|
تعبت منه!!!
السلام عليكم
بغيت افضفضلكم مع اني احس خلاص ماشي حل لهالموضوع انا صار لي شهر متزوجه وزوجي يدرس برع تركني بعد زواجنا باقل من اسبوعين عشان الدراسه صبرت وتحملت الفراق والمه والوحده منكم تعرف قسوة دموع الشوق خاصه من عروس ما كملت اسبوعين مرت الايام وصرت ما الاقيه بالتلفون الا بالغصب يعني كل 3 او 4 ايام اكلمه كم دقيقه!! والله تعبت منه حاولت افهمه اني محاتجه له...وانه يحصل بدايل عن التيلفون كالماسنجر!!بس ماشي فايده هو دايما يتحجج بانه مشغول بالدراسه! انا فاهمه انه الدراسه شي مهم بس مب الاهم!! والله استويت اكره دراسته ! اخر مره دقيت له يوم السبت اللي طاف وما رد عليي ولا رد يتطمن عليي حتى بمسج! مرضت من يومين وأجزت من الدوام وهو ما يعرف عني شي والحين مخلتنه على راحته ...بشوف لين متى يعني فارني هني وما يدري عني؟! يعني مادري هل انا مبالغه في الموضوع ولا الوضع طبيعي؟! طبيعي الريال ما يحن لزوجته خاصه اذا كانت عروس بعدها!! لا تقولولي انتي اتصلي وانتي بادري لانه قلت لكم كم مره اتصل وما يرد يتصل فيني ولا مره رد على مسجاتي الا مره لما قلت له اني ابغيه ضروري! ولا تقولولي صارحيه...تعبت وانا اقوله وزعلت منه كم مره...بس ماشي فايده... ما ابغي اكون ثقيله عليه ابغيه من خاطره يحس اني زوجته ومن واجبه يسأل عني! تعرفون شو مسويه الحين! اغلقت موبايلي ما ابغي اسمع صوته زعلانه منه هههههههههههههههههههههااااااااالقد! وادري انه اللغه عاميه بس على هالقهر ما اظن اقدر اكتب بالفصحى! |
اعانكِ الله ...
|
الله يهدى زوجك ويعينك ويصبرك
حاولى تشغلى نفسك عنه وتقربى الى الله وانتهزى هذا الوقت فى حفظ القران وأدعى له كثيرا الله يهديه ويشوقه لكى |
حبيبتي عذوب اشتقت لك يا الغاليه في احد المواضيع سألت عنك بس مارديتي علي على العموم طمنتيني عليكي انك تزوجتي والحمد لله شوفي بصراحه زوجك وااااااااااااااااااايد جاف الله يعنك عليه يعني توك عروس لازم هو الي يسأل ويطمن عليكي مو معقوله الدراسه شاغلته عنك لهدرجه يمكن عنده اختبارات؟؟؟؟؟؟؟؟؟؟؟؟
اما بالنسبه للاتصال طنشييييييييييييييييييه قد ما تقدري انا ادري انه صعب لكن مالك الا هذا التصرف انا سبق وقلت لك اني مريت بظروفك لكن زوجي ما كان مطنشني كذا لاني ما كنت اسكت له ابدااااااااااااااا لكن زوجك يبيله تطنيش وتطنيش من النوع القوي وصدقيني بس يرجع رح يرجع متلهف على شوفتك الله يهديه لطاعته وطمنينا عليكي حبيبتي |
الشكوى لله حبيبتي
هو الجبار الي يجبر قلبك وخاطرك هو القادر ادعي الله يهديه ويسخره لك والله ثم والله لو داومتي على الدعاء ليل ونهار باذن الله يتحقق كل الي في بالك لان الله يستحي من عبده اذا دعاه بالحاح ويجيب له عكس البني آدم الذي لايستحي من الله الله يجبر قلبك ويصلحلك زوجك ويحفضه لك ويحببك الى قلبه ياااااااااااااااااارب دعوه من قلب |
شنو هالتنسيق عليكم يتزوج وبعد اسبوعين يسافر
ليه ما أجلتي الزواج؟ ليه ما سافرتي معه ؟ إذا قدرتي خذي أجازه وشيلي قشك وروحي له الرجال ما ينتركون لوحدهم خصوصا إذا ذاقوا (((الزواج))) |
يالله والله العظيم ذهلت لما قريت الموضوع بأسمك وأصلا والله من أول ماقلتي بتتزوجون ويسافر خفت عليك
بس أختي أصبري أصبري لبعده عنك وراعي ظروفه التمسي له العذر يمكن يكون متأثر بعد مابعدتو عن بعض وانتي أكيد بتعرفين محبته لك بالأسبوعين اللي قضيتوها مع بعض حاولي تهدين نفسك وتصلين لك ركعتين وأدعي ربي بالفرج أختي افتحي جوالك وانتظريه وراسليه وخليك داايم انتي بنظره ملكه ولاتتدورين على المشاكل وربك ياقمر بيفرجها.............والف الف الحمد على سلامتك طهور ان شاءالله |
أختي عذوب
هل هناك فرصة أن تكوني مع زوجك في دراسته الى أن ينتهي؟؟ |
الله يعينك علا هيك زوج 0
|
احس فيك
بس يا اختى اصبرى واتقلى عليه مااااااااااااااااااااااااا تتصلى ولما هو يتصل اكلمى عاااااااااااااادى بلاش تحسسيه بشوقك له خليكى بارده وبلاش تعتبيه على عدم اتصاله ياااااااااااااارب يخليكم لبعض |
| الساعة الآن 07:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©