|
هل تكفي 40 الف ريال لمستلزمات العروسه ,,,
في البدايه أحب أن أشيد بهذا المنتدى الجميل والذي يضم أقلام جميله من الجنسين لاتستطيع أن تزور هذا المنتدى ولا ترجع له مره اخرى فهو يملكك بمواضيعه المفيده رغم التحفض البسيط على بعضها ولكن في المجمل قمه ولاتقلل بعض المواضيع من مكانته لدى الكثيرين ,,,,, أحببت ان اشارك اخواني وأخواتي في هذا المنتدى بموضوع يتعلق بالمهر والذي بدأ الكثير من أولياء الأمور مراعاة الشباب المقبلين على الزواج بتحديد مبلغ معقول يساعد الشاب على تسيير أمور زواجه بدون ديون لكي لا تؤثر على حياته المستقليه وأرى انا ان المهر المعقول هو الذي لايتخطى الخمسين الف والأكثر من المعقول هو الأربعين فهل توافقوني الراي؟؟؟؟؟؟؟؟؟؟؟؟ وهل يغطي جميع التزامات العروسه هذا المبلغ؟؟؟؟؟؟ وتقبلوووو خالص شكررررررررررررري |
http://www.up07.com/upload-45/wh_24443899.gif
والله اخوي حسب العروسه .. انا افتكر المستلزمات اللى اشتريتها .. كلها على بعضها 7 آلاف .. الله يوفقك وييسر لك ويسعد .. http://www.up07.com/upload-45/wh_24443899.gif |
السلام عليكم ورحمه الله وبركاته
انا اشوف ان 50 منااسب جدا وخاصه لو لاحظنا ارتفاع الاسعاااار بكل شي وواذا نزل 40 او 45 لكن ااذ نقص عن هالحد احسه مراح يكفييي واذ عن الخمسين احس مبالغه وخاصه الي عاداتهم ان الرجل يدفع المهر فقط والباقي على اهل البنت هذا يكفي لكن فيه نااس الولد يدفع المهر وعليه تجهيز حفل الزواج وحجز القاعه فهذا ممكن انه مايدفع الا قليل بحدود 35 |
مســاء الخير اخوي
نايف الخالدي انا راح اتكلم عن نفسي انا الحين اجهز لزواجي وبصراحه مهري 40 الف فقط لاغير ويكفي التجهيز وللمعلوميه ان العروس هي اللي تحط العرس في مجتمعنا يعني من هالـ40 الف اجهز لزواجي واحط الزواج كلها علينا طقاقات وقاعه وعشاء وتقديم وكل شي : : كل الود لكم اختكم يارب وفقني:17: |
ياقلبي عليكم ياشباب اليوم
مهر سياره بيت وأثاثه حفلة الزواج والقصر وال...........................................الخ واااااعليه اخوي زواجه بالصيف وحسيت بمعاناته مع إن مهر زوجته 40ألف 40 ألف هذا اكثر مبلغ اسمع عنه بين اقاربناونسميه مهر الحكومه بس ماأدري ليه؟؟؟؟؟؟؟؟ هذا بالنسبه لأخواتي وكل قريباتي وتكفي العروسه وبعدتزيد بس أنا من نفس قبيلتي ومهري 12 ألف فقط وانا الآن بورطه خاصه مع غلاء السوق والذهب بس ماقصر ابوي واخواني وامي كل واحد تكفل بشئ "فزعـــــــات" وحتى هوماقصر معاي مع اني مااتجرأ اطلبه ريال واحد لأنه وراه مستلزمات ثانيه ولله الحمد انتشر الوعي بين الناس في التعاطف مع الشباب"اتكلم عن البيئه المحيطه فيني" حتى صار ابو البنت واخوانها وعمامها يقطون ويساعدونه بتكاليف الحفله |
ماشاء الله أخت همسه المهر 12 الف ريال
رائع جدا الله يبارك لك ويسعدك ويوفق بينكم خير النساء وأبركهن أقلهن مهرا كما قال الرسول صلى الله عليه وسلم بالنسبة لسؤالك أخي نعم اربعين الف ريال تكفي العروسه وبزياده المهر إذا زاد عن ثلاثين الف والله كثيييييييييييييييييييره لكن لو عندك استطاعة تدفع الاربعين توكل على الله |
