شهر وبدات المشاكل بيني وبين خطيبي ؟
 

السلام عليكم

شخباركم اخواني واخواتي

صار لي فترة طويله انقطعت عن هاي المنتدى وصارت احداث كثيره في حياتي وخلتني انشغل عن المنتدى

انا من شهر انعقد قراني على شاب من خارج العايله وهو شاب فيه دين واخلاق ومصلي الحمدلله ورومانسي وقلبه طيب انا سمعت عنه هاي الاشياء بس بعدها ماجاني بعد الملكه وكلمته في التلفون تاكدت من هاي الشي 100% وكنت في البدايه خايفه لانه مو من عايلتي ومن عايله احنا اصلن مانعرفهم بس كل شي نصيب سبحان الله
المشكله :
انا خطيبي يبيني اقوله كلام حلو مع انه انا دوم اناديه حبيبي بس هو يبني ادلعه اكثر وانا احس نفسي استحي وكذا مرة المح له اني اخجل لما يقولي كلام حلو ويتغزل فيني:30: :30: وهو الحين بدا يستخدم اسلوب ثاني انه يغيضني فيه هو شغله رجال وبنات وعنده بنات في الشغل يقولون له انت شاب حلو ووسيم ومافي حدود في علاقته مع هاي البنات ويناديهم باساميهم المصغرة يعني مايناديه باسمها على طول انا في البدايه كنت عادي وهو يقولي هم بنات كبار ومو متزوجين بس انا الي اشوفها انه العلاقه بينهم الرجال والبنات في شغل زوجي مافيها حدود يتكلمون بمواضيع خاصه وكل شخص يعرف كل شي عن الثاني يفطرون مع بعض واشياء كثيرة حته جواله كله مخزن ارقام البنات الي معاه في الشغل يتصلون فيه بعضهم عشان الشغل بس بعد هاي الشي انا مايعجبني بس مو بايدي لانه هاي شغله اوكي وهو يحبه حته لو اشتغل في مكان ثاني بيكون نفس الحاله خلط :21: :21:
انا الحين اقرا في النت ابي اتعلم شلون اقول كلام حو لزوجي لانه يحب هاي الشي
والمشكله الثانيه ياخواني
انه الوالدة رافضه انه زوجي يجيني وهو دايمن يبغني يجني وانا قاعده اتعذر له لانه يوم قلت لاموي قالت لا كل يوم يجي مع انه ماشافني الامرة وحدة بعد الملكه وهي رافضه انه يجي يشوفني لانه كل اهلنا يقولون لها لايجيها بعدين راح يمل منها مع انه انا وهي اتفقنا انه يشوفني مرة كل شهر بس هي دايمن تصارخ وامس قلت لها اني حددت معه موعد الاسبوع الجاي وهي عصبت وصار خلاف بيني وبينها بسبب هاي الشي :29: وبسبب هاي الموضوع بدات تصيرمشاكل وزعل بيني وبين خطيبي يقولي انتي ماتحبيني ماتبيني اجيج وصارت مشكله اكثر من مرة مماخلاني اخاف واحنا تونا متملكين وباقي عن زواجنا سنه كامله :21:

انا جالسه اكتب الحين وانا متضايقه احس روحي ضعت مع خطيبي واموي حته اوقات تجيني افكار ابي انفصل عنه وارتاح من عوار الراس بس انا هاي الشاب مرتاحه له بس مشاكلنا كثرت الايام الي فاتت وبديت اكتئب :24: :24:
ادري الكلام مخربط بس ياليت تنصحوني شاسوووووووووي :15:

وشكرا جزيلا منتظرة الردود

اهلا وسهلا بالعروس
:14::14:

ربي يسعدك ويفرج همك وينولك مرادك


حبيبتي الموضوع خذيه ببساطه


1_بالنسبه للكلام الحلو:

حاولي مادام انه صارحك معناها انه محتاج يسمع كلمه حلوه يعني بالله مين يقوله كلام حلو
وتعودي شوي شوي

حبيبتي ماتكفي..
(حبيب قلبي ،نور عيني، تاج راسي، سيد اهلي، غناتي ، عمري كله، عيني، روحي انا، فرحي، هناي،...)


كل مره لما يكلمك او يسألك

ردي عليه.... ايش تقول حبيب عمري؟

حاضر ياسيدي..تأمر أمر
انا تحت امرك..انا من لي غيرك

تبغي تستأذنيه: تاج راسي ممكن ....

بعد انك ياهنا عمري ممكن..


اشياء بسيطه بس احنا لازم نتعود عليها


لما تجي تكتبي الرساله...انتبهي تكتبيها بيوم صامته...يعني

لاتكتبي فلان انا رايحه للمكان الفلاني ووووو

لالالا (حبيب القلب ونور العين وتاج الراس بعد اذنك ودي اروح للمكان ...وان شاء الله مارح اتأخر وبيكون فيه بينا اتصال...طيب يقرة عيني.)

