أختي نصيحه هالاسئلة تطفش الازواج .. لانهم ياخذونها من باب الشك أو أنك تراقبينهم أستخدمي أسلوب ثاني في السؤال صدقني بدون لا تحسسينه أنك مهتمه كثير بالموضوع والله أقولك هالشي عن تجربه ..

يعني غيري صيغة السؤال من اسلوب لقافه على قولتة لأهتمام وخوف ..

مثلا .. بدل ( مع منو طالع ) قولي : حبيبي لا يكون رايح بروحك ؟ << هنا هو بيجاوب بدون لا يحس

(( اهