|
الغيرة بين الاخوات
مشكلتي مع اخواتي اللي يغارون مني انا متزوجه من رجل متزوج في بداية زواجي سمعت منهن كلام يغث يقولون لنتي مؤقته والحب الاول والاخير لزوجته الاولى وانتي لاتغارين انتي خذيتيه من زوجته طبعا مافيه وحده منهم زوجة ثانيه مثلي المهم دايما لما يتكلمون عن وحدة زوجها تزوج عليها تلقاهم يسبون بالثانيه وهم مايعرفونها وغير كذا زوجي احسن واحد في ازواجهم محترم ويعاملني انا واهلي بكل احترام غير عن ازواجهم اللي بينهم وبين اهلي حزازيات ودايما امي وابوي يعاملون زوجي غير ويستقبلونه بحفاوه
احنا نجتمع انا واخواتي نهاية الاسبوع في بيت الوالد وعيالهم جن على هجن:23: وعيالي في قمة الادب والله ماقول كذا علشانهم عيالي لا لا كل الاقارب يمدحون في تربيتهم ويحبونهم المهم يقولون عيالك قليلين ادب وعيالك فيهم وفيهم وانا عيالي مربيتهم على احترام الصغير قبل الكبير وماياخذون شيء بدون اذن حتى لو جانا ضيوف يحيونهم من عند الباب قبلي وقدمون للضيوف فواكه وماء بدون مااقولهم مع العلم انهم صغار اقل من ست سنوات الله يحفظهم وغير كذا اقصد اخواتي يعايبون في طبخي وشغلي مع اني اتفوق عليهم وعذرهم يقولون انتي مااخترعتي الطبخات الله يخلي كتب الطبخ ويعايبون في لبسي ويقولون ليه تشترين ماركات بذيك القيمه الناس بيعرونك علشان يقرأون الماركة اللي بظهرك والله تعبت نفسيتي منهم ومليت من بيت اهلي بسببهم والمشكله كل ماارجع من بيت اهلي اتخاصم انا وزوجي لأن نفسيتي تكون تعبانه منهم حتى ولدي صرت اخليه يروح مع ابوه عند اخوانه في يوم جمعتنا بس علشان ارتاح من كلامهم شوي والله لواتكلم من هنا لين بكره بتعب وانا كل مره اقول ماني مجتمعه معهم بس مايجي اخر الاسبوع الا اشتاق لهم واحن |
أختي ضوء القمر قرأت موضوعك وأرى أن التزامك بالصمت والسكوت يزيدهم غيرة والحسد، لا تقلقي وواصلي اجتماعاتك مع الأهل ولكن يلزم عليك الرد عليهم في الحالات القصوى ولكن بكل برود وهدؤ، لا تبيني لديهم قلقك وتوترك حتى لا يلعبوا بأعصابك، وفي الوقت نفسه حاولي أن تكسبي ود ومحبة أخواتك بالكلام الحلو الطيب والمعاملة الجيدة التي تكسر غرورهم وكبرياءهم، أعانك الله وساعدك في مشكلتك، وثقي بنفسكي وأعلمي أنكي أنتي الأفضل والأحسن، تحيااااتي
|
لاتصيرين حساسه..
يمكن يقولونها من باب المزح. صح أنه مزح ثقيل بس ماأتقد أنها طالعه من قلوبهم !!أو من باب الغيره لإستقرارك مع زوجك.. طنشي وروحي عادي وإذا فتحوا الموضوع ابتسمي واسكتي وراح يملون في النهاية.. |
|
اشكركن على المرور
|
اختي الفاضلة...
حاولي دائما تمدحينهم............ لان واضح جدا انهم يشعرون انك افضل منهم......في كل شئ زوجك ..عيالك...طبخك...لبسك.....اللهم بارك لها المهم عشان تبعدين الغيرة هذي في طريقة جدا رائعة قريتهافي منتدى طبي وطبقتها انا.. هي انك تمدحينهم وتمدحين عيالهم والله ياحلو لبسك يافلانه.. وياحلو طبخك يافلانه...وامدحي في عيالهم...لانهم اكيد حاسين انك انتي عندك كل شئ حلو ومانتي حاسة ان عندهم اي شئ حلو بالعكس حسسيهم ان عندهم اشياء كثيرة عاجبتك وتغبطينهم عليها..وبيبدون يبادلونك نفس الشئ المهم يكون مدحك منطقي... عطيهم من الكلام الحلو...وجربي وقولي لي... وانشاء الله بتشوفين تغير كبييييييييييييييييير... الله يوفقك |
حصني نفسك منهم ممكن يحسدونك انت وزوجك حصني زوجك بعد
اذا اردت ان تعيش فتعلم فن التطنيش في امان الله |
أختي العزيزه لا تأخذي الأمور بهذه الحساسيه كلام عادي ليس غيرة أخواتك أقرب الناس اليك كيف يحسدونك أحسني الظن بهم وحاةلي أن تقتربي منهم أكثر
|
شكرا عزيزاتي على المرور
الاخت نسمة انا لست حساسه واحسنت الظن فيما مضى ولكن لاحظت الامر بدى يتكرر في كل زيارة مو معقول تكون عفويه في كل مره واخواتي انا اقرب الناس لي مثل ماقلتي وهذا مايمنع ان الاخوات يحسدون بعض لانهم يعرفون ايش عندي اكثر من غيرهم وشكرا على مرورك |
| الساعة الآن 02:15 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©