أنا واخواتي........
 

السلام عليكم..............
عندي أختين اصغر مني.....وحدة 22 والثانية 19
انا من اسرة محافظة جدا لم نتعود على زيارة صديقاتنا....وقد رباني والدي على ذلك...ولذلك فانا مطيعة جدا...المهم اخواتي لما وصلو هالسن صارو يبون يزورون صديقاتهم وكل وحدة تتفق مع واحد من اخواني يوديها بدون علم والدي..اتيتهم في البداية بالنصح..ولكن مافي فايدة بل تكررت الزيارات...المهم انا اقول بس استأذنو..خلو عند امي وابوي خبر...وبكذا صارو يعتبروني عدوتهم....وفي يوم انا وامي قاعدين وفجأة اختي اللي عمرها 22 داخلة من برا وكانت عند صديقتها ...قالتلها امي طيب وش فيها لو استأذنتي..انا مو امك ..وبعدين ابوك جالس في المجلس واخر من يعلم؟؟
طبعا ردت وقالت اسألو اخوي انا قلت له وهو وداني؟؟ قلت انا... لا... ابوي لازم يدري باللي يصير من وراه ...وقلت له طبعا ...ابوي قال الغلطة غلطت اخوي وشلون يوديها بدون علمي لكن ابوي ماحرك ساكن لا كلمها ولا كلم اخوي .طبعا صرت منبوذة بينهم...وصارت الوحدة اذا بتروح لصديقتها تخبي علي وكأننا مو عايشين بنفس البيت...وبدال ما ابوي يشد من ازري بالعكس متجاهل الامر تماما...وفي يوم ابوي كان مسافر فاستأذنت من امي وقلت لها بروح لصديقتي ورحت لها و ماتتخيلون وش سوت اختي ام 22سنة كلمت ابوي وهي تبكي وتقوله ظلم ومش عدل هي تزور صديقاتها متى ترجع يبه متى ترجع؟

تخيلو رجع ابوي والله تعامله معي تغير خاصة ان اختي هذي تعبي راسه والله تعبت منها....
وتعبي راس اختي 19 تقولها اني احرش عليها ابوي وامي ؟مع ان هالشي والله ماصار؟
تمنيت اني لاتكلمت ولا سويت شي؟؟تمنيت ان قعدت ساكته ولا قلت شي حتى الحين اختي اليوم راحت لصديقتها وقالت لابوي انها عازمة بنات وهي كذابة ووافق ووداها سبحان الله مع اني زمان لما كنت اقول لابوي صديقتي عازمتني ويقولي عازمتك لحالك اقولها ايه .طبعا يرفض اروح لها ...لانه يقول لو عزيمة بنات ايه لكن لوحدك لا....يعني الصادق مايتنفذ طلبه واللي يكذب يصدقونه ويتنفذ طلبه..صرت اقول فعلا دنيا مقلوبة..مقلوووووووووبة!!
بالله عليكم وش اسووووووووووي

يوووووووه يامملوحة,,
لو بتدققين بتصرفات خواتك كان مافيه أخت تكلم أختها,,
الزمن تغير والإحترام قل!! والبنات مو مثل أول!!تصرفاتهم مثل الأطفال!!
الله المستعان

اسمعيني حبيبتي
انتي سويتي اللي عليك وهم بكيفهم على راحتهم صدقيني مصيرهم يتندمون ويعرفون انك على حق
ومثل مقال المثل ليتني مظلوم ولا ضالم
وكل الخوات لازم يصير بينهم حساسيات شويه وبعدين يتغيرون

عذراً بس احسك تنقارني بين و بين اخواتك
انوو ليش لمن كنتي في سنهم ابوك ما يرضى و الحين يرضى لهم

عذراً مره اخرى و لكن ابوك هو الذي يجبرهم على الكذب
انا اول مره اسمع ان ابو يمنع بناته من الذهاب الى صديقاتهم
اذا اهو يعرف اهل صديقاتكم او امك وتعرفون اخلاقهم خلاص بعد


انا من رايي انتي سكتي عنهم ودام ان ابوك سكت مره و مرتين عن اخواتك فصدقيني هو يدري بكل شيء بس مطنش
وانتي بعد اذا تبين تروحين لصديقاتك روحي اذا هم ما استأذنوا انتي صيري احسن منهم و لا عليك منهم
في النهايه هم ماراحوا من غير ما احد يدري ع الاقل اخوانك يدرون