|
مو هنا المشكلة ... المشكلة هنا !!!
بسم الله الرحمن الرحيم
السلام عليكم ورحمة الله وبركاته قبل سنة تزوجت كان عمري وقتها قريب من 24 مو هنا المشكلة !! وعشت حياتي مع زوجتي في بيت كأي بيت سعيد وتحيطه الموده والمحبة والرحمه ولله الحمد مو هنا المشكلة !! يعد ثلاث أشهر من زواجي حملت زوجتي مو هنا المشكلة !! وقبل أقل من شهر تقريبا رزقني الله بمولود ولله الحمد ومو هنا المشكلة !! -------------- -------------- المشكلة ياناس إني في الفترة هذي حالتي مو طبيعية طبعا من المعروف أن الزوجة في فترة النفاس تكون بعيده عن زوجها ( يعني في بيت أهلها ) مر أسبوعين كوقت طبيعي لكن من خلال الأسبوع الثالث فقدت أشياء كثيرة بدأت الأفكار تلعب في راسي أصبحت أفكر في التعرف على بنت !!! أصبحت كثير التفكير في هذا الموضوع تمر أيام ودي أبكي من اللي أنا فيه ما ابغى حياتي تضيع وتصير بيني وبين زوجتي مشاكل حاولت أبعد التفكير هذا عني بس ما اقدر يعني لازم ارجع وأفكر فيه طبعا تهيأت الفرص لكن أحمد الله عز وجل إني إنسان ماعندي جرأه أكمل طريقي الخاطئ كلمت بنت وعرضت علي سهره مقابل مبلغ مالي ( والله ادري انه حرام - واخاف من ربي يعاقبني بأنه يقبض روحي عندها ) هذي ماغابت عن بالي طبعا اتصلت على زوجتي وكلمتها قلت انا فيني شي مو طبيعي لما قالت ايش فيك قلت اني افكر اتعرف على بنت وانا من ايام افكر بهذا وحبيت اعلمك وش اسوي - ابغى حل !! قالت انت ايش تبغى بالضبط - تبغى حقك بالفراش لو اقدر ماامتنعت عنك قلت انا مدري وش ابغى بس افكار توديني وتجيبني !! ابي منكم الحل ياجماعه انقذوني الله يوفقكم |
خاف الله انت متزوج وتقول هذا الكلام
ايش نقول نحن العزاب الله يسامحك |
مشكور اخوي على النصيحه
بس صدقني حالتي اصعب من حالة العزوبي لاني فاقد شي جربته وعشته والعزوبي لا الله يعطيك العافيه وانا كتبت هذا الموضوع ابغاكم توقفون معي مو تعاتبوني وتلوموني انا ادري اني مخطئ علشان كذا فضفضت لكم وابغى الحل |
|
روح جيب زوجتك وهذا من حقك 100 %
صدقني بس تجي البيت مع ولي العهد راح تروح التفكير بهل امور انا بس مستغربة شلون زوجتك ما جت جري لما كلت لها هل كلام |
حاول طرد هذه الأفكار الباليه من رأسك
فمجرد تفكيرك في هذه الأمور تجرك لفعل ما يغضب ربك أستعذ من الشيطان الذي بدأ يتغلغل فيك ويستحوذ أفكارك حتى تقنع نفسك بالحرام تذكــــــــــــــــــــــــر المقوله المشهوره (دقه بدقه ولو زاد لزاد السقا ) وهذا المثل قيل في رجل بائع للذهب جائته امرأه حسناء ذات بياض فما تمالك نفسه والشيطان وأمسك بيدها ليلبسها الأسواره لكنه تذكر زوجته بينما زوجته في المنزل تنتظر من يسقيهم بالماء ففتحت للسقا الباب وحاول الأمساك بيدها المهم تذكر أنك لن ترضى ذلك لزوجتك إذا غلبك الشيطان كلم زوجتك أقضي أوقات طويله معها استمتع بها إذا غالبتك الشهوه فذلك لا يمنعك أشغل أو قات فراغك بالمفيد وأجعل الله نصب عينيك هداك الله وأصلح حالك |
لازم زوجتك تجي عندك
لان النفاس اسبوعين والزوجه تمارس حياتها طبيعي الا الجماع طبعا وتلاقي طرق معها لكي ترتاح والله يبعد عنك وساوس الشياطين |
الله واكبر
الاخوات والله ما قصرو بس الحل الوحيد هو انك تجيب زوجتك واستمتع بها ...... بدون .....طبعا فهمت ربنا يبعد عنك الشيطان |
اقتباس:
فرب عزوبي أخوف لله من ألف متزوج |
مشاء الله عليك .. عندك روح ريـــاضيه انك تصارح زوجتك ,,
اما زوجتك .. بـــاردة .. اسمح لى اقول عنها بــاردة .. ماتحس ورببي لو انا اجي لزوجي .. ركض طيران هواء .. مثل المجنونه ,, اسوي الى يبااه بس انه يفكر فى وحدة ثانيه ذي مصيبه ,, اخووي الحل عندي وانا اختك ,, روح لزوجتك .. اول شي اعزمها بمطعم وقول لهها ,, وش الدافع الى خلاك تسوي كذا .. لانه اكيد مأخذه على خاطرة من كلمتك انك تبي تتعرف على بنت .. وقول لها ..بوديش بيت اهلش .. جهزي اغراضج وردي البيت .. بكرة الصباح تكوني موجودة .. ولا ليش الصباح ..الليله .. اخذها مو لازم النفاس 40 يوم .. عادي يصير نص .. بس نصيح روح جيب زوجتك واقطع اتصالك بهالفتاه الملعونه .. الى تجرك نحو الرذيله ,, الله يغفر لنا ولكم ان شاء الله .. مسامحه على كثرة الهذره . |
| الساعة الآن 10:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©