|
ساعدوني في حيرتي أسمع كلام من أأأأأأأأأأرجوكم
بسم الله الرحمن الرحيم
ياجماعة الخير انا عندي خالتي إنسانة ملتزمة ومربية بناتها أحسن تربية وفيهم كل المواصفات التي يرغب المقبل على الزواج توافرها في رفيقته لمشوار الحياة من جمال ودين وخلق ومعرفة تامة بأمور المنزل طبخ ونظافة والكثير من الأمور الآخرى التي تجهلها الكثير من قريناتها. وبالرغم من تقدم الكثير من الخُطاب لها إلا أن والدتها ترفض على أمل بأن أتقدم لها. وفي الأخير قالتها لي صريحة بأن عروستك ياإبني عندي ولا تتعب وتدور وأمها وأهها غير متشرطين أبداً كل هذا الكلام قالته لي، وهي تعرف بأني أعشق الغناء وأعزف عود وقانون وكمنجة وهي موافقة على تزويجي عليها مع أنها ملتزمة وداعية في .................. ومعروفة بكثرة الندوات والمحاضرات الدينية التي تقدمها. كل ماسبق جميل ويجعل من لا يفكر في الزواج يتزواج وبسرعة، لأن أصدقائي الذين سبقوني في الزواج لم يجدوا العروسة التي يتمناها كل واحد فيهم إلا بعد فترة طويلة من الزمن، وكل ماسألت واحد منهم (إيش رأيك أتزواج من داخل العائلة أو من خارجها؟) يفيدونني بأن القريبة هي الأفضل بعد تجربتنا.لأنها ستعاملك وتعامل أهلك أحسن معاملة لمعرفتها وإحترمها لهم وخوفها من زعل أمها لزعلهم. ولكن المصيبة الكبرى أن والدي أخذ موقف من والد العروسة بأنه كثير المشاكل مع أقربائه وبخيل وصعب التعامل معه فكيف نناسبه بالرغم من علمنا بكل هذه العيوب التي فيه،وأنا أضيف وأقول بأنه رجل لايترك صلاة المسجد أبداً ويحترم أبي كثيراً وأخواني الكبار ويمتدحهم في كل مجلس أثناء غيابنا من أن عرفته. وفي رأئي ان أهم شيء أمها والبنت وأمي معي على نفس الخط. لكن أبوي لا وأنا أعتقد وأشك بأنه يتمنى بأن أتزواج من أهله لكني لا أشعر بالقربة بيننا مع أنهم في جدة وأهل أمي بالمدينة وإتصلاتي معهم لا تنقطع من الكبير إلى أصغر صغير. وكل من أستشرته أخبرني بان أهم شيء البنت تميل إلى من إذا كانت علاقتها مع والدتها أقوى من والدها وكانت والدتها طيبة فلن يكون هناك أي تأثير من والدها عليها وعليك بتحسين العلاقة من أمها. ياجماعة أنا محتار أعاند أبوي وأقوله بأني ما راح أتزواج غيرها بس كذا راح يكره زوجتي وتخرب علاقتي معه لأني أنا قريب جداً من أبي ويستشيرني في كثير من الأشياء. وأخواني المتزوجين من خارج العائلة يقولون لي: لاتأخذ غيرها ولاتفكر تدخل في ناس ما تعرف طبائعهم حتى لو كانوا طيبين من المؤكد بانك ستواجه مشاكل وإختلف في بعض العادات والتصرفات. أرجوا المساعدة والإفادة بشيء يريحني من حيرتي وآآآآآآآآآآآسف على الإطالة ولكن السبب لما وجدته في المنتدى من تعاون بين أعضائه. وشكراُ |
صل إستخارة اخي الكريمة مرة ومرتين وبإذن الله تجد الفرج
|
اذا كان ابوك مثل ما تقول قريب منك حيييييل
واذا هو معاند بس علشان هالشيء يعني مو ذاك العناد اللى مافيه امل منه كلمه بصراحه و قول له اللي في بالك و قول له انا ما ابي اعاندك و لا ابيك تغضب علي بعدين لكن هذي نيتي و اكد عليه انك مارح تسوي شيء من غير رضاه وامتدح له الرجل و خليه يفهم وجهة نظرك وانشاء الله راح تتوفق |
صلي الاستخاره وتوكل على الله وبصراحه باين على البنت ما تتعوض يعني لحق عمرك قبل ليجي حد ثاني وياخذها منك
|
الاستخاره
|
الاستخارة اهم شئ .. ودام انك اتقول ان ابوك قريب منك ان شاء الله ما راح يعاند ...
والله يوفقك للزوجة الي تسعدك .. |
صل إستخارة اخي الكريم
|
مصلي الإستخارة يمكن أكثر من 100مرة بدون مبالغة طوال شهر الرمضان المنصرف وتقريباً في كل ركعة في صلاتي اسأل الله أن يسهل أمري في هذه الزيجة.
|
http://www.l22l.com/l22l-up-1/9abd130d77.gif
اخوي انا اشوفك متمسك بالبنت بشكل مو طبيعي .. بس في نقطة حبيت اقولها لك ان حتى الزوجه لما تكون من الاقارب .. ممكن ماتحترم أهلك وانا شفت كثير من البنات اللى مايتحملو اهل ازواجهم بعد الزواج .. على الرغم من القرآبه والعكس ,, اذا انت تبي البنت فما عليك الا انك تجلس مع الوالد .. تقوله انا مايهمني بالدنيا كلها الا رضاك .. واذا طلبت مني اني ما اتزوجها مابخذها .. بعدها سلم على راسه ويده ,, واجلس قوله انها قريبتك وامها تخاف الله ,, وان الناس شارينك .. وعارفين طبايعك واذكر مواصفات البنت وخليها تحلو بعين ابوك قد ماتقدر .. وقله انه الاقارب كلهم بينهم مشاكل .. وان الاب لو كان بخيل كان اشترط شروط على زواجك من بنته .. اذا مارضى حاول ثاني وثالث .. بعدها لو مارضي روح لأمك تخطبها لك .. زوجي لما اتزوجني ابوه ماكان موافق وطرده من البيت مع انه ابوه يحبه اكثر من كل أخوانه ,, الآن ابو زوجي احب الناس لي من اهل زوجي .. وأسأل الله يوفقك للي فيه لك الخير والسعاده ويقنع ابوك للبنت اذا كانت من نصيبك .. http://www.l22l.com/l22l-up-1/9abd130d77.gif |
| الساعة الآن 10:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©