%%%تكفوون يالربع ساعدووني ابيكم (اختكم امولا انخطبت لكن؟؟؟؟؟) %%%
 

السلام عليكم ورحمة الله وبركااته

اخواني واخواتي في الله في هذا المنتدى المبارك

اعجبت بي احدى صديقة صديقاتي وكلمتني وكذلك امها وكانوا فعلا ناس طيبين بتزورنا برفقة اخيها من مدينه اخرى كي تراني

فهو شاب طيب ودين مثقف متوظف ويتحمل المسؤليه (بإختصار ماينفوت)احسبه والله حسيبه ولا ازكي على الله احدا

لكنه من قبيلة اخرى ..ومدينه اخرى وبعيده نوعا ما

المشكله ان امي _هداها الله_ معقده ومتشدده ولاتقبل بأن يتزوجني احد غير نفس قبيلتي

وكانت متخوفه من جية ناس اغراب وطمنها انه مجرد زياره
قرروا زيارتنا
اللي اتفقت عليه ويا صديقتي
ع اساس في الأول زياره

بعد اسبوع اخبر اهلي ان البنت اعجبت فيني ويبغوني لأخوها
ثم يجي هو ويصارح الوالد والشوفه

بعد كذا يجي ويا الوالد والوالده ويملكون :14: بإذن الله ..
وجونا واستانست معهم والشاب جلي مع الوالد عرف بنفسه فكان قمه بالإحترام
بعد كذا
والوالد في البدايه كان وماعنده اي مانع انه يزوجني اي احد دامه طيب ومتوظف حتى لو اجنبي! وكل همه يخاف اني اعنس عنده وكمان هم من بيوديني اذا توظفت ؟؟!وضد العصبيه القبليه
يعني منفتح ولمحت له بالموضوع!! وقال طيب

لكني انصدمت بعديين لما شافني جالسه على الحاسب يسولف وامي بجنبه قال!!!!


ورى ما نزوجك ولد عمتك فلان عشان يوديك ويجيبك ان توظفتي (ولد عمتي هذا داشر وقد دخل السجن بسبب المخدرات وبعدين طلع حتى ابوه مايهتم فيه وفاشل بدراسته )

وقال ولاتدرين نزوجك فلان ولد عمك (هذا عااطل واطرش مايسمع وكمان فاشل بدراسته ) وامي بجنبه وتقول ايه احسن!!

وش معجلها على العرس :( هي تقصد الأمور الجنسيه!!!!!!! وانا ياحراام مو همي ولاجاء في بالي ولا هم يحزنون همي ان ربي يوفقني وياه دامه متفاهم ويحبني ومتدين ويعوضني الحنان اللي فقدته والشقى اللي عشته

المهم وربي انصدمممت :29: دمعت عيني بس ماخليتهم يلاحظون قلت معقووله ابوي يقول كذا!! وش قلبه؟؟
احس الدنيا اظلمت بوجهي قلت بقلبي ابطنشهم
غيروا الموضوع وصارت تسألني امي عن اشياء اخرى ولارديت :29: ورحت اطمن نفسي وقلت يمكن الوالد يمزح بس يقوله كذا
ثم جاء في بالي فكره وهي اني اتواصل مع صديقتي لكن مااجرح مشاعرهم يمكن اهلي مايقصدون لكن ماراح افتح السالفه الا بعد مابوي يحن يدور على الشاب خصوصا ان اخت زميلتي اللي وياي بالدراسه بتزوج فبجيب طاري الزواج واقول فلانه ملكت وفلانه انخطبت ووإلخ اليين مالوالد يقول وين راح فلان ؟؟
وبعدها بعطيه جزء من مكافئتي كما هي عادتي واقول له يبه ترى فلان وابوه بيجونا باكر وابلغ صديقتي ان اخوها وابوها يجون وبخصوص الوالده راح اخليها امام الأمر الواقع فهي متشدددده يكفي ابوها_جدي_ بناته كثيييييير واكثرهن ماتزوجن وقربن على 30 مع ان الخطااب كثيييييير لكن متشدد :24: مايبغى الا من نفس الفخذ!!
وامي همها كلام الناس وان هذا يخالف عادات وتقاليد القبيله:30:


