|
العلاقه قبل الزواج
السلام عليكم هذي المشاركه الاولى لي بالمنتدى الأكثر من رائع الصراحة لقيت الفائدة منه خصوصا انك تحكي بدون احراج ولا خوف
المهم ابدا بمشكلتي<--------<<طبت عرض انا في بالي اسئلة و كنت انحرج اني اسأل احد عنها بس لقيت المكان المناسب اللي اقدر اطرح فيه اسئلتي بكل راحه ودون احراج :d انا توني ما بعد دخلت في عش الزوجه وبخاطري اني اسأل اللي سبقونا لها العش<-------------<<عجبتها كلمة عش المهم السؤال الاول:هل الحب يستمر او يموت مع الوقت ويصير كل واحد مشغول في جهه؟ وهل المشاكل لها دور في ذالك؟ والسؤال الثاني: العلاقه اللي قبل الزواج لها تأثير بعد الزواج ؟ يعني لو مثلا كانوا اقارب أو جيران يحبون بعض من طفولتهم وكبروا وكبر الحب معهم تعتقدون ان لها تأثير سلبي أو إيجابي او ولا شي ؟ . وشي ثاني انا لي صديقة سبق وتعرفت على واحد بالشات وضافته بالماسنجر هذا الكلام من السنه.... كانت علاقتهم بريئه يعني بس تفريغ هموم وسواليف ...المهم انه هو انجذب لها وهي نفس الشي ... وطاحوا بالحب ... وبعد فتره زاد ها الحب من كلا الطرفين.. مع العلم انها علاقه بريئة لافيها تلفون ولا مايك ولا شافها ولا شي لان البنت محافظه والولد نفس الشي .. بعدين طلب منها انه يجي ويخطبها ... و ما تدري وش تسوي تخاف تتزوجه وتندم وتخاف ترده وتندم .. والله حالها ما يعلم فيه الا الله استخارت وطلبت ربها في الحرم وتقول لين الحين احبه وش رايكم بما انكم تزوجتوا وعشتوا جو الزواج هل تتوقعون ان ها العلاقه بتأثر عليها بعد الزواج؟ وكيف؟ معليش اسفه على الاطالة اختكم بســـــشوق ـــــمة |
بسـ شوق ـمـه الحب يكبر مع مرور الأيام والذين لهم علاقه قبل الزواجتكون قمه السعده الزوجيه والله >>>>>>>>>>>> يرزق حياة زوجيه سعيدة
|
انا من ناحيتي لو الاقي انسانه احبه واثق فيها ليش لا
راح اخذها ومتاكد اني راح اكون اسعد والحب يستمر اذا اراد الزوجين ان يستمر احد الشباب متزوج بعد ما كان يكلم زوجته بالجوال لمدة سنتين والان له ثلاث سنوات ما يفارق زوجته من كثر ما يحبها الله يوفق الجميع |
تبغين الصراحة ...
انا كنت اعرف وحده ايام الطيش و الشباب كانت تتعرف على شباب كثير بالتلفون بس ابدا ماتتقابل معهم حتى اذا تعرفت على شاب ماتكون في سيارتها تستأجر من الفندق المهم في مره من المرات عطل عليها اللاب توب حقها واعطت السواق اللاب توب يوديه لواحد من الشباب واستلم الشاب اللاب توب ووداه عند صاحبه يصلحه لها وماقاله له حق مين اللاب توب و يصادف تكون صورة البنت في اللاب توب و يسالة عنها و يقولها هذي صاحبة صاحبتي ويقوله عطني رقمها الولد انهبل ومع انه مطوع ويخاف ربه المهم كانت نية الرجل سليمة و كلمها وهو مايدري ان صاحبه يكلمها المهم و احيانا يكلمها وتقولة اكلمك بعدين و يكون وقتها معاها انتظار واحد من الشباب تقول هذا وناسة اكثر الين ماقالها ابي اجئ اخطبك هي ماكانت راضية الين وافقت وجاء و خطبها وتزوجها وصاروا يموتون في بعض وتزوجوا في افخم قاعات جدة وصدقوني الحين هم بشهر العسل في برشلونة ومبسوطين انا كنت اعتقد ان هذا الزواج ماراح يتم عشان كان عن طريق خطأ لكن اثبت لي العكس .. |
بس تتوقع تستمر علاقتهم هذي؟؟؟ يعني مو الحين بعد سنه او ثنتين او ثلاث؟
يعني اذا كانوا بشهر العسل اكيد بيكونون مبسوطين بس انا قصدي بعين مع الزمن اذا كبروا وجابوا عيال و و و و الخ |
السؤال الاول:هل الحب يستمر او يموت مع الوقت ويصير كل واحد مشغول في جهه؟ وهل المشاكل لها دور في ذالك؟
الحب يستمر في الدم ولكن شهر العسل يحكم في ان يستمر الحب بنفس المستوى او ينحدر الى الخمول والسؤال الثاني: العلاقه اللي قبل الزواج لها تأثير بعد الزواج ؟ يعني لو مثلا كانوا اقارب أو جيران يحبون بعض من طفولتهم وكبروا وكبر الحب معهم تعتقدون ان لها تأثير سلبي أو إيجابي او ولا شي ؟ انا اعتقد ايجابي لأنهم ولدوا سوا عشان يعيشوا سوا |
والله من رايي ان الحب قبل الزواج ما في شيء بس بشرط
ان يكون عن اقتناع تام من الطرفين ويكون الحب طاهر يعني ما فيه طلعات وروحات وجيات وما يرافق ذلك طبعا...ً بعدين الرجال بعد الخطوبه يمل لانه متعود عليها والله يوفق للجميع ان شاء الله... |
مشكور اخوي الولة وكشكول وقلب الجليد على الردود الحلوه
|
صدقيني انا خايف من شئ واحد انه يجئ يوم و يعيبها في هالشئ ويقول الله العالم كم كنتي تكلمي غيري؟؟؟
ولاصورك بكل مكان و انتي عادي؟؟؟ لو تصدقي ان عائلة الزوج مايعرفون مغنية مشهورة جدا كانوا بيجيبونها في الزواج شفتي الي درجة هم مطاوعة حتى انهم قالوا اش هذي مانعرفها!!! وأنا احذر احذر احذر أن البنت لاتفرط في أي شئ في وقت الخطوبة لأنه يعكس شخصيتها بكره يقولك كم واحد خطبك وسوا معك كذا تقولي مافي الا انت اللي حبيتك و و و و لاتفرط بشئ لو حتى كان بسييط لو كنتي محافظة صدقيني بيتمسك فيك أكثر ،،،، |
اختي بسمة الشوق حياك الله منورة كوكب جديد في سماء منتدانا أسأل الله العلي القدير ان يزوجك الشاب الصالح الي يسعدك قولي آآآآآآآآآآآميييييييييييين ******************* السؤال الاول:هل الحب يستمر او يموت مع الوقت ويصير كل واحد مشغول في جهه؟ وهل المشاكل لها دور في ذالك؟ لا ادري اختي هل تقصدين بعد الزواج او لا ؟؟؟؟؟؟؟؟ إذا كان بعد الزواج ابشرك تراه يكبر ويكبر ولا تصدقي إلي يقول الزواج مقبرة الحب ...................هذا كلام دعات الرذيلة . فقبل الزواج قد يكون حب فقط وبداية الزواج يكون حب أيضاً ........... ثم يتطور إلى رحمة وعشرة حسنه ومعروف إضافة إلى الأصل الحب . المشاكل قد تضعف الحب ولكن بعد المصالحة وحركاتها تتمني انه كل يوم تزعلين انتي وزوجك وتترضون .................... فالحب يزيد بالمودة والرضى وينقص بالمشاكل ............لكن ليس نقصان يهدمه ****************************** والسؤال الثاني: العلاقه اللي قبل الزواج لها تأثير بعد الزواج ؟ يعني لو مثلا كانوا اقارب أو جيران يحبون بعض من طفولتهم وكبروا وكبر الحب معهم تعتقدون ان لها تأثير سلبي أو إيجابي او ولا شي ؟ إذا كان الزوجين اقارب او جيران حبوا بعض وتزوجوا ...................... راح يكون تأثيرها سحري عليهم فهم انهوا حياة الحب بأجمل نهاية . أما ان تطورت العلاقة بشكل تجاوز العفاف فلا اعتقد نجاح الزواج إلا في النادر . وإذا هذه العلاقة الخاطأة لم تنتهي بالزواج فأكيد راح تأثر في زواج الطرفين إلا ان يرحمهم الله إذا تابوا . ************************ ** مع العلم انها علاقه بريئة !!!!!!!!!!!!! لا توجد علاقة بريئة بين الشاب والفتاة فلا يخلون رجل بإمرأة إلا كان الشيطان ثالثهما هذا كلام محمد صلى الله عليه وسلم وهي ليست بريئة لأن الله حرمها .............. فلا تحلوا الحرام بإسم البرائه * لان البنت محافظه والولد نفس الشي !!!!!!!!!!!!!! هذه البنت قد خرجت من سور المحافظة إلى بداية شوارع الرذيلة والشاب كذلك فهناك فرق كثير بين البنات المحافظات وهذا التصرف ........................ **(( اختي الكريمة كثير من الشباب يجسدوا دور الشاب الرومنسي والمحب والمغرم لينال من الفتاة ما يريد وإذا انتهى رمى بها في سلة المهملات .........................فحذري ))** *********************** وش رايكم بما انكم تزوجتوا وعشتوا جو الزواج هل تتوقعون ان ها العلاقه بتأثر عليها بعد الزواج؟ وكيف؟ انصحك بالبعد عن هذا الشاب وتركه ............................ وصدقيني لن تنفع هذه العلاقة أبداً تحياتي |
| الساعة الآن 03:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©