|
كيف اقنع خطيبتي بتغير افكارها
بسم الله الرحمن الرحيم السلام عليكم ورحمه الله وبركاته كيف الحال ان شاء الله الجميع بخير قبل ثلاث اسابيع ملكت وقبل اسبوع تقريبا سويت الحلفه ودخلت على العروس وشتفها العروس من خارج القبيله ولا اعرف عنهم قبل الخطوبه اي شي المهم استخرت الله وصار النصيب وتزوجتها انا عمري 25 سنه هي عمرها تقريبا 18 سنه انا اكلمها بالهاتف تقريبا كل يوم نصف ساعة جالس احاول اني اعرفها على نفسي وعلى طباعي وعلى ايش احب ايش اكره اختلفنا في اشياء كثيره مثل المكياج هي تحب المكياج انا اكره المكياج تحب البس العاري طبعا في حضرت النساء فقط انا اكره البس العاري في اشياء معينه وبعدين هي تبغ تترك الدراسه وانا احاول اني اقنعه انها تكلم الدراسه اقول لها الدراسه هي اهم شي والواحد بدون شهادة ما يسوى شي قيمتك في شهادتك ماهي مقتنعه تقول لا بعد الثانويه تبطل مادري ايش اسوي فيها وبعدين الزواج بعد ستة اشهر ان شاء الله تبغ تسوي زفه وانا جالس احاول انا ما تسوي هذه الزفه انا ماني مقتنع فيها ولا احب احد يشوف زوجتي بهذا الشكل استعراض المهم ماهي راضي تقول اهم شي الزفه والمشكه انا وعديلي راح نتزوج في يوم واحد يعني اختها راح تكون معاها هي تقول انا ما اسوي زفه وختي تسوي زفه ليش انا اقل منها المهم انا وهي كل يوم هواش في هذا الموضوع وبعدين انا ما ابغ اضغط عليها من البدايه ايش اسوي معها ابغ اقنعها انها ما تسوي الزفه لا تقول لي قول لها اخاف عليها من العين راح تقول لي انا احصن نفسي بالاذكار وخلاص ايش اسوي فيها بس انا عارف ان عقلها لسى صغير على قد عمرها ومقدر هذا الشي بس كل شي الا الزفه الله لا يحرمني منكم |
انتبه , ارسم شخصيتك , وبتعرف قيمة كلامي بعد الزواج ..
|
اقتباس:
وشلون ايش تقصد وضح كلامك |
هلا ولد جده
حرام عليك تحرم زوجتك من حلم كل فتاة في يوم زفافها لما تنزف وكل اهلها وصديقاتها حواليها!! انت حط مكانك بمكانها قبل ما تطلب هالشي منها اخوي انا اشوف انك تتنازل عن هالشي و تخليها تسوي زفة زي ما هي تحلم وتتمنى وما نكد عليها يوم فرحها خصوصا انه بتصير فيه كثير من المقارانات بينها و بين اختها لانهم بيتزوجون سوا,, انصحك انك تعاملها بالسياسه و قبل ما تصدر اوامرك حط مكانك مكانها وشوف اذا تقدر تتقبله ولا لا والله يوفقك يارب والف الف الف مبروووووووووووك |
رادع
يعجبني إختصارك للكلام ووضوح خطك يارب تكون بنفس الشكل واقعياً ... الله يعينك ياعريس ومبروك لكن مثل ماقال رادع كن واضحاً وثق إن لم تكن من البدايه كذالك ستعاني كثيراً ... دمت بخير |
ام تاالا
الله يعطيك العافيه والله يبارك فيك بس والله ما راح تاخذ غير الحش من الناس وبعدين الناس ما تعطي خير يعني يعني شي سبحان الله وبعدين يجلسون يقارون بينها وبين اختها هذه حلوه هذه ...... وبعدين لا تنسين انهم من خارج القبيله يعني عناصر جديده على القبيله يعني راح يكون الانظار كلهم عليهم وانتي تعرفين كلام الحريم ما يبغالها شرح |
بارك الله لكما وبارك عليكما وجمع بينكما في خير
الف الف الف ميلون مبروك لك ولعروسك انا عارف ان عقلها لسى صغير على قد عمرها ومقدر هذا الشي بس كل شي الا الزفه أخي الكريم زوجتك لا تزال في سن المراهقة وانت قلت هي لاتزال صغيرة يعني يبغي لك شويه تعب معاها وان شاء الله بتصير نفس ماتتمني واكثر وترى انت تقدر تقنعها بوجهه نظرك باسلوب هادي مع التذكير بالضوابط الشرعية سواء في اللبس او في احترام حق الزوج ورغبته وعليك بالصبر واللين ,,, وتحمل ان المسائل توصل الى حد الصراخ او التعصب كي لا تتحول الى عناد او تحدي ؟؟؟ وبالنسبة للزفه صح مايصلح ان اختها تكون مسويه زفه وهي لا ترها بالاخير بترد عليك بيقولون انك ماقدرت تسوي لها زفه خخخخ بس اذا كنت تشوف ان الزفه فيها مخالفة شرعية تستطيع انك تخبر اهل العروس انك غير راضي عن طريقة الزفة وهم ان شاء الله يقدرون ريك ويحلون المشكلة بطريقتهم ,,, والله يسعدك يا خوي ويهنيك انت وعروسك !!! |
بالنسبه لى انا جدا واقعي
واقلها على كل شي بصراحه جدا صراحه يعني تميلح ما في مدح زياده مافي ( لابد من المدح ) بس الخلاف ان في اشياء كثيرا ما تعجبني فيها من ناحيه اللبس والتفكير مادري كيف اغيرها بدون زعل |
مبروك
|
اخى الكريم.....
نظرا لاختلاف المجتمعات فانا ليس بالعلم الكافى على فكرة الزفة فى مجتماعتكم...... حيث ان الزفة فى مجتمعنا تعنى ان العروسة يمكنها الخروج امام غير المحارم بكامل زينتها مما فية من حرمانية فى الشرع بالتأكيد..... واقول لك اذا كانت الزفة لديكم مثلها فأنا افضل ان تقنع خطيبتك بانك مستحرم هذا الوضع (ولكنة انتبة لابد تقولها بنوع من الليونة وعدم التعصب) وقول لها حببتى اذا قابلتى ووافقتى على عدم فعل الزفة سأكافئك بشىء انتى تحبينة ( ههههههههه ولا بد ان توفى بوعدك مع البنوتة ترى) واذا لم يكن فى الزفة نوع من الحرمانية فلما لا تجعلها تحقق اللى كل فتاة تتمنى تحقيقة فى ليلة العمر وصدقنى اذا وافقتها على رأيها طالما ان ليس هناك حرمانية فى الزفة ستعلو فى نظرها اكثر ويزيد حبك فى قلبها لانها حققت لها ماتتمناة....... واسئل الله ان يجمع بينكما فى مودة ورحمة قريبا ويرزقكما الذرية الصالحة. امين |
| الساعة الآن 07:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©