|
ساعدوني شاب يلاحقني ويحاصرني
السلام عليكم ورحمة الله وبركاته ..
اشكركم صراححه على هالموقع المتميز واتمنى تساعدوني في حل مشكلتي يمكن تكون سهله بالنسبه لكم بس ابيكم تساعدوني ماااطول عليكم ومشكلتي هي ... ادري اني غلطت لما اعطيته رقمي وكلمته وياليت اكتفيت برقمي لابعد رقم البيت الثابت بعد من زود الثقه وياليت ماتلوموني على هالشي لاني تبت الحين وربي اني ندماانه على هالشي انا اعطيته رقمي قبل سنه تقريبا وبعدين قطعت لاني طفشت من هالطريق اللي انا امشي فيه ونويت اغير حياتي المهم هو ماسكت وبعد ماطفش وهو يدق على جوالي وانا حاقرته دق ع البيت وططلبني بالاسم بس غير صوته لبنت واحمد ربي ان اختي هي اللي ردت ومامشيت عليها السالفه .. المهم كلمته وقعد يسب ويلعن ويقول كلام ماله دااعي ... ويهدد بعد ... المهم بعدين قطططططع والحين رجع يتصل ع الثابت لاني غيرت رقمي ويتاسف وانه ماكان قصده وانه يحبني ويمووت فيني بس انا ماتمشي علي هالحركاات المهم انا خايفه الحين انه يتصل وامي او واحد من اخواني يرد وربي اروووح فيها مرررره خاااااااايفه منه انسااان نذل وماعنده ضمييييييير والمشكله العظمى انه يعرررف عنواااان البييييييييت وربي قلقااانه حييييل قاااعده ادعععي عليه لليل ونهار الله لايوفقه ياااارب ويشغله في نفسه .. المهم ابي طريقه الحين شلون اوقفه عند حده ولاتقولون لي لازم رجااال يوقف معااك لانها صعبه صراااحه وربي لانذبح ومافي احد متفهم عندنا .... والله يعطيكم العااافيه ...!!! تم تعديل العنوان ليتناسب مع المضمون ../ الاشراف .. |
ياربي وش هالبلشة اللي حطيتي روحج فيها
انتي طلعتي معاه ولا بس مكالمات لايكون عطيته تفصيل كامل عن حياتج ومنو انت وبنت منو بصراحة الحكاية كلها غلط وليه عطيته رقم الثابت وانتي عارفة انو بعملتك هذي راح تقوم الدنيا ولاتقعد وهو ليه عامل هالحوسة كلها ايش يبي وايش هو اللي ماسكو عليكي اذا مافي شي يدينك معاه من مكالمات ورسايل وطلعات وفوتات لا تخافين بعدين حاولي انتي اللي تهددينو مش هو اللي يهددك يعني بيني الو انك قوية ووراك ناس ومش خايفة منو بصراحة ماعرف ايش الحل اللي يطلعك من هالمصيبة الله يهديكي ويهديه وان شاء الله يبعد عنك ولايقرب منك |
هو مومااااااسك علي شي بس يعرررف اسمي واسم العايله والعنوااان بعد والعماره اللي انا ساكنه فيها كلهم قراايبي ..
انا خاااايفه يجي الى العماااره ويسوي شي ولا يكتب ع الجداار وربي يسوونها .. الله لايوفقه حسبي الله عللللللليه كانه مو راضي يخليني اتنى بحيااااتي مو راااضي يفهم انه نا خلااااص ماابي هالطرررررريق.. ياقلبي انا مبينه له اني قويه وقلتله اعلى مافخيلك اركبه بس وربي خااااايفه من اليووم اللي اتعلق فيه على باااب العمااره ويخلوني عبره لمن لايعتبر .... |
لا اله الا الله والله يااختي انها بلشه وانا حااسع فيكي كثير ربي يكون بعونك
شوفي ان شالله مااااااااااااايرجع يتصل بس اذا صار واتصل قولي له وانتي وانتي واااثقه من نفسك وقويه انو خلاص انتي تبتي وهذا الشي غلط وقولي له هل ترضى احد يسوي لاختك كذا او اي بنت من اهلك قولي له انا اعترف اني غلطت بس تبت وكل انسان يغلط هذا مو عيب في بني ادم بس العيب اللي يستمر على الخطا ولا يصححه قولي له انت وش تبي بالضبط وش اخرتها معك؟ اعرفي هو وش يبي قولي له الله يستر علينا كلنا خلاص روح واذكر ربك وانساني ولا تنسى ان في خالق سبحانه وتعالى ويشوفك وش جالس تسوي فيني |
مو مصدق انه انا تبت يقولل اكيد اك عرفتي واحد ثاني ومن هالكلاام .. كل اللي قادره اسويه الحين اني افصل التلفون .. بس ماراح اقدر افصله على طووول ...
وربي كل مااطلع اخااف انه ينتظر برره صرت اخااف وانا طالعه وانا راجعه اتلفت عشان اتاكد انه مو في وربي مسويلي قلق مررره .. انا كنت عاارفه رقم بيتهم واول ماصارت المشكله يعني قبل سنهه كلمت اخته وتفهمت الموضوع وكانت تبي تساعدني بس ماقدرت والمشكله انها اكبر منه يعني تقدر تمنعه بس المشكله الحيين اني نسيت رقمهم كنت نااويه اكلم امه ولا احد كبير عندهم بس وربي قهررر نسيت الرقم .. |
لا تعطينه وجه وصدقيني بيمل ويخليك
اهم شي لا تضعفين وترى مو معناته انه يعرف اسمك ورقم بيتكم انه خلاص ماسك عليك شي !!! ولو افترضنا انه سوا هالشي ودق وقال اسمك تقدرين تقولين جاب الرقم من احد الطالبات عندنا او من الدليل او او او او مادري من وين جاب الرقم وشوفي اذا انتي صادقه بتوبتك ربي بسهلها لك وبيصرفه عنك |
الله يفرج همك ويستر عليك يارب0
واكثري الدعاء واذا كلمك مرة ثانية قولي له ان اهلي عرفوا علشان يخاف0 |
السلام عليكم
أختي بكل بساطة ..إن اتصل مرة أخرى بك ..هدديه بأنك ستبلغين الشرطة و أنه لا يملك أي شئ ضدك يمكنه فقط من سؤال سكان المنطقة بأن يعرف اسمك و عنوانك أو حتى أهلك هي ليست زلة..و أوضحي له أنك تغيرت و إن لم يفهم و بدأ بالتهديد و الضغط عليك اذهبي للوالدة و أخبريها بأن نية إعطائك رقم المنزل لهذا الرجل هي فهمك للموضوع بأنه سيقوم بخطبتك و أنه فقط استغل هذه النقطة ليضغط عليك للخروج معهو و ارتكاب الحرام أوضحي أنك كنت مخطئة لأمك .... و حاولي أن تحتفظي بباقي التفاصيل لنفسك بما أنك تبت ، لا تفضحي نفسك و ثانيا أختي توبي لله توبة نصوحة و أسئليه بأن يبعدك عن هذا الطريق و يكفيك شره أسعد الله يومك |
عليك بالدعاء اختي والله اذا انتي صادقة بتوبتك ربي مااايخيبب ظنك فيه
والله يفرج همك طنشي واتكلي على الله |
الاخوة ما قصروا و الحمد لله و زيادة على تحذيرهم بارك الله فيك و فيهم اقول مرة اخرى احذري ثم احذري ثم احذري ان تضعفي له أو تفكري أو تحلمي او تتوقعي بأن الخروج معه قد يحل المشكلة ...
حافظي على نفسك و سيفرجها الله تعالى لك ... فكوني قوية بايمانك .. و لا يهزك باستفزازاته و جنونه !! |
| الساعة الآن 04:54 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©