|
ابني و الكذب... ما الحل
طفلي شديد الكذب وش اسوي من شدة كذبة يصيح ويحلف لين اصدقة طفشني صار يحطني في مواقف حرجة مع ابوه والناس مااعرف حقيقته من كذبة يوم اللي يتكلم وعمره هالحين ماشاءالله 10 سنوات هل هذي حالة نفسية لانه ماكان كذا طيب المشاكل العائلية لها دور لاني انا وابوه دايم نتهاوش قدامه وابوه اذ زعل مني اخذه عنده وتركني واذا جا يقول امي نفسي انام عندك بس اخاف من ابوي ويقعد تحت فراشة يبكي فهموني ايش اسوي تعبانة نفسيتي
تم تعديل العنوان ليناسب المضون،،،،، ام اثير |
الطفل ليس مريض نفسيا ولكن يعيش في أجواء تؤثر في سلوكياته ..أولا عالجي اسلوبك مع زوجك وتعاملك معه مهما كانت المشاكل فلا تستعرضون نزاعاتكم امام الابناء ..كوني حكيمة أكثر من زوجك وامسكي اعصابك لحين دخولك الغرفة وعلاجك المشكلة ..هذا يحتاج منك صبر وقوة تحمل وسعة صدر..أنقذي حياتك مع زوجك حتى تهنأين بسلوكيات طيبة من أبناءك..فمعدن الام أو الاب أو كلاهما معا له تأثير للأبناء والنزاع أمام الابناء يكسب الاببناء سلوكيات سيئة كهروب من الواقع المر....الامر بيدك الى جانب زوجك وان جائت المبادرة منك أولا قبل زوجك في اصلاح الامر فإنك تكسبين ود زوجك وأبنائك...كوني متسامحة مع زوجك حتى لو زعل منك فحاولي ارضائه حتى لو كان هو الغلطان بهذا تكسبين زوجك وابنائك معا..ليس أجمل شي في الحياة والعشرة الزوجية من حسن الخلق..لماذا نخالق الناس بالاخلاق الطيبة وننسى الاهل وهم أولى بهذا ...سامحيني قد أكون قاسية في عباراتي ولكن لتتداركي الامر بعقلك وحكمتك..
|
ماعرفت افيدك اختي بصراحة شغلتي بالي ولا املك لكي الا الدعااء
لان لي اخت لها نفس قصتك وابنها بعد 10 سنوات ويكذب كثير ويختلق حكايات من عنده وبعد يسبب لها مشاكل مع زوجها و لما يكونو متخاصمين يروح مع ابوه وياكلون برا ويرجعون ساكتين ماياكلون من طبخها يخلونها وحدها ..الحمد لله رزقها الله ببنت صارت تشغل نفسها بها وامي تقول لها اعتني ببنتك وخليه هو وابنه براحتهم الله يهديهم |
الطفل الي يكذب بيحاول يثير الاهتمام حوله لذلك بيحاول إختلاق العديد من
القصص أو في أحيان أخري إختلاق المشاكل المشكلة مو بولدك المشكلة في الجو الي يعيش به الله يصلحه لك |
أختى كيف هو حالك مع الله؟؟؟
حاولى معه بالتوعية الدينية وخوفيه من عقاب الله وان هذا ليس سلوك المؤمن ولاتتهاونى معه فى هذا الامر فمن شب على شىء شاب عليه اختى ادعى له كثيرا وأحضريه بعض الندوات الدينية الخاصة بالاطفال ولامانع ان تحضرى له اخصائية نفسية اذا لزوم الامر تكون تقية وملتزمة |
فعلا من الواضح أن السبب هو المشاكل العائلية
بس يا أختي الموضوع مو كذب وبس اذا طفلك بهالنفسية ترى ستقع منه مشاكل أكبر... لانه يكبر ويفهم اكثر ويحتاج الى أمور اكثر ووو !! أختي حاولي تغيير طريقة في معالجة مشكلات زوجك.. كلام الأخت جدا رائع وفعلا تحملي شوي من أجل مستقبلك وطفلك.. الأمر الثاني حاولي تشعرين الطفل ان المشاكل اللي بينك وبين ابوه عادية وليش يكبرها ويحط راسه تحت الفراش ويقعد يبكي!!! بصراحة موقف جدا صعب! انتي حاولي خصوصا وقت النوم لأن تأثيره كبير عل الطفل ان لوضع يكون عادي.. مثلا نومي عند احكي له حكايات مفيدة وفري له أشرطة فيديو ... كاسيت فيها قصص وأشياء تشغل وقته فما يحس بهالمشاكل.. الله يعينك... |
المشكله موفي الولد المشكله فيك أنتي وزوجك هومسكين يحاول يلفت الأنتباه حتى لوكان بسلوك خاطئ اذا ماقدرتي تقنعي زوجك انه مايوضح مشاكلكم امام الولد الدور بيكون عليك والمسؤليه بتكون اكبر أنك تتمالكي اعصابك في لحضة غضبك اوغضب الأب الين تكونولوحدكم’’’ مشكلة ولدك نفسيه بحته أهتمي بزوجك في وجودالولد وحسسيه بالأمان وظروري تعيشين زوجك في المشكله في لحظة صفاء قوليله أنك خايفه عالولد وانه ماعاد صغير بكره تكون هالعاده ملازمه له أنتي عارفه انو سن المراهقه يبتدي من عمر 9سنوات الرسول صلى الله عليه وسلم يقول<لايزال الرجل يكذب حتى يكتب عند الله كذابا ولايزال يصدق حتى يكتب عند الله صديقا>أوفي مامعنى الحديث أهم شي ياعزيزتي لاتستهينين بالموضوع وعليك بالدعاء في كل وقت وفيه شي مهم بعد أجلسي مع ولدك بأنفراد وفهميه بدون ماتلومينه أن الكذب حرام والناس ماعاد يحبونك ولايصدقونك وحاولي تعززينه اذا قال الصدق ,,وآخر نقطه أنتبهي انتي وابوه انكم تكذبون عليه ولو كذبه بيضاء عشان تكونو قدوه له ,,,آسفه اني طولت عليك بس انا دارسه هذا الموضوع بالجامعه وحبيت اني اوضح لك والله يبعد المشاكل عن بيتكم
|
شجعيه اذا صدق ولاتتفاعلي اذا كذب لان الصغار يحبوا العناد
|
| الساعة الآن 01:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©