|
نعم انا مشاعر مهمله عدت ولكن بفشل للمره الرابعه- ياااااااااالله
بسم الله الرحمن الرحيم السلام عليكم ورحمة الله ها أنا اعود الى مرمى احزاني ومرمى همومي ودمعاتي .. نعم عدت اليكم كالعاده بفشل نعم بدأت احس انه فشل وللمرة الرابعه تقدمت لخطبتها وانا حاس بالفشل يمكن الشيطان يلعب بي او مادري وش القصه عشاني فشلت قبل هالخطبه اكثر من مره ؟؟ قلت لهم لاتخطبون لي الا وانتم شايفين البنت اتركو كلام الناس والصديقات ,, لاتحرجونا ولاتجرحون البنت ولكني ارغمت ورضخت للامر الواقع ,, بعد السؤال عني .. اتصل والدها وطلب مني الحضور عشان اشوف البنت الرؤيه الشرعيه, انا ابديت رأيي وقلت له ياعم لو شافوهاا الاهل بالاول وش رايك .؟ رد علي وحسيت بنبرات صوته بالرفض ولكنه جاملني بالكلام .. المهم اانا استحيت منه وقلت له اللي تشوف خلاص انا بجي ان شاء الله .شفتها بس مارتحت ماعجبتني ليست هي مااريد. مع انها كشخه انيقه لكني ( مادري شقولكم عجزت ارتاح ).., الاهل استغربو من رفضي .. لان البنت جميله حسب ماقيل لهم .. ولكني لم ارتاح .. قلت لهم اوكي روو شوفوها وخبروني .. راحت الام والاخت .و بعد ماجو ,, والدتي حسيت بصمتها العجب العجاب .. اما اختي فكانت تقول انها حلوه واخلاقها تمام مابي اطول عليكم بالسالفه ... الملخص اني انا لي يومين وانا حالتي حاله ولازم ارد عليهم اليوم انا ماداومت لي يومين .. وصرت اتهرب لغرفتي عشان انام ..لكني اقومم من النوم واحس بضيقة في صدري وكتمه كان في شي محطوط على صدري وضاغط علي بقووه .. تفكير وهموم .. حالتي غريبه كأني انا البنت مو الرجال.. الوالد يضغط علي والبنات لهم راي وو الدتي لها رأي ( عائله غريبه عجيبه ) انا ماكتبت هالموضوع اطلب منكم المشوره صحيح مااستغني عنكم .. لكن انا بستخير لله وحده ,, انا بديت اخاف من الله انه يعاقبني يحسبني العب او ماودي اتزوج الا انا ابي اتزوج لكن باقتناع ودي اتزوج ودي اخذها بقتناع ودي احبها لكن مو بيدي ياجماعه هذا زواج مستقبل الموضوع مب سهل ولاتتصورون شروطي معقده لأ بالعكس ابي تكون تملى عيني بس ومابي منكم الا الدعاء بصدق لااخوكم ان الله يصبرني ويكتب لي الخير امانه ادعو لي والله تعبت وربي تبعت مع السلامه |
بسم الله عليك
اخي الكريم اقرأ على نفسك انهض وتوضأ وصلي ركعتين وادعو ربك ان يفرج همك ويزيل هذا الغم والهم اللي ع صدرك حاول ان تقرأ سورة البقره ووالله عن تجربه راااااحه مابعدها رااااحه ربي يفرج همك وينفس كربك وينولك مرادك ويعطيك ماتتمنى اخي ان كان لك خير في هذه الفتاه ربي سييسره لك لاتقلق ولا تشيل هم ماحدا بهالدنيا بياخد اقل من نصيبه |
الله يوفقك ويكتب لك اللي فيه خير إن شاء الله ..
