا من عادتي ما اتكلم في المشاكل اتغلب عليها بالصمت والحمدلله على برودتي فقلت لها لا تساعدين ابليس على نفسك و....و.... ولاحاجه.
اليوم عاد مافيه كلام وانا سحبت السيفون واقول بنفسي (دامها تبغى كذا ايش بيدي؟؟) المهم فتحت موضوع يضيق الصدر قالت ترى بدالك 100 رجال وانا ماقلت شي (بارد) بعين طلعت لمشوار وحاولت تني ماأتأخر طبعارجعت بسرعه وهي جالسه على الجهاز فقلت لها ساعتين وانتي على الجهاز من باب المزح لأنها اتهمتني اليوم تقو لشفت لك 7 ساعات وانت على الجهازفقلت حرام عليك من يوم قمت من النوم مصار لنا 6 ساعاات واحسبي وقت الصلاه والقعده و...و...
بعد ماقلت لها تلك الكلمه انفجرت تبكي
طبعا انا احيانا ارتاح لما تبكي لأنه يخفف اللي بصدرها طبعا يحرق قلبي دموعها لكن شو بيدي
آسف للأطاله
.......لكن أيش رايكم..... ومن برايكم غلطان ....المشكله انها تتكرر مثل هذه المواقف....يعني اراضيها و..و..و وبعدين مافيه فايده فاطنش حتى تنفجر واقول بنفسي (هي اللي تبغى ) ودمتم

والله اخي الموضوع محتاج انك توضع قليلا حتى نقدر نساعدك ونعرف القصه منيح لكن انا الي فهمته انها ما تحبك تجلس على الجهاز وهي تجلس عليه وانت كنت تمزح معها بس قلت لها ساعتين وانت على الجهاز ؟؟؟؟؟؟ ترى زوجتك مضغوطه تعرف ليش لانها نفجرت بالبكاء اكيد في شي مضايقها منك واعتقد عده مشاكل لم تحلوها فمشكله على مشكله خلتها تنفجر بختصار مافي حد غلطان لكن اجلس معها فيه تحب تجلس معك وكمان انت لازم تجلس معها جلست مصارحه وقول لها انت شو تحبين فيني وشو تكرهين وانت قول الي عندك كمان وبتنحل المشكله ان شاء الله لكن دائما حلو مشاكلكم اول بأول لان الضغط امرات كثير يولد الانفجااااااااار القوي واسئل مجرب:25:
الله يوفقكم وطمنا عنك أخوي

\\

اخي الكريم 00

الامر واضح 00 زوجتك تغار من جلوسك الطويل على الجهاز 00

هي تريد ان تشعر بحبك واهتمامك بها 00 ببساطة تريد غزلاً 00

اجعل لها وقتاً في اليوم لملاطفتها 00 فالمرأة تحتاج للعاطفة كالماء حتى لاتذبل وتجف 00

هي تحبك ولو لم تكن كذلك لما جلست تعد ساعات جلوسك على الجهاز 00

ثم ان 6 ساعات كثير بنظري لرجل متزوج 00

أتعلم اين الالم ؟

حين تحب شخصاً وتشعر بالحاجة اليه وهو بجوارك لكنه لايمنحك هذا الحب 00

\\

الامر حله بيدك 00 سارع الى سقي زهرتك قبل ان تذبل 00

بالحب طبعاً وليس البرود 00

\\

وفقكم الله

ترا المرأة تمر بوقت تكون فيه مرة معصبه وتبغى تنفجر لاتفه الامور بسبب اللخبطة فى الهرمونات وقت الدورة
ولازم انت تحاول انك تمتص غضبها
ويعطيك العافية والله يسعدكم

اخوي مسفهل حلو منك انك تكلمها وتراضيها وبالنسبه لقولتها 100 رجال كلمه وطلعت بالغلط اما بالنسبه للكمبيوتر فانا بعض المرات نفس الحاله اعصب من زوجي بسبته وهو يقول لي انا قاعد معك ؟؟؟ وين الفايده انك تقعد معها وعقلك وفكرك كله بالنت ؟؟؟؟ومثل ما قال الاخ كاره الرياضيات زوجتك العزيزه تحتاج لكلمات حب واهتمام منك لا اقل ولا اكثر .....خصوصا بعد هالفتره من الزواج تبدا تصير الزوجه حساسه شوي فقدرها وقدر ضغوط الحياة ....
والله يخليكم لبعض ولا يفرقكم بشر والمسلمين اجمعين ......

والله ماألومها لاني وحده مجربه (زوجي تخصصه حاسب)

زوجتك محتاجه منك شوية أهتمام

مثلا حاول وانت جالس تقول تعالي شوفي هالموضوع والا هالمقطع ...........................

خليها تشاركك

ربنا يوفقك مع زوجتك

اتق الله في زوجتك .....
انت طول النهار في الدوام ..
تلاقي احد تتكلم معه وتضحك معه ...
ولما ترجع البيت ترجع .... شبعان من الكلام والضحك.....
وزوجتك المسكينه....
طول النهار ماتكلمت مع احد....
تنتظرك بفارغ الصبر.....
وانت طبعا" فرغت شحنتك في الدوام...
ومحتاج للراحه ...
وبعد ماترتاح...
تتفاجاء زوجتك ...
بجلوسك على الجهاز...
او التحدث مع اصدقاءك او الخروج معهم ......
والمسكينه ما احد افتكرها ....
الصراحه الله يعين زوجتك .....
التفت لزوجتك ...
وحسسها بأهتمامك ....
الله راح يسألك عنها يوم الحساب..

سؤالك مين الغلطان برأيكم

والجواب (((((((((((((((((((أنت ))))))))))))))))

خصص لها وقت ورتب أولوياتك

مين أهم الجهاز ولا زوجتك

والله أنا نفسي ألأقي حل لزوجي

أنا اهم من الجهاز يعني مو كثير عليا لو

أعطاني ساعة قبل ما يجلس على الأنترنت

الله يوفكم

http://www.up07.com/upload-45/wh_24443899.gif


اخوي هي مثل ماقال كاره الرياضيات ..

بس هي مو غيره ..

وشكلة الزوجه مو ان زوجها معها او مو معها بالغرفة ..

يعني انا ممكن اكون مع زوجي بنفس الغرفة بس اكون متلهيه بشيء ثاني ..

حاول لما هي تكون موجوده ماتشغل الجهاز ..

وقت ماتقوم هي تجهز غذا عشاء او حتى تدخل حمام تطول ..

العب بالجهاز على كيفيك حسسها بالاهتمام ..

والله يهدي النفوس ويسعدكم ويوفقكم دنيا وآخره ..

http://www.up07.com/upload-45/wh_24443899.gif