|
أزعجونــــــي
السلام عليكم ورحمة الله وبركاته حبيت آخذ رأيكم في موضوع مازالت أحداثه قائمة <<< حسيتوا إنه الموضوع قوي صح :d وقت الظهر هذا وقت أحلى قيلوله أرتاح فيها وماأحب أحد يزعجني لكن في ذاك اليوم فيه من أزعجني وخلاني أعصب :29: تليفوني يدق ويدق ويدق وأشوف رقم ماأعرفه ماتحمست أرد إلا لما دق مره ثانية :11: المهم كلمتني وحده مستعجلة إنت ِ فلانة الفلاني :30: قلت إيه من معي ؟!:24: قالت معك شركة فرنسية للميك آب إنت ِ إنت ِ مرشحة من قبل إحدى صاحباتك لحضورنا عندك ! إنت ِ وين ساكنة !!!! ياليت توصفين لنا بيتك علشان بنعرض لك أحدث الميك آب والماسكات للعناية بالبشرة والجسم وأخذتني بالكـــلام وختمتها بالأخير رشحي لنا من صاحباتك نروح لها ! بصراحة أنا ماحبيت طريقتهم أبدا ً وقلت لها بعدين بعدين وقفلت بالليل رجعت مره ثانية تدق لكن مارديت وبعد كم يوم دقت ولا رديت :25: وماراح أرد عليهم نهائيا ً . المهم سألت صاحباتي وقالوا إيه دقت علينا وصفنا لها البيت وجت وصارت تعرض لنا من الماسكات وتجرب علينا وبس هي تمدح في هالمنتج وإحنا نشتري ونشتري لحد ماوصلنا حدود 3000 ريال :eek: وتقولي لما وصلنا لهذا المبلغ قلت خلاص يكفي وهي مازلت تعرض لنا أشياءهم كلها بعلب لونها موّحد غريبة يعني وصاحبتي الثانية جتهم البيت وأشتروا منها بمبلغ وقدره بس نسيت كم حتى تقولي إنها تسألني أنتم موظفات ؟ طيب إذا بتدلوني على غيركم نروح نعرض لهم اللي عندنا وتسأل هم موظفات ولالا ؟!!! بصراحة وش رأيكم في هالموضوع ؟! قد كلموا عليكم وخليتوهم يجون البيت وإشتريتوا منهم ؟ تحسون إنهم ماديات أو فكرة حلوة إنهم يجون لحد عندك بيتك مع إنه الشركة مش مشهورة ؟! عني أنا مثل ماقلت لكم ماارتحت أبدا ً لهم وحسيتهم من كلامهم مادييين جدا ً وحتى عروضاتهم مش مضمونة وأحس إنه بشرتي وجسمي مستحيل أخليها حقل تجارب لأي شي وماأحب الإستغفال أو الإستغلال :( سؤالهم الإستفزازي بنظري لما يسألون عن زبوناتهم قبل يكلمون عليهم هم موظفات ولالا كأنهم يحسبون الموظفات من كثر ماعندهم فلوس بيرمونها بأي مكان وماراح يهمهم لأنها لهم وخاصة لما تكون ماتزوجت . أتمنى أشوف آرائكم وتجاربكم لو قد مريتوا فيها صحيح سؤال أخير (قد يكون مداعبة ) تتوقعون ممكن تصير مثل هذي الأشياء لشركات رجالية وتنجح ؟! عني أنا أشك والله ِ :25: |
انا بصراحه اخاف اتعامل مع الشركات اللي ما لهم مرجعيه و سمعه وشهره
والدنيا الحين صارت تخوف |
لا اختي اهم جذي يخلونج تقتنعين و يجبرونج تشترين من عندهم و هذا المنتج من سويسرا و هذا من هناك همهم الفلوس
|
كلهم نصابين, حذاري منهم و حذري صديقاتك