|
لاحول ولاقوة الا بالله
اخوي عبدالعزيز والله ماادري ايش اقولك توكل على الله واستمر بصلاة الإستخاره واذا مضايق خلاص انهي الموضوع وربي بيعوضك احسن منها وهذي خيره من ربي يالله مااصعبها لما اشوف الرجال في حيره وضيقه الله يفرج همك الهي بعزتك وجلالك هذا اخي عبدالعزيز لايعلم بحاله الا انت انت وحدك تعلم بسره ونجواه انت وحدك قادر على تفريج كربته انت وحدك مالك الملك اشرح صدره ويسر أمره وسدد خطاه اختاره له الخيره الطيبه سخر له القلوب القاسيه والعبيد العاصيه اشرح صدره يالله ونوله مراده توكل على الله اخوي عبدالعزيز ولاتكدر خاطرك كل شيء قسمه ونصيب اذا مو مرتاح لها خلاص انهي الموضوع حصنتك بلا اله الا الله |
الغريب
هو رفضك وبتصميم المهم أن ُتقدم وأنت متوكل على الله ولاتنسى حاذر على سمعتك لا أضن أن يرضيك أن تتعرض أربع من أخواتك لما تعرضن لهن أولئك الفيتات على يدك .... فكر وإستخر ولاتقدم على شيء قبل أن ُتفكر .... الآن ولا بعد حين ... دمت بخير |
لاحول ولاقوة الا بالله
اخوي كما قالوا الإخوة عليك بأن تتوضأ وتصلي ركعتين وتدعي دعاء الإستخارة والخيرة فيما اختاره الله اهم شيء قناعتك انت فأنت من سيتزوج وليس أهلك_نعم لهم قرار لكن الأهم هو قرارك_ فاستعن بالله وانتبه لا تاخذها عشان اهلك ثم بعدين بما انك مو مرتاح لها تبهذلها معك! والله يكتب لك اللي فيه الخير اختك |
أخي أشعر بما تشعر به من حيره وتردد كبير
ربما لدقتك الزائده وربما أنك أخذت فكره صعبه عن إختيار شريكة حياتك جعلتك هذه الأفكار تتردد كثيرا لا تيأس ولا تكدر خاطرك فالزواج قسمه ونصيب لا تقنط بمجرد أنها لم تعجبك وإن كانت هذه المرة الرابعه أطلب الله أن يرزقك بالزوجة التي تملأ عينك وتقر بها عينك فكم هناك خطاب كثر وقعوا بما أنت فيه من تردد وحيره حتى وقعوا على الإختيار المناسب دعواتي لك بأن يزيل الله عنك الهم والتردد وبأن يرزقك ببنت الحلال التي تراك نعم الزوج وتقر عينك بها وأن يرزقك الله الذريه الصالحه |
اخواني الاعزاء
اختي كيوت بيبي .. نعم سويت اللي قلتي عليه وصليت وقريت البقره لكن مامداني اكملها الا وأذن لصلاة العصر .. ملاك الغربه جزاك الله خير والله يوفقك يارب.. روح الغالي .؟؟ حقيقة مادري شقولك .. والله العظيم اني استانست من ردك لانك ذكرتي اسمي والدليل انكم مانسيتو اخوكم .. ونعم والله فيكم والله اني حسيت اننا اسره واحده ,, الله يجزاكم خير اخوي تعب - امل وتفاؤل - كيان الشوق ... جزاكم الله خير المهم اخواني ابشركم انا سويت اللي قلتو لي بالحرف الواحد ... توضيت وصليت ودعيت ربي .. والحمدلله ماتتصورون اني وش كثر حزين ومستحي يوم اتصلت بوالدها واخبرته بان مافيه نصيب والله يوفقها وتلقى اخير مني بكثير .. المهم انا الان ارتحت لكني احس بتأنيب الضمير .. وخايف من ربي ... جزاكم الله خير جميعا .. الله يزوجكم ويسعدكم ويوفقكم ويبعد عنكم كل شر .. |
أخي العزيز الخيره فيما اختاره الله وما تأنب ضميرك ولا شي بعدين اقولك شي ربنا من ساعه ما انولدت وهو كاتب لك مين هي زوجتك فما تحزن الله يهون عليك يارب
وما تقتنع من احد البنت حلوه والا مو حلوه انت روح شوف بنفسك واقتنع ما قتنعت انسى المضوع لانه هذا زواج مو شي هين وفقك الله لما يحب ويرضى |
احمد الله على كل حال
اخوي لا انت أول ولا أخر من يحصله هالشي ومادام انك استخرت وما ارتحت .........وكلمت ابوها خلاص انتهى الموضوع انصحك اخوي تلجأ الى الله بالدعاء واكثر من الأستغفار وابتعد عن المعاصي والذنوب واكثر من الصدقة والأعمال الصالحة وصدقني رب العلمين بيوفقك وبيرزقك باللي تتمناها ان شاء الله وتبشرنا بالخير . |
| الساعة الآن 08:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©