زوجي و البيت!!
 

مراااااحب...

راح ادخل في الموضوع دغري :d

بس مو عارفة ارتب الموضوع ولا كيف اصيغة :d
ايام اللي كنت فيها بالمدرسة دائما اغش بالتعبير وادور لي ناس تعبر :d <<< مدري وش دخله في الموضوع وهذي اللي فازعتنا بتتكلم دغرري

المهم المشكلة ان زوجي بيتوووووووووووتي وانا العكس مااحب اجلس في البيت :29:
مش القصد اني بتاتا مااجلس بس احب اختلط بالناس واطلع بحدود المعقول بتفهموني لما اكمل كلامي

يعني زوجي ماعنده مانع ان نطلع مع بعض وهذا شي مرررررره حلووووو :22: ولو لفينا الدنيا لف ماعنده مانع.. وانا ابدا ماعندي اعتراض على هالشي بالعكس شي ممتع بالنسبة لي لأن كثيييييييييير مو حاصل لهم هالشي..

بس اللي موعاجبني انه مايطلع مع اصحابه دايم جالس لي بالبيت وهذا الشي مسبب لي أزمة
يتدخل بكل شي لدرجة مسألة تنظيف البيت يحاول يطلع لي عيب :(
ودايم يقول لي اني جالسه اناظر قدام التلفزيون او على النت :(
قلت له انت ماتدري عني ايش اسوي.. تطلع من الصباح ماترجع الا عند اذان المغرب واحنا بس اثنين في الشقة وشقتنا مي كبيرة يعني كلها 3 ساعات وانا مخلصة ويوميا على هالحاله
سكت وقال انا ماابي اظلمك بس مااشوفك تسوين شي قدامي <<< بيجنني :23:
اقوله انت تشوف البيت نظيف او وسخ يقول نظيف قلت خلاص اجل لاتتكلم

وهكذا من كثر ماهو جالس ماعنده شي يدور لي الف شغله وشغله .. عجزت وانا تقوله واحاول فيه انه يخصص له يومين في الأسبوع يطلع فيهم المكان اللي يبيه

بيت ابوي في العاده امي تعمل عزيمه على غدا كل مابين فترة وفترة
في ايام ملكتنا كان يجي ويحضر وكلها كم مره بس اللي صارت يعني مو كثير.. واعتذر يمكن مرتين ماجا على الغدا
اما بعد الزواج صار مايحب يروح اصلا.. ماعدا في العيد مره (اول يوم العيد يكون في فطوور) ويمكن مرتين على غدا
عدم استجابته للدعوه تحسسني اني ناقصه بين الجماعه يعني اخواني وزوجاتهم كلهم موجودات واختي مع زوجها واعيالها الا انا!!
(لا تقولون العيب يمكن في الطبخ.. لا بالعكس ايام الملكة في اشياء كثيرة كان ماياكلها من بيتهم وصار ياكلها عندنا ماعنده اي مشكله من هاناحية ودايم يمدح طبخ الوالدة.. وأكله ابدا مافيه شي عشان يخجل انه ياكل قدامهم ونفس الشي اكل الموجودين مافيه شي عشان ينفر منهم)

حتى مع اهله نااااااااادرا اذا جلس واكل معاهم مخصصين لهم ليلة بالأسبوع يتجمعون فيها على عشا وانا طبعا مااطبخ على اساس انه بيتعشا معاهم.. بس نادرا اذا تعشا واذا قرر انه ياكل يقول لي حطي لي وخذيه معك على المجلس:eek:
طيب من قبل كان ياكل معاهم ايش اللي تغير الحين؟ ولازال في بعض الأحيان ومثل ماذكرت نادرا ياكل معاهم
مع اصحابه نفس الكلام كانو دائما يوم الأربعاء و الخميس على عشا والديوانيه كانت موجوده هنا في البيت وابدا ماعنده مشكله ليش الحين صار غييير ؟
لما اتكلم معاه احفزه على هالشي يقول انه مايحب ياكل مع اي احد قلت له ويش اللي يفرق عن قبل؟ يسكت ومايرد علي

في مره سافرنا مع اهله وسكنا كلنا في شقه وحده وكلنا نجتمع على سفرة وحده اول اسبوع كان اوكي..وبعدين صار يتهرب ينام قبل لانتغدا عشان بس لايجلس معاهم (وهو اللي قالي هالكلام) سألته يقول ماارتاح اكل معاهم.. واللي بيجنني اكثر قبل الزواج كان ياكل معاهم طبيعي ليش الحين لا

ادري ان طوووولت عليكم ومشكلتي يمكن البعض يشوفها مالها داعي بس بجد اكثر شي اللي مزعجني بالموضوع قلت طلعاته يعني لازق في البيت ويدور سبب يطلع لي فيه اي عيييييب مع ان الله شاهد علي مو مقصره في اي شي لا بحقه ولا بحق بيته
والشغله الثانيه موقفي مع اهلي واهله من انعزاله عنهم في الأكل.. هوه بس وقت الأكل ينسحب يعني يروح يزور اهلي كل مابين فترة حتى لو مافي مناسبه و وقت المناسبات دائما موجود معاهم وهذا شي كويس
بس ابي منكم اقتراحات تساعدوني فيها..

اسفه طولت عليكم.. ويمكن قلت كلام بزيادة عن اللزوم :27:
بس كل اللي ابيه اقتراحات لسى مافقدت الأمل..

