|
صعوبه في اتخاذ القرار
مشكلتي الرئيسية ..هي اتخاذ القرارات ......
يعني اي قرار مهما كان تافه وسخيف ابتدي استشير كل اللي حوالي زوجي ,اختي ,صديقتي ... استشير مليون مره على نفس الموضوع ...لكن المشكلة الأكبر ..هي تنفيذ القرار اللي اتخذته يعني تلاقيني اعقد العزم على اني اسوي شي أو اتبنى واحده من العادات الحلوة وأقول اني راح استمر عليها ....من بكره الصبح أول شي اسويه اني اقول لا خلاص بابتدي من بكره وفي أحسن الأحوال استمر على هالشي يومين الى أسبوع وبعدين ترجع ريما الى عادتها القديمة وش اقدر اسوي عشان التزم بقراراتي ..انا عارفه الموضوع محتاج اصرار وعزيمة واستمرارية ....بس كيييييييف؟؟؟؟؟؟؟؟ الإشراف تم تعديل العنوان ليكون اكثر مناسبه في محتواه |
جربي خصصي لنفسك مكافأه في حالة الاستمرار..
طبعا المكافاءه تتناسب مع سنك.. مثلا تشتريلك شي حلو .. ملابس .. عطر.. يعني أي نوع من المكافآت.. جربيها و لا تستسخفينها .. ترا كلنا نحتاج مكافآت مو بس الصغار:) |
جربت المكافئات والله ومانفعت ..
شكلي بجرب نظام العقاب يمكن يفيد ... |
يسعد صباحك يانسيم الصبح
لما تتاخذي قرارك في موضوع انك بتعمليه بكره 1_اذكري ان شاء الله بأبدأ فيه بكره 2_ضعي منبه في الجوال او تذكير اكثر من مره يعني لنفترض اني قررت اني اقوم اليوم قيام الليل اردد بإذن الله انا باقوم الليل واجهز الجوال كل خمس دقائق بالتنبيه واكتب في التذكير كل خمس دقائق لاتنسي قيام الليل التنبيه الثاني....قومي قيام الليل حتى تستجاب دعوتك التنبيه الثالث ....اعوذ بالله من الشيطان الرجيم (قيام الليل) التنبيه الرابع....ربي أعني على قيام الليل وبكذا حسب حاجتك وبكذا من كثر التنبيه في الجوال يخليك فعلا تتعوذي من الشيطان وتقومي لنفرض اني قررت امشي للرياضه اضع التنبيه كل خمس او عشر دقائق 1:هيا ياقمر وريني نشاطك 2:ياسلام على الحيويه والمرونه في جسمك 3:ايش اللياقه هذي 4:بسم الله عليك وعلى ليقاتك وعلى فكره اجلس اتغزل بنفسي وتلاقي من ثاني تنبيه اقوم امشي لكن احب اشوف تعليقاتي على نفسي وانا امشي واتريض تلاقيني امشي واضحك على التنبيه اللي بالجوال وعلى كلاماتي لما يدق التنبيه جربيها ولاتنسي ان تقولي ان شاء الله بإذن الله وربي يسعدك ياعسل |
السلام عليكم
اختي نسيم الصباح انا نفس مشكلتك بس ما اشاور كثيييييييييييييير لكن اقرر اسوي الشئ بدون عزيمه واصرار
بصراحه كلام روح الغالي عجبني مرررررررررررره .. وبأمشي عليه واطبقه .. يعني بأحط المنبه لأني من شهرين وانا اقول بأشترك في نادي عشان تتغير نفسيتي وانحف بعد لكن كل يوم بكره او على راتب الشهر الجااااااااااااااااااااي :( مشكووووووووووووره روح الغالي ماقصرتي على هالنصيحه:22: |
اقتباس:
|
تحياتي
اتخاذ القرار مرتبط اشد الارتباط بالإرادة وقوة العزيمة لكي تنمي هذه الإرادة وقوة العزيمة : الخطوة الأولى : البداية وومحاولة البداية فهي المفتاح لك شئ اليك مقالة لنابليون ـــــــ عندما سئل عن كيفية زرع الثقة في نفوس أفراد جيشه فقال : أرد على ثلاث بثلاث : من قال : لااقدر قلت له حاول ومن قال : لا اعرف قلت له تعلم ومن قال : مستحيل قلت له جرب اتمنى أن تكون قد وصلت الفكرة . |
اقتباس:
بدايه موفقه بارك الله فيك انا اوافقه الرأي |
السلام عليكم جميعا....نصيحتي لك
لا تستشيري احدا ممن حولك فلتكن شخصيتك مستقلة,لم افهم تماما مشكلتك,اتمنى منك التوضيح, اعطي امثلة مثلا,لا تترددي ابدا,ان كان الامر ايجابي لك فتوكلي على الله,لا احد يعرف مصلحتك الا انت,اجعلي من حولك يقوم باستشارتك,فعندما تصلين لهذه النقطة ستثقين بنفسك,و عندها ستتخذي القرار المناسب لمشاكلك,,,توكلي على الله,و اياك والياس,اتمنى لك التوفيق |
| الساعة الآن 07:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©