![]() |
كيف تزوجت
بسم الله قصه لامرأه فطينه زوجة بنتها وساحكيها لكم لعل وعسى .. هذه المرأه متزوجه من رجل عنده ثلاث حريم وعيالها كبار وتقدر تروح معهم وتجي لاي مكان وعندها بنت عمرها 16 سنه وهم عندهم ان البنت اذا تعدت سن معينه يبدون يحزنون المهم في يوم من الايام قالت لولدها خلنا نروح نزور خالتك << خالت الولد في مدينه ثانيه . قال يالله مشينا اخذت معها بنتها ام 16 سنه يوم وصلوا للمدينه نزلوا وسلموا على اهلهم ويوم هم يتقهوون دخل ولد عليهم وهو يصير لهم المهم ان الولد هذا شاف البنت واعجب بها وسال امه عنها وقالت هذه بنت خالتك الولد صارت عيونه :eek: قال لامه ابي اتزوجها قالت رح اخطبها من ابوها اخذت المراه والبنت عندهم كم يوم ورجعوا بعد اسبوع الا والولد طاب على ابوها وخاطبها منه وافق ابو البنت وتم عقد القران .. الفائده اللي قالها الشاعر ديره ماترزق فيها تركها ماهو خساره :d |
متى أصير أنا قصة :d
دائما ً أقرأ قصص نهايتها حلوه أتمنى أنا يصير لي مثلها والله يرزقنا بأي ديرة ويعوضنا كل خير |
الساري وين نروح ؟!!!
أحاول أزور بنت عم خال جدة أبوي في منطقه بعيدة لعل وعسى :d أشكرك أخي ساري على هذي القصة وفقك ربي لمرضاته دمت بكل خير |
أيوووووه هاي القصص الحلوه اللي نحب نسمعها.. ومثل ما قالت اختي غاليه متى انصير قصه..:23: |
في ناس رزقهم الله زوجه صالحه بس مو كفو لها يمكن هي سوت ذنب بحياتها وعاقبها الله فيه
|
حلوة كقصة لكن على أرض الواقع غير
أنا زوجي ليس من نفس بلدي وتعال شوف أهلي وأهله شو عاملين فينا الله يهديهم بس |
سبحان الله كل واحد مايدري وين نصيبه ومتى ...
أنا كنت مخطوبة لكل عيال العايلة وبالأخير تزوجت واحد من برا العايلة وقصتي قصة !!! لكن لهالحين والمشاكل مهي مخلصة ... وشكرا لك أخوي على الموضوع ... |
أنا باقول لكم قصة زواجي ..
قرابة زوجي لي : عمي متزوج خالته .. والدي وعمي كانا يعيشان في بيت جدي الكبير .. كل واحد له مدخل خاص لشقته .. زوجي من ديرة اخرى .. يأتي لديرتي كثيرا .. ويزور خالته كثيرا .. أي يأتي لبيتنا كثيرا .. لم أره ولم يرني قط .. لم أر قط سيارة تحمل لوحة خليجية عند بيتنا .. أصلا لم أعرف أن زوجة عمي لديها أخت تسكن في دولة أخرى .. سنتين أو ثلاث وهو يبحث عن زوجة من ديرتي .. سأل عن الكثيرات .. وتقدم لأكثر من واحدة .. لكنه لم يوفق .. عمي كان يتمنى أن أكون أنا له ... ولكني كنت مازلت في المدرسة فلم يشأ أن يفتح الموضوع لا لي ولا له .. لأنه قد يجد نصيبه قبل أن اتخرج أنا .. المهم .. تخرجت أنا وزوجي لم يجد الزوجة المناسبة بعد .. هنا قرر عمي أن يفاتحنا بالموضوع .. فناداني لغرفته .. وقال لي كذا وكذا .. وكلمه هو ايضا عني .. وسبحان الله حصلت الموافقة من الطرفين وتزوجنا وعشت معه في دياره .. |
فيه رجال مثلا من نفس المدينه مالهم نيه بالزواج واهلهم يدرون وماهم متعبين نفسهم بتغيير رايه .. وفيه رجال في مدينتهم ماعندهم حريم بنفس الطلب .. وفيه رجال مالقوا الكفؤ القريب .. وتخبرون الحين صارت صلة القرابه منقطعه .. فحتى الجار يالله يالله تعرفه فكيف بقريبك اللي يقرب لك بمدينه ثانيه .. اكيد ان الاكثريه نست وش خلفوا من عيال .. يعني مثلا واحد ماله نيه بالزواج وفجأه شاف وحده عندهم بالبيت جايه من بعيد وطارت عيونه فيها وش تتوقعون .. الله يجمع القلوب ويرزق الجميع بحوله وقوته |
اخي ساري بسالك عن برج موتيل معناه
|
الساعة الآن 01:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©