يعني خلي كل الرساله غزل ودلع واستأذان واخر الرساله اخرها اخرها طلبك او اللي تبغيه


2_بالنسبه للأختلاط تصير في جميع الأماكن انا اختي جوالها كله زملائها في العمل وواحد منهم عرفنا على زوجته وصار لما نجتمع البنات نعزم زوجته

واكتشفت بالصدفه ان زوجته زميلتي في الجامعه وتعرفنا اكثر على بعض وصارت العلاقه مره قويه

زميل اختي هذا كلنا نعتبره مثل الأخ يعني ايام مازوجته سافرت نرسل له غداء ووو


بس طبعا بحدود يعني بصراحه هو جدا محترم



انت ممكن تصارحي زوجك وتقولي له يافلان انا احب تكون صريح معايا ولاتلومني انا انسانه وعندي غيره اغار عليك من زميلاتك في العمل

انا عارفه ظروف عملك بس لاتولع غيرتي بتصرفاتك او تصرفاتهم

خليك شبه رسمي معاهم عشان لايتدخلوا فينا
ومن هذا الكلام المرتب طبعا وبكل هدوء وتفهم ومن غير عصبيه

طبعا لاتنسي تحسسيه بالثقه التامه فيه وبتصرفاته




3_بالنسبه انه يجيكم من حقك صراحه وانت لسه قدامكم سنه

وفكرة ان مره في شهر حلو ومعقول


تبغي الحل خلي عريسك يتصل بنفسه ويكلم ابوك ويطلبه بطريقه لبقه انه يبغا يجلس معاك مره في الشهر عشان تعرفوا بعض وتتعودوا على بعض

وخليه منه لأبوك


اذا وافق ابوك.............خير وبركه

واذا رفض ابوك.............كمان خير وبركه لأنها تصير في وجه ابوك مو بوجهك ويقول انك ماتبغي

ويعذرك ان الرفض من اهلك مو منك

انت بيني كل مره انك تبغي تشوفيه وتجلسي معاه وهو يتحمس يكلم ابوك

وكثر الدق على الحديد ...........<<<<<ماادري نسيت:d:o




وربي يسعدكم ويألف بين قلوبكم ويحنن قلوبكم على بعض

ولاتنسي صلاة الإستخاره

والدعاء

وقرأة سورة البقره يومين

والهدوء

والتروي في التفكير


حصنتك بلا اله الا الله

1) بالنسبه للكلام الحلو اذا ظغطك قوليله انا خاشه كل الكلام الحلو حق عقب الزواج وبتشوف مفاجاه
ماشفتها عشان يسكت ويتشوق

2) مشكلتك مع امك هي مشكله وقتيه بتنتهي بعد الزواج وانتي فهمي خطيبك ان امك ماودها انه
يشوفك عشان مايشبع منك وان هذي وجهة نظرها بالنسبه لسنها وانتي مغصوبه ودايمن بينيله
ان ودك تشوفينه اليوم قبل بكره وانك ولهانه عليه


الله يوفقكم ويصلح بينكم

نصيحه عليك في الزوآج عاجلا

اوفقك 100%

فعلاً كلام روح الغالي 100%



بيني وبينك أنا كان قبل أمي تقولي خليكي جاده معاه ..لا تعطينه وجه كثيير ويمل منك


لكن المشكل مو في هالموضوع

المشكلة صايرة في رغبة الخاطب اللي تصير هي الأهم

لما يقول يبغى كلام حلو يعني يبغى

واأمي لما كانت تقولي لا تتمدين معاه بالكلام لأن أمي من جيل قبل .. وتتوقع الرجال مثل أول يحبون الللي تستحي وايييييييييييييييد .... ولا تقول ولا حرف .. بالعك هم رغبتهم غير ووجهة نظر الجيل الأول مثل الوالده الله يحفظها غير


فتبتلشين مابين نارين



فعلاً أنا أؤيد روح الغالي

خليها على وجه الوالد ..وعن نفسك يني له أنك ... ودك تقابيلنه

وسوي له كل اللي يتمناه .. إذا مو أنتي اللي بتعوضينه أجل منو؟؟


الل يوفقك بينكم ... ويكتب لكم اللي فيه الخير يارب

تحياتي

اجلسي مع نفسك صدقيني انتي اللي بتلقين الحل تأملي المشكلة وابحثي عن الحلول واطلبي المعونه من الله

ياويلي ...عزالله ماسافرت
وخليت زميلاته في العمل يرسلون له غداء....
مابقى الا ذي.........
الله لايبلاني بواحد يشتغل معه بنات....

روح الغالي كفت ووفت كل كلمه قالتها اعملي بها وفقك الله