|
زوجتي خائنه .. زوجتي تحدث شخص ..قبل لاتصيح افهم زوجتك دعوه للنقاش
بسم الله الرحمن الرحيم ..
اسمحوا لي بتكلم بلعاميه لأن زهقت منالفصحى ...:15: طيب .. ابدأ موضوعي بسؤالين .... المتزوجه لمن تكلم رجل اخر غير زوجها واكتشفها زوجها ماذا تكون ردة الفعل ..؟؟؟؟؟ المتزوج لمن يكلم فتاة غير زوجته واكتشفته زوجته ماذا تكون ردة الفعل ....؟؟؟؟؟ من الجميل ربط الدين بلعقل والقلب .. وليس بلقلب فقط وهذا اللي صاير عندنا ... كل جريمه ولها حدود وشروط ... وكل انسان معرض للخطأ ... والاخطاء تختلف باحجامها .. لكن .. والف لكن ..... لماذا لايغفر للمرأه ان كلمت رجل مثلا ( فقط مكالمه ماودنا نخش بلعميق ) والرجل يغفر له وغصب عن الجميع ... طبعا هنا يتدخل العقل وليس القلب .... يا اخي الزوج .. داااااااااااائما وابدا حط في بالك اذا وجدت زوجتك تكلم شخص اخر اسأل نفسك هذي الاساله... هل انا مقصر معها في شي ..؟؟؟؟؟ ماهي احتياجاتها مني كزوج وماذا تريد ..؟؟؟؟؟ وهل لو فقدت انا شي ودي يكون بزوجتي بسوي نفس الخطأ.؟؟؟؟ ابدأ حلل واعرف وين الخلل ..؟؟؟؟ افهم زوجتك ... وانا اجزم ان اكثر الزوجات اللي ناقصات عاطفيا يكونو ازواجهم جهلاء من ناحية فهمهم لطبيعة المرأه طيب .. السؤال .... ماذا تريد المرأه من الرجل ....؟؟ 1. الكلام الحلو اللذيذ .. يا اخي غازلها في شكلها .. غازلها في ملبسها .. غازلها في شعرها ... والله الشغله ماهي صعبه لكن تحتاج الى شوية تعود وممارسه .. 2. اجلس معها واسمع وش تقول .. وشاركها في همومها وخلها تفضفض .. فهمت . يعني لاتقاطعها وتقول لا سوي كذا ولا ليه ماسويتي كذا .. انتبه هذا غلط ... زوجتك لمن تكلمك ماودها حلول منك .. لااا والف لا ... هي ودها فقط انك تستمع لها باهتمام وصدق وتتفاعل مع همومها ومشاكلها .. وشوف النتيجه ... 3. تزين لها .. تعطر لها ... يا اخي اشتري ملابس جديده وخلها للبيت بس ... 4. لاتقارنها باي وحده ... لامن بعيد ولا من قريب ولا تحمل اللي يجيك ..:30: 5. حسسها بلأمان ... يعني خلها تشاركك بافكار المستقبل واملها بللي بتسوونه .. وانتبه تجيب طاري زوجه ثانيه وتجيب العيد .. احتوي زوجتك .. وذكرتها بلاخره وانك تتمنى انها تكون زوجتك في الدارين ... 6. افهم تفكيرها ... للمعلوميه تفكير المرأه كلأمواج .. مره هايج ومره راكد .. خاصة اذا قربت الدوره ... خل صدرك وسيع وتحمل الكلام اللي بيجيك .. وحاول تكون حنون قدر ماتقدر زبتشوف زوجتك كيف تقدر لك هذا الموقف بعد ما تتعدل نفسيتها .. 7. لاتعاملها كرجل وكتفكير الرجال.. وهذي مصيبة معظمنا ... يعامل زوجته كأنها صديق او صاحب .. فتكون العلاقه مشوشره وينعدم التفاهم وتكثر المشاكل ... وهذا اللي عندي .. وللاستزاده اكثر يااخوتي فاتمنى اخذ المعلومات من .. اشرطة الاستاذ جاسم المطوع وقراءة سيرة المصطفى صلى الله عليه وسلم مع زوجاته وايضا قراءة الكتاب الاكثر من رائع .. الرجال من المريخ والنساء من الزهره ... |
اوووف كل هذي لازم اسويه لها
اجل الله يستر على حريمنا |
لافض فوك أخي الكريم جزاك الله خير ...
