كلمت خطيبي ولكن ..
 

السلام عليكم

طرحت مشكلتي في المنتدى بخصوص خطيبي اللي ما همه الا الممارسه معي .. والحمدلله قاموا بعض من الاعضاء بالرد على مشكلتي وطبقت بعض النقاط .. منها .:

* افتح معاه مواضيع واتناقش معاه حولها مثل الطفولة والذكريات والمواقف اللي صادتنا

* اخلي معانا احد من الاهل حتى لا تصير بينا خلوه

* اقلل زيارتي لبيتهم

* ارفض رفض قاطع بعدم قبول هذا الشي


والحمدلله طبقتهم كلهم بس خطيبي تضايق جدا .. وقال :: ليه وافقتي وليه الانسان يتزوج ومرة ثانيه ما بمر عليك وبخليك ليوم الزواج ..

بالله عليكم هذا رد ؟؟ بصراحة للحين ما احس ان في مشاعر تربطني فيه بسبب همجيته في طلب الممارسة .. وبسبب ايضاا اني ما اتناقش معاه واحس ان مستواه الثقافي اقل مني مع انه يدرس في المعهد الديني بس مستواه الثقافي هابط عدا الناحية الدينييه ..

وش اسوي تعبت منه .. لدرجة كره خواتي لاني دايم اخليهم معانا عشان لا يختلي فيني ..

فكرت مرة ثانيه بطلب الانفصال بس محتارة ؟؟

اهلي يحبونه طبعا لانهم يشوفون غلاف لرجل محترم بس مايدرون اللي داخله ..

انا نفسي اسولف معاه ابي احس اني افهمه واحس اني احبه .. حاولت اوصل هالكلام بس بدون فايدة ..

هل انتظر للزواج ؟؟ والا الانفصال افضل :29: للعلم انه تم عقد القران من شهر ..

.........................



تنبيه : يمنع الكتابة بلغة غير اللغة العربية

أنا أرى أن تخبري والدك ووالدتك فوراً الآن أفضل من أن تأتي غدا (لاقدر الله ) مع طفل وتريدين الطلاق

الرجال ماراح يتغير إلا بنسبة 30% هذا ان كان من النوع المرن


هذا رأيي وبالله التوفيق

فكرت ان اخبر اهلي ... بس ترددت قلت اتفاهم معاه اول

مطوع مشفوح :d

خابز هالنوعيات زين

المطاوعة انواع فيهم مدرن هذا ممتاز

بعضهم اقصى امنياته مثلوثة تحت اشعة اشمس اعتقد انه من هذا النوع :d

فكري بالموضوع زين وشوفي وين الخيره

احنا مابهذلنا الا حكاية التردد


المهم توكلي على الله سبحانه وتعالى وتفاهمي معاه واستخيري الله وبعدها روحي كلميهم فوراً

أسمعي كلامي ياأختي

وبالله التوفيق

لا افهم هل بني بك؟

يااختي والله ترى لو فكرتي فيها شويه تراه متلهف عليكي لانك توك جديده عليه بس اذ1ا تعود عليكي حيخف شويه

يعني تخيلي واحد محروم طول عمره ولقي من يلبيله رغبته

وهذا لايعني اني اقصد ان تترك الباب مفتوح على مصراعيه ولكن حبه حبه

وانتي ادرى به وهذا حال اي رجل وليس المطوع بالذات

تريثي واستخيري

السلام عليكم
أختي نصيحتي لك أن تتوصلي لحل أنت وزوجك هو حلالك صح بس في مجتمعنا أن العلاقة في الفترة هذه لها حدود حاولي تفهمي أن شغفك له ماله حدود وقولي له بعد الزواج يكون طعمها أحلى(بجد أسئلي مجرب) بس لازم يحترم العادات إلي في مجتمعنا ويحترم ثقة أهله فيكم أنتو الاثنين لأنه الأهل يهمهم هذا الشي
وأتمنى التوفيق لكم بأذن الله