حبيت أقول شغلة
أخواتي اللي يقولون 7 آلاف و 12 ألف هم مو من السعودية وتختلف العملة والأسعار بيننا وبينهم أما بالنسبه لنا في السعودية <<أتوقع أنك ياخوي الخالدي سعودي وإلا أنا غلطانه *_^ فالمنتشر حالياً ..حسب المناطق ... إذا كنت من الرياض أو القصيم حسب خبرتي .. فالمهر مايزيد عن 50 ألف .. وتكاليف الزواج وكل شي معروف على طرف اهل العروس ولو كانت 40 ألف بعد خير و نعمة .. لكن ماتكون حفلة الزواج كبيرة ..عشان ما تضر العروسة في مشترياتها وتكفيها مابين 40 و 50 ألف خييييير ونعمة وعساك عالقوة ..ربنا يوفقك يارب بزواجك ... أهم شي يا خوي لا تكسر ظهرك بالديون .. <<أنا النسبة لي والله أنا مخطوبة .. لكن أهم شي عندي ..أنه مايتدين بشي يكسر قلبه بعدين .. ويخليه يعتبرني أنا السبب في تعبه وهمه في الدين .. أهم شي يكون مرتاح .. ومادام الرجال يشترى .. فكل شي منه خير وبركه .. الله يوفقك يارب ... |
المهور تختلف من دولة لاخرى
|
انا مهري .. 25 ألف ريال سعودي مع طقمين ذهب ... وواحد الماس
وكل تكاليف الزواج على اهل زوجي يعني الــ 25 بس ملتزماتي الخاصه .. وثوب الزفاف من امي .. تكاليفه وللحين .. باقي من مهري 12 الف ع العلم اني قضيت اغلب الشغلات يعني القناعه اهم شي |
نحن عنا المهر يقسم على قسمين معجل ومؤجل المعجل هو يكون الذهب أما المؤجل فيترك لظروف الزوج فمتى مافتح الله عليه دفعه لزوجته فكان المؤجل من مهري 50000 ريال أما المعجل فكان 10000 ريال فأصبحت تكاليف الزفاف بالنسبة إلى زوجي كانت 10000 ريال سعودي ذهب 12000ريال كانت تكاليف الصالة الواقعة في فندق 5 نجوم وتشمل الكوشة وبوفيه الطعام وحتى مسكة الورد 8000كانت تشمل طقم ذهب أهداني إياه في حفلة الملكة وهدايا موزعة فترة الملكة فوالدي لا يرضى بكثرة الهدايا عبارته المشهورة ( خلي الهدايا لبعد الزواج ولاتصرف الآن فلوسك على أمور ثانوية فأمامك فرش بيت وغيره ) وبالنسبة للمهر المؤجل طبعا زوجي دائما يقولي بس أتخرج وأشتغل أول شي بدي أعمله أدفعلك مهرك بس والله أزعل منه وأقله أنا ما بدي ياه وأصلا شو بتنفع الفلوس جنب حسن المعاشرة والخلق ووالله لو دار فيني الزمان غير زوجي ماأخد حتى لو مهري ريال والحمد انا عايشة ومبسوطة مع زوجي ومافي شي ناقصني ووالله لو كل بنت فينا رضيت بالقليل صدقوني رح تحل عنا مشاكل كتير ووالله العظيم رب العالمين ياخد بيدهم ويرزقهم من أوسع أبوابه طبعا بالنسبة لتجهيزات العروس من ملابس وغيره نحن عادتنا هذه الأشياء على والد العروس وطبعا ردا على سؤال الأخ 40000 ألف تكفي وزيادة والآن بعد مرور سنتين على زواجي وجدت أن أقل النساء مؤنة أكثرهن بركة فعلا والحمد لله رب العالمين مازال راضي علينا وفاتح لنا أبواب الرزق ودمتم بحفظ الرحمن تحياتي |
| الساعة الآن 04:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©