مثل هذه الشركات ما عندهم مقر يعني لو يحدث شيء للبشرة مثلا فهم غير مسؤولين و لن تجديهم أصلا حتى تستردي حقوقك. و مثل هذه الشركات لا تدوم كثيرا, تنشط لوقت قصير و بعدين فص ملح و ذاب. ارجعي نامي أحسن لك, الراحة و النوم أحسن شيء للبشرة:d |
اقتباس:
والله ِ صدقت ِ يابراعم كل شي صار يخوف وتخافين على نفسك كثييير الله يحفظنا يارب . مافيه مثل الشيء المعروف وفي المكان المعروف . |
اقتباس:
الشركات الفرنسيه تروج بضاعتها عن طريق الاعلانات التجاريه في المحطات التلفزونيه الكبيره مو تتصل على الزباين وتترجاهم يشترون منها اسيرهاااااا |
قد صارت لي ..اقول يمكن انا اللي دليتهم عليك خخخخخخخخخخخخخخ
ازعجوني ذبحوني بس يدقون واصرفها وتدق اليييييييييييييييييييييييييين جت بيتنا:29: يوم خلصت شغلها قالت لي هاه شتبغين قلت ماأبغى شي :d <<<<قوية وجه انا قالت انا متعبة حالي وعم بشتغلك وبالاخر مابدك شي قلت والله انتم اللي أصريتو تجون عندي شسوي؟ عالعموم بفكر وممكن ارجع ادق اشتري <<< ماعندي نية اشتري بس استحتيت منها الصراحة :21: قالت بكيفك بس مايصير انا تعبت على بال ماأخذت الوصف وفلانة اخذت وفلانة اشترت وهذا المنتج يعمل كذا كذا قلت نشوف نفكر والله وتزعل شفايفها غطت على وجهها من كثر ماهي منتفخة ههههههههههههه ودعتها ووشكرتها بس :17: وشفت منتجاتهم غالية مرررررة وماتضمنينها لأننا ماقد سمعنا عنها تبغين نصيحتي لاتخلينهم يجونك |
انا صار معاي نفس الحركه
بصراحه روعتني ماأدري ليش شكيت انو مقلب أو شي ماعجبتني الطريقه أبدا ونفس الشي سويت قلت لها انا طالعه الحين ومن بعدها تدق وتدق وأنا انواع السفهااااااان :d |
.... مرحبا غاليه .. فعلاا اهم مزعجين .. وانا صارت معي ومع ناس اعرفهم طبعاً الهدف من ذاك الربح المادي لا اكثر.. ومن باب الاستطلاع ... دقيت على االشركه الي تقول عنها طريقتهم ان المندبه تحاول قد ماتقدر تكسب لان لها نسبه 30 % من البيعه وكل مايكون شغلها اكثر كل ماتاخذ نسبه افضل .. بالتالي اكيد بتكون مصدر ازعاج لانها تبي تربح من ورانا .. طبعاً هذي الشركات مو مضمونه جودة منتجاتها وممن تسبب اضرار للبشره او الجسم رغم ارتفاع اسعارها ... وللمعلومه .. الشركات هذي يسوون اجتماع لهم كل اسبوع يتعلمون فيه كيف يقنعون الوحده منا بكلامهم عشان تشتري .. يعني طريقه تعليميه دبلوماسيه راقيه وحنا نصدق ونشري .. ختاماً هذا طبعا الكلام بعد البحث والتحري عنهم .. ونصيحه لاتشترين منهم .. المحلات التجاريه والماركات العالميه بكل مكان وشي تعرفيه افضل .. أختكِ عانس بزمن عابس |
اقتباس:
ماأدري من اللي أعطاهم هالصورة عنّا يتوقعون إننا مانعرف نميز ونفرق بين الزين والشين ؟!! أو إنه الفئة اللي مغشوشين فيهم كثيرييين ؟! الله يحفظنـــا يـــــارب . |
| الساعة الآن 04:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©