صديق زوجي وزوجته ...
 

السلام عليكم

بصراحة مدري منين ابدا ......

زوجي ما شاء الله عليه شخصيته قوية .... هو اللي ممشي اهلة كلهم طبعا لانهم يثقون برايه محبوب من اصدقائه و لسانه حلو مع الناس ................

عندة صديق مررررررررررره طيب و حبيب خطب مرتين و لا توفق و الثالثة توفق فيها ... و بما انه صديق العمر لزوجي طلب مني اتعرف على زوجتة و بالفعل تعرفت عليها حليلة و سوالفها تونس بس.... بس .... بس ... يا ويلة اللي يخالفها الراي :( ......... زرتها انا ببيتها لانها لا تزال عروس هالكلام من 3 سنوات و اخذت لها هدية و كانت امورنا زي العسل لحد ما سافرنا سو بالصيف و لاحظت عليها ملاحظات ما عجبتني اخلاقيا بس سكت قلت ما فية انسان كامل لحد ما مرة قالت على لساني كلام انا ما قلته عشان تقنع زوجها يوديها مشوار و قعدت تبكي و تحلف لزوجها انها قالت لحد ما صدقها زوجها و شبة صدقها زوجي لاني مو شاطرة بالتمثيل و البكا زيها .............

المهم بلعت الحرة و سكت قلت لين نرجع بلدنا بسلام و بعدها بيومين تهاوشت مع زوجها و قالت لي بوجهي كلة من عينك انت حاسدتنا على الحب اللي بينا ...............:( :(

تخيلو انا متى امدى اعرفها واعرف شكثر يحبها زوجها ............المهم من الصدمة ما عرفت ارد الا اني اقوم و اتحجج ان ولدي يبكي مابي اقعد بالمطعم و رحت الفندق و انا ابكي لان زوجي فكرني اني نكده ابي اخرب القعدة وبس .................. بعدين قلت له كذا و كذا صار بس لا تقول لصديقك لا تخرب علية اول سفره لة مع زوجتة ...............ولما رجعنا انقطعت عنها و هي ما فكرت تدق تعتذر و لما سأل صديق زوجي قاله ليش هالقطعة احنا متفقين نصير عيلة وحدة انجر زوجي و قالة .............

راح الرجال زي المجنون لانه شايف ان زوجتة سودت وجهه عندنا ............... و اليكم الكارثة ...:29: :29:
انكرت تمام اللي صار و قعدت تبكي و تدعي علي بصوت عالي و تسوي حالها انها دايخ و بيغمى عليها ....و طبعا صدقوها و طلعت انا الغلطانة ............. بعدها بكم يوم ارسلت لي مسج فية سوء فهم ابي اوضحة وودي اقابلك بكوفي شوب و بالفعل رحت و دار بينا حديث طويل عريض عن الازياء و المكياج ولا جابت لي سيرة الموضوع ............... و بعدين قالت لي بلة باي .... انا مره انغضت و قلت لها ما في سوء فهم جايبتني علشانه .... ببساطة قالت لي ( كانت حركات مبزرة وانا غلطانة انت عزيزة ولا ابي لخسرك )

بعدها بكم يوم ارسلت لي مسج سب ز كلام جامد و مع الاسف جوالي كان بس استقبال و كنت انتظر يجي زوجي بفارغ الصبر عشان ارد عليها و تخيلو قالت لي انا ندمانة على اني دخلتك بيتي ............. طبعا هذا ولا شي قالت لي منافقة و كذابة و ام وجهيين مدري ليش انا شسويت و مين اللي يستحق هالكلام ................... اهااهاهاهاه مرة قلبي محروق انا اللي الناس تتمنى ازورهم و صديقاتي بالكلية يتمنون رضاي تجي وحدة ما لي معاها الا فترة قصيرة تقول لي كذا ...............

و لما رديت عليها و طلعت حرة قلبي طلبت مني انها تزورني ببيتي طبعا ما اقدر اقولها إلا ( حياك الله ) ................ و بالفعل جت و سهرت عندي لنص الليل ضحك و سوالف كنها مرة صديقتي حسيتها كنها مريضة نفسيا ..............


بعد كل هالسالفة .... مو هنا المشكلة هالمرة مو اكبر همي .... المشكلة زوجي متعلق بصديقة لدرجة انه لما اشكيلة من زوجت صديقة رغم كل اللي صار يلاقي لها اعذار و انا اللي دايما شريرة و قلبي اسود ولا اسامح ........................:11:
و الحين لما اكتشف انها قاعدة تحاول تاخذ صديقة منه و تفرق بينهم عرف لحركاتها و قال ان كيدها عظيم و انها شريرة و محتالة ...... تدرون بعد 3 سنوات من السالفة يقول لي انا شلون رضيت لها تقولك كذا و انا شلون حاولت اني اصلح بينكم .............. عرف بس بعد ايش .... و الحين دايما سرحان و يحاتي علاقتة بصديقة لانهم وانا اشهد اكثر من اخوان الله يخليهم لبعض :17: .......... شايل الدنيا فوق راسة و دايما حزين ما يفرح اللا بجيت صديقة ...........

انا ايش ذنبي ................ وكيف اتصرف .............. ما ابي هالحرمة ولا ابي زوجي يفارق صديقة ...

اختي والله اني حسيت فيك انا صارت لي زي هالمشكله

بس كان صديقه اخلاقه سيئه وربي كشفه على حقيقته

انت حبيبتي مالك دخل فيها لاتشوفينها ولا تكلميها

وقولي لزوجك لايجيب سيرتك عند خويه

وبكذا راح تنقطع اخبارك عنها

والله بكذا ترتاحين

تكونين زي مايقولون قطعتي العرق وسيحتي الدم وارتحتي

السلام عليكم

اشكركم اولا على التفاعل معي ........

و ردا على السؤال : انا اصل علاقتي فيها حلم زوجي و صديقة اننا نكون عيلة وحدة لان ما شاء الله ما تتخيلون شلون مع بعض من الميلد لان امهاتهم صديقات ....................

على العموم من حر ما بقلبي على تغير زوجي حبيت افضفض بس الله المستعان السالفة يبي لها صبر ثم صير مع الدعاء الله بيفرجها لي و لا راح يردني لان ثقتي بربي كبيررررررررررررة

أنا مع أختي White Chocolate، إنت في حالك و هي في حالها

و إذا حبت تعيد الوصال ما بينكم اتحججي بأولادك و مشاغلك أو إنك طالعة برة في اليوم اللي بتحدده ،، و خلي علاقتك معاها محدودة

و أهم شئ وضحي لزوجك إنك مش متدايقه منها و إنك كبرت دماغك من اللي عملته ،، لأن ممكن زوجك يكون بيفكر إن علاقته مع صديقه مدايقاك بسبب زوجة صديقه .. خففي عليه و وضحيله إنه أبداً مش في أي شئ جواك بالنسبه لصديقه و لا لزوجته و بهدوء قوليله لكن خليني بعيد عن زوجته أفضل

و ربنا يديم لكم الفرح و الهنا إن شاء الله

حاولى تتجنبينها قد الامكان لان واضح انها مزاجية وما تدرين وش تقول عنك لزوجها

وزوجك اذا متعلق بزوجها علاقتهم تكون رجال وبس بدون هالمشاكل كلها ..

باب يجيك منه الريح سده واستريح ..