منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   مسكينهـ ياناس (http://www.66n.com/forums/showthread.php?t=114559)

وحده من البنات 22-01-2007 12:46 PM

مسكينهـ ياناس
 
السلام عليكم ورحمهـ اللهـ

كيفكم أخواني ؟

عسى بخير و بسلامهـ


أنا جيت لكم وكلي امل بأنكم بتساعدوني

أنا مانيب متزوجهـ

والمشكلهـ ماتخصني

تخص أختي المتزوجهـ وعمرها (25 سنهـ)

أختي تزوجت من اربع سنوات تقريبا

وماكتب ربي أنها تحمل

وبما انها شغوفهـ على العيال ظلت تعالج طيله هالسنوات

بس أكتشفت آخيرا أنها مالها أي أمل بحمل أي طفل طبيعي

ولو سووت عمليهـ ثانيه ممكن تضررها أو تجيب لها مسببات الورم السرطاني > كلام الدكاترهـ


وزوجها رآفض مجرد النقاش في مسأله إنجاب أطفال أنابيب

المشكلهـ هالحين باختي

يمكن أنها تطللللللق

والسبب أنه زوجها عافها

فهي بنظرهـ لا شخصيهـ لها > أختي معدومهـ الثقهـ بنفسها

وأيضا مجنونهـ

> أوه نسيت أقولكم

أختي بعد عمل إحدى العمليات قبل سنهـ

آصابها مرض نفسي (الانفصام في الشخصيهـ ) أو ماشابههـ

من إثر الضغوط

وقامت تنطق بكلام لاتعي بهـ

ومن ضمن كلامها كانت تظن ان عندها تؤمان بس احنا مخفينهم عنهالاجل نقنعها بأنها عقيمهـ

> صراحهـ كسرت خاطري http://www.66n.com/forums/images/icons/sad2.gif

بس بعد مالوم زوجها

عروسته اللي مامدى تزوجها وفرحان فيهايتفاجئ بانها مجنونه !


وبين ماكانت مريضهـ صدف أنه جى وقت إمتحاناتها في الكليهـ


وبسبب مرضها بعد ورسوبها المتكرر آضطرت إداره الكليهـ بفصلها نهائيا


هالحين قامت تتعالج نفسيا والحمدلله فيه تحسن ورجعت أحسن من قبل

بس زوجهامازال متشبث بفكره انها مجنونه وبس


وهالمسكينهـ مالها احد غير الله ثم هو



حرااااااااااااام وربي حرااااااام تطلق

تحطمت حياتها وهي بعدها صغيرهـ


شوروا علي

ووش تسوي


إيدي بزناركم

تكفون ساعدوها



سلامي

وحدهـ من البنات

حياتي أليمه 22-01-2007 12:52 PM

يا عمري قسرت خاطري


انا بسال قبل ... هالحاله نفسيه سبق انها جتها قبل الزواج ؟؟؟


ولا بس بعد ما تزوجت ؟؟؟؟



لي عوده

لحظة وداع 22-01-2007 12:56 PM

الله يشفيها ويعافيها يارب

artimos_216 22-01-2007 12:58 PM

لا حوله ولا قوة الا بالله والله قطعتي قلبي عليها مسكينه الله يشفيها يا رب وان شاءالله بتحمل ما في شي على ربنا بعيد وحسبي الله ونعم الوكيل على زوجها بدل ما يوقف بجنبها بدو يطلقها ؟؟؟!!!!! هذا مو رجال لانه ما تجمل مرتو وهي لسه باول زواجها والي صار معها من كتر الضغوط النفسيه عليها وبسببو لو هو كان يتقي ربنا فيها ويعاملها معامله حسنه ويخفف عنها كان ما صابها انفصام بالشخصيه لكن من كتر ما ضغطها وهي صارت بدها تجيب بيبي بس كرمال يرضا زوجها حسبي الله ونعم الوكيل فيه صدقيني يا (وحده من البنات) لو هذا الشخص في خير ما بيعمل هالشي ولا بلفظ كلمة مجنونه على مرتو لانه اصلن هو يلي جننها . انتو ادعو ربنا كتير انه يفرجها وانه لو في خير تنصلح الامور ولو ما في خير في بدل الواحد الف وهيه لساتها صغيره وتقدر تزوج وتنجب كمان ان شاءالله يمكن ربنا بدو يصير هيك حتى يريحها منو

الله يفرج همكم ويسر امرها يا رب

شقرا السعودية 22-01-2007 01:03 PM

الله يشفيها ويعطيها الصحة والعافية

ويفرج همها وهمك ...

وحده من البنات 22-01-2007 01:11 PM

آمين يارب

هي محتاجهـ لأدعيتكم ،.



لا حبيبتي ( حياتي أليمهـ )

هي كانت طبيعيهـ جدا

وناجحهـ برضوا بحياتها وكانت إجتماعيهـ

بس آنتكست بعد ماتزوجت بسبب الضغوط الي كانت عليها


(عدم ثقهـ ) ، ( التفكير بانها ممكن تكون عقيمهـ ) ، ( خوفها من الامتحانات )

كل ذا تراكم على بعض

وانتج لنا مرضها

والا هي كانت سليمه وللهـ الحمد


سأخبركم بحاجهـ لعلي أستطيع توضيح الامر أكثر

إعتقاد زوج أختي لايكمن بسبب الضغوط اللي حصلتلها فقط

بل لاجل أنهـ يعتقد أنَ هذا المرض وراثي عندنا !

أمي مصابهـ بهـ

ولدي بعض الاخوة المصابين بهـ

طبعا بالنسبهـ لي ولآراء بعض الاطباء

هذا لايمت للوراثهـ بصلهـ

فأمي لم تمرض كيذا لله

بس مرضت بعد ماتوفي أخيها الوحيد

ونفس الشي مع اخواني

كلن حصل معهـ موقف يمرض لاجلهـ فتره معينهـ ومن ثم يتعافى

> على حسب شخصيهـ المريض نفسهـ

فأنا عندي اخوان تعافوا وأخوان مازالوا قابعين بمرضهم

وأختي تعافت وللهـ الحمد


أتمنى أني وضحت لك مشكلتها

أنا في إنتظار عودتك


أطيب سلامي ،.

وحده من البنات

hlolloah 22-01-2007 01:18 PM

لازم الزوج يتفهم الموضوع

او احد يفهمه

وحده من البنات 22-01-2007 01:22 PM

اقتباس:

المشاركة الأصلية كتبت بواسطة artimos_216
لا حوله ولا قوة الا بالله والله قطعتي قلبي عليها مسكينه الله يشفيها يا رب وان شاءالله بتحمل ما في شي على ربنا بعيد وحسبي الله ونعم الوكيل على زوجها بدل ما يوقف بجنبها بدو يطلقها ؟؟؟!!!!! هذا مو رجال لانه ما تجمل مرتو وهي لسه باول زواجها والي صار معها من كتر الضغوط النفسيه عليها وبسببو لو هو كان يتقي ربنا فيها ويعاملها معامله حسنه ويخفف عنها كان ما صابها انفصام بالشخصيه لكن من كتر ما ضغطها وهي صارت بدها تجيب بيبي بس كرمال يرضا زوجها حسبي الله ونعم الوكيل فيه صدقيني يا (وحده من البنات) لو هذا الشخص في خير ما بيعمل هالشي ولا بلفظ كلمة مجنونه على مرتو لانه اصلن هو يلي جننها . انتو ادعو ربنا كتير انه يفرجها وانه لو في خير تنصلح الامور ولو ما في خير في بدل الواحد الف وهيه لساتها صغيره وتقدر تزوج وتنجب كمان ان شاءالله يمكن ربنا بدو يصير هيك حتى يريحها منو

الله يفرج همكم ويسر امرها يا رب

أمين يارب

سررت لمرورك

أحب أخبرك أنَا أختي وزوجها ملتزمين وللهـ الحمد

وقد تكونين صادقهـ لانه ماتحملها بأول زواجها وأسمعها الغثيث من الكلام الي زاد من ألمها


أما على راييك انها تطلق :29:

فـ هنا صعبهـ

أولا احنا عندنا العوانس كثيره فمابالك بالمطلقهـ والعقيمهـ بعد ؟

غير أنا مثل ماقلت في البدايهـ هي كل حياتها (هو وبس)

بتنجن زايد لو تزوج عليها

كيف تبينها تطلب الطلاق


أحنا مالنا الا الله والتوسل له بأنه يصبر ويحل مشكلهـ هالمسكينهـ


بسـ ياناس نبي حل ملموووس

البنت حياتها بتروح ومابيدي لاجلها شي


تكفون ساعدوها


ممنونه لكم المرور والاهتمام

الله يسعدكم يارب دنيا وآخره

سلامي

وحدهـ من البنات

وحده من البنات 22-01-2007 01:26 PM

حبيبتي شقرا السعوديهـ /

آمييييييييين يارب

الله يخليك لمن أحببت ٍ


شاكره لك هالطلهـ


سلامي
وحدهـ من البنات

وحده من البنات 22-01-2007 01:43 PM

اقتباس:

المشاركة الأصلية كتبت بواسطة hlolloah
لازم الزوج يتفهم الموضوع

او احد يفهمه

أهلين حبيبتي

معك أنا لازم يتفهم الموضوع

بس برضوا من وجههـ نظره

وش ذنبه هو يبي عيال

وعلى قولته ( ماستفدت من هالزوجهـ شي غير أنهـ أسمها زوجتي ) >:(


كيف آنفهمه إذا هو ينظر لنفسهـ وبس

ووأصارحكم القول

هو سوى معجزه بأن صبر عليها 4 سنوات

غيره طلقها بحينها


وبعد ماهي حلوه بحقنا نروح نترجاه الله يخليك تحمل بنتنا المريضهـ



اللي أبغاه يآخواني

أنكم تساعدوني بطريقهـ تخلي زوجها يعدل عن طلاقها

ونخلي أختي المحبطهـ ، معدومهـ ثقهـ ، والمريضهـ والعقيمهـ


وحدهـ ثانيه


يمكن ربي ماكتب أنه يكون عندها عيال

ومابيدها تغيير هالشي



بس أبيكم تساعدوني

كيف أغير باقي السلبيات اللي عندها

وكيف السبيل لهالتغيير


الف شكر لكم على الاهتمام

ماقصرتوا


سلامي ،.
وحدهـ من البنات


الساعة الآن 09:08 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©