والله اختي اول شي(ماشاء الله تبارك الرحمن) تاني شي اعتقد انه زوجك من النوع الي يتقزز يمكن انه ما يبي يوكل مع احد علشان ما يتقزز لكن انت ممكن تحطي له صحن ويجلس بنفس المجلس مش ضروري انه يوكل معهم لكن على الاقل الجلسه وان شاء الله الاعضاء بفيدوكي اكثر مني
وفقك الله وفي رعايه الله

تشكرات برشابرشا على مرورك..:d

طيب بترك اهلي على جنب ليش صار يتقزز من اهله بعد الزوااااج؟؟
قبل كان ياكل معاهم عااااااااااادي وهوه من النوع اللي مايحب ياكل بروحه

والله اقترحت عليه اقتراحك انه يروح وموشرط ياكل معاهم على الأقل يشاركهم بس في الجلسه لكنه مارضى :18:
وفي العاده اقوله فبلها بيوم ويرد علي برد يعطيني امل انه بيروح.. لكن في اخر لحظه يفاجئني ويغير رايه

اعتقد هذه الحاله صارت بعد الزواج حتى لو اهله صدقيني الي يتقزز يتقزز من كل الناس
انا ما كنت اتقزز قبل الزواج لدرجه زوجي كان دائما مستغرب مني لكن بعد ما تزوجت بصراحه سرت اتقزز من كل شيء واذا الجلسه فيها اطفال كنت ما اقدر اكل من الاكل
حتى احيانا ما اقدر اشرب انا وزوجي من نفس الكاس (سبحان مغير النفوس):d
لكن بصراحه زوجك غريب شوي لانه مافي رجال يحب جلست البيت
وفقك الله وان شاء الله تلاقين حل
أختك في الله

طيب اسأليه لماذا لا يأكل معهم؟ هل جربت أن تصارحيه بكل ما تشكين منه؟

اتركي بعض الواجبات المنزلية لحين عودته و حتى بإمكانك تركها كلها حتى يتضايق و يطلب منك انهاءها قبل مجيئه.


على فكرة أنا عانيت لفترة طويلة من عكس ما تشكين منه. أي أن زوجي كان كثير الخروج من البيت و لكنه تحسن في الفترة المؤخرة و الحمد لله. و على فكرة هو لا يأكل عند أحد أبداً سوى أهله و أهلي (آمل أن يظل معجباً بطبخهم!!!)

أختي الكريمة احمدي الله على هالزوج اللقطة
وانا مو شايف فيه ولاعيب الا انه يتدخل في شغل البيت وبدون وجه حق كأن يقول انا ما أشوفك تشتغلين..
هو كلامه صحيح مايشوفك تشتغلين لانك بالاساس مخلصه شغل لذلك برأيي خلي شوية شغل مثل كي الملابس لما يكون موجود تسوينهم قدامه على فكرة بعض الرجال ومنهم انا يستمتعون برؤية الزوجة وهي تعمل قدامة من باب ان المرأة قاعدة تخدم زوجها وهو شعور جميل فأعطي زوجك هذا الاحساس ولا تحرميه.
واما ان زوجك ليش مايطلع فهذا عادي فبعض الوظائف الحكومية او حتى الشركات يكون فيها مجال كبير بالاحتكاك بالناس والكلام معهم وحتى للاكل والسوالف والضحك فيأتي الزوج للبيت وراسه مليان حكي و قرقه فيميل الرجل للجلوس بالبيت رغبة في الهدوء ولانه شبعان من الحكي!
برأيي خلي زوجك على راحته واشتغلي قدامه مع تزينك له بكل تأكيد واذا شفتيه سعيد منك اطلبي منه ان يجعل لك طلعتين في الاسبوع وحده تمشاية بالسيارة والثانية تروحون مطعم وصدقيني اذا الزوج ارتاح من طبع زوجته وطريقة تعاملها وياه يحب يطلع معاها اكثر من ربعه..
والله يوفقكم ويصلح بالكم

سألته وصارحته يقولي مااحب اكل مع احد !!
قلت له طيب ليه تاكل معي << استهبل :23: يقول انتي غير
قلت له: طيب واهلك؟ ليش الأول كنت تاكل معاهم والحين لا؟
مايرد!!

انا ماابيه كل يوم والثاني ماسك لي الباب وطالع ولا ابيه على طول جالس معاي في البيت انا لاحظت هذا الشي عليه من ايام الملكة وحاولت فيه بس مافاد.. الغريبه ان الأول ماكان يجلس يعني بحكم دوامه متعب مايرجع الا قريب المغرب.. بس يطلع كل يوم اربعا وخميس.. صحيح انه متزوج وعنده مسؤوليه بس انا ماامنعه انه يشوف ليه يومين ويطلع هذا من حقه
صار له فترة يطلع يتعشى مع اصحابه يوم الخميس وبعدين رجع على عادته :11:

اخوي..
اهو ماعنده مانع ان نطلع مع بعض لو كل يوم..
يعني احنا مخصصين لنفسنا يوم الخميس لنا احنا الأثنين سواء كان الصباح او المساء على حسب جدوله.. ونطلع وسط الأسبوع.. بس كلامي انه مطفشني يتدخل بكل شي من قعدته في البيت لو يطلع مابيكون عنده وقت لهالشغله..
واصلا احاول اني اخلص شغلي واعمل العشا قبل لايوصل حتى اني اكوون متفرغه له بالكاااااامل..
(خلي شوية شغل مثل كي الملابس لما يكون موجود تسوينهم قدامه على فكرة بعض الرجال ومنهم انا يستمتعون برؤية الزوجة وهي تعمل قدامة من باب ان المرأة قاعدة تخدم زوجها وهو شعور جميل فأعطي زوجك هذا الاحساس ولا تحرميه.) هذي بسويها...

مشكوووور على اقتراحاتك :22:

عشان انجن زياااااااادة :23: :23: :23:
ابي حل اخليه يطلع من هالعزله..:30: وحكاية العزومات:29:

مشكور على مرورك..