تكفووووون اخواني وخواتي وش رايكم ولاااااا تنسوني من صالح دعااائكم
خلوكم معي ابي احس ان معي ناس يساعدوني ويوجهوني ويدعون معي وانتم كفوا وماتقصرون
وابيكم تحمسوني لاني على الرغم من جرئتي وقوتي :18: الا اني حساسه وعيوني تدمع بسرعه اذا احد فهمتي غلط :15:

بإنتظااااااااار أرآآآآآآآئكم

اختكم امولا

والله ياحبيبتي ماأملك لك الا الدعاء ان ربي ييسر أمرك يااااااارب

حبيبتي خليك من التوقعات هذي ؟؟؟

خليك واقعية وعلى أرض الواقع ..........يمكن تنصدمين إذا جت الصراحة

وصدقيني الوالد مايبي الا مصلحتك..

ولاتجلسين تنتظرينه يمكن يتزوج ولايسأل عنك؟؟

كلامك هذا كله توقعات وخيال

أسأل الله أن يكتب لك الخيرة

عليكم السلام ورحمه الله وبركاته

اسال الله ان يفرج همك ويبدل حزنك بفرحا وسرورا باذن الله
ويرزقك زوجا صالح بالقريب العاجل

اول شي لاتتكلمين اهلك وانتي معصبه كلمي امك بهدوء وحاولي تفهميها سلمي على راسها وقولي
صديقتي دقت تستفسر عن راي كذا وكذا وش ارد عليها يا امي؟
اوو خلي صديقتك ولا ام الولد تدق على امك تخطبك منها او ابو الولد يدق على ابوك يخطب يعني خلي السالفه رسميه بالطريقه الانسب
وكمان حاولي تفهمين ابوك ولاتبين له انك مهتمه للشخص هذا بس قولي يابوي انا مراح اتزوج الا برضاك انت والوالده وابغاك تسال عن هالشخص وتستقصي بالسؤال من الى
وان شاء الله بالتفاهم كل شي ينحل بس انتي تعاملي معاهم بهدوء
وكمان اذا عندك اخوان اكبر منك ولا خوات وترتاحين معاهم ومتفاهمه حاولي تفهمينهم وهم يساعدونك عشان امك توافق بهدوء
وحبيت اسالك انتي كم عمرك وهو كم عمره ؟؟
والله يوفقك ويسهل لك امرك وامانه صلي الاستخاره حتى وان لم يصير شي وياليت تخليها بالثلث الاخير من الليل وادعي ربك بتضرررررع صدقيني لو ربي كاتبه لك بتاخذين هالشخص مهما عارض الجميع
بس اهم شي رضى امك وابوووك هذولا جنتناااااا مرااح نلاقي احد يعوضنا بدالهم بيعي كل شي غالي عشان رضاهم وتاكدي ان ربي راح يوفقك
الله يسعدك دنياء واخره وطمنينا عليك قلبي معاااك ولاراح انساك من الدعااء

عقد اللؤلؤ

بارك الله فيك يالغلا ويارب تكون على قولك توقعات


*/*/*/

ويبقى الأمل

آآآآآآمين جزاك الله خير

امي لو كانت هاديه وانا هاديه على طول بتعصب وتزعل ويمكن تبكي !!!!
انا مابي اشوفها تبكي فغالبا اتجنب مواجهتها
ابوي متقلب المزااج!!
الله يعيين

عمري 22 وهو 28

*/*/*/

اخوي اللاعب الله يوفقك ومشكور اخوي ع الدعوة

لا اله الا الله
اختي الله ييسر لك طريقك ويعينك على ابويكي

وتذكري ان الانسان اللي نكتبلك الله هو اللي بياخذك حتى لو عارض العالم عليه بيكون لك

اقرئي سورة الضحى و الم نشرح لك صدرك واية الكرسي مرة مرة مرة
و ((وجعلنا من بين ايديهم سدا و من خلفهم سدا فاغشيناهم فهم لا يبصرون)) سبع مرات



اسال الله لكي التوفيق والسعادة

اختك سهام