أهنئك بإحساسك الرائع الجميل الذي ان دل على شيء فإنما يدل على عقليه ناضجه فاهمه مدركه لطبيعة المرأه وتركيبتها فسيولوجياً ونفسياً ... كل الشكر والإحترام والتقدير موصول لسمو شخصك ... أختك // دلووووعة مودي .. |
طيب أخي وليد حتفق معاك وأختلف اتفق معاك ان فيه كثير مقصرين في حق زوجاتهم وفيه كثير مقصرات في حق ازواجهم لكن لو تقبلنا من كل واحد واجهه تقصير انه يخون الثاني لم يبقى احد لم يخون نصفه الآخر أخي الموضوع موضوع مبدأ إما أن اضع امام عيني كلام الله وكلام رسوله بغض النظر عن زوجي مقصر او غير مقصر أو ان ابحث عن اسباب وتعليلات واهيه منها كما ذكرت عدم فهم نفسية الزوجة ولكل شراي بضاعة وسوقي |
مرحبا خيو
كل الكلام اللي قلته صحيح وميه في الميه خاصه نقطه ( والرجل يغفر له وغصب عن الجميع ...) كما ذكرت في موضوع دلوعه الرجل مغفور الخطأ من قبل والمرأه متهمه حتى تثبت برائتها ...!! نرغب بالمساواة في الاحكام كما انزلها رب العالمين فقط فقط ... بلا تدخل العادات والتقاليد والمجتمع : : لكن ياخوي عندي تعليق بسيط او اختلاف على مايقولون مثل ماقال اخوي فاغر التقصير ليس مبرر للإنحراف ..! الخيانه الزوجيه هي خيانه لله قبل ان تكون للزوج وهي معصيه لأوامر الله عز وجل ... يعني لو بغيت اخون زوجي بيكون بسهوله دون علمه لكن فيه من هو فوق الجميع يعلم السر والعلانيه ومن وضعت الله نصب عينيها عاشت بـ سعاده |
اقتباس:
الراحه والسعاده ماتجي الا بعد التعب والمشقه .. |
اقتباس:
اشكرك اختي على الاثراء .. احرجتيني .. واتمنى تقرأين الرد على مشكلتك في موضوعك .. والله يوفق الجميع .. |
اقتباس:
ياعيني عليك عزيزي فاغر ... يعجبني فيك حبك للنقاش ونيتك الصادقه في ان افادة الغير .. ماشاء الله تفووووو :d كلامك صحيح وعلى العين والراس .. ولاحظ اني حطيت في بداية كلامي اني اتحدث عن الزوجه اللي تكلم رجل اخر فقط ... لكن ان وصلت واعوذ بالله الى الزنا .. فهنا يتدخل الشرع ويكون بين الشخص وربه ... طيب خلني اوضح لك .. القتل حرام ومن الكبائر .. لكن ممكن الانسان العاقل انه يوصل للقتل اذا ظلمه شخص بسرقة ماله او اي امر ... واكثر قضايا القتل لاتخلو من القهر ... طيب ليه قتل الرجل ... والرجل المقتول لو وجد شخص ينصحه ويحذره من قهر الرجال لربما تورع .. فهمتني .. المقصود من الموضوع افعل مايمكنك فبل لايطيح الفاس بلراس ... لكن الشخص الفاسد او الفاسده فهذا موضوع منتهي ... واشكرك اخي العزيز على الادلاء برأيك الجميل .. |
انا بعت المقال دا لزوجي
مع انو يعرف دي الاشياء بس ما يطبقها يالله ان شاء الله هادي المرة يعمل شي والله المستعان |
اقتباس:
يحييك عمي .. قرأت ردك وقمه في الروعه والاتزان .. وهذا مانبحث عنه ... وارجوا قراءت ردي للاخ فاغر فستجد استفسارك ياعزيزي .. |
| الساعة الآن 06:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©