لا يعرف الرومانسية
 

أولا تأكدي أن مايخون . أذا مافي خيانه فالحل ان شاء الله سهل .

مادري شاقول بس أحس انة كبير في السن ..

السبب واضح وهو فرق العمر ، اهتماماتك واهتماماته تختلف ، ما ترينه انتِ مهما وضروريا يراه هو غير ذلك ،

وهذا الشيء شائع في الزواجات التي يكون الفرق في العمر بينهما بمثل هذه السنوات .

انصحك ان ابتعدي عن الشكوك فإن بعض الظن اثم .

اختي فارق العمر ليس بالبسيط

وصعب في هذا العمر ان تغيرية

لترتاحي اقبلي به كما هو

لا تغيري من تصرفاتك ... اعملي ليالي رومنسية وقولي سوف استمتع ان اولا ... ومن ثم هو

البسي وتشيكي لنفسك

وان قال لك غيري هذا اللبس .. قولي له انا البس لنفسي وليس لك

لا تحسسية انه مقصر معك في حقوقك الشرعية ....لان هذا يجعلة ينفر اكثر

واكبر خطأ انك تنامي في غير غرفتك

مهما حصل لا تتركي غرفتك فيتعود على بعدك

وربي ييسر لك امرك

اختي حاولتي تساليه عن حالته النفسيه؟؟ احيانا الرجل تكون عنده مشاكل وما يحب يشارك فيها زوجته ويكمتها بنفسه وهذا بالتالي تؤثر على تصرفاته داخل وخارج البيت انتي قلتي انه كان ينبسط على اهتمامك حاوري تفكيره قبل عاطفته...واذا ما نفع ها الحل ممكن تعطيه ورقه وقلم وتقولي له يعبر عن خاطره واذا في شي مو عاجبه عشان تلاقي له حل ...عموما طمننا عليج

[line]
مشكوره على مرورك لكن للاسف اذا نمت معاه با الغرفه صار يطلع ويخلي لي الغرفه وينزل وينام با المقلط
او المجلس عشان كذا صرت اخل له الغرفه ينام لوحده افضل من انه ينزل وينام با المجلس والله تعبت معاه وصار لنا على هاذا الحال 7 شهور واحترت وصرت انوي اني اتطلق منه واروح لبيت اهلي واخذ اطفالي معاي

[line]
اهلين اختي انا عارفه ايش اللي مضايقه والله اعلم بس يمكن عشان فلوسه اللي حطها با الاسهم وراحت عليه بس انا ايش ذنبي ينقص علي في كل شي فلوسه حاطها في الاسهم من السنه اللي طافت قبل طيحتها الاوله بس لو بتاثر كان من زمان تغير لكن هو ما تغير علي وصار ينقص الا ن 7 شهور واول ينبسط با الحركات اللي اسويها لكن ما يرد لي شي في المقابل المهم شلون افهمه اني احب هاذي الاشياء وابغاه يسويها من غير ما اقول.......

اختي ....

انصحك نصحية أخ .... وما عليك من باقي الردود.
1. استمري في اهتمامك بنفسك ولا تشعرين زوجك بأنه مقصر معاك في شي. خاصة موضوع العلاقة لأنه حساس شوي لأنه ممكن عنده سبب مؤثر على نفسيته والنفسية في هذا الموضوع مهمة جداً جداً.
2. خذيها قاعدة اذا شفتي من زوجك شي مو زين تذكري اشياءه الزينة مثل طيبته تدينه رجولته فمهما كان زوجك حسب كلامك متدين وظيفته زينه ومعاملته معاك يبدو انها زينة.يعني لا تكبرين المشكلة مصيرها بتنحل.
3. انتي قلتي بأخذ اطفالي واروح بيت اهلي ... اختي خليك عاقلة اطفالك ايش ذنبهم يعيشون بعيدين عن والدهم ... يعني لازم تصبرين وتضحين شوي ذولا أولادك ما يهونون عليك.
4. اوصيك بزوجك خيراً وتذكري مكانته التي وهبها له الله .... يقول الشاعر " لا تعجل بلومك صاحباً لعل له عذر وانت تلوم"

والله يسعدك ويحفظك ويصلح لك الامور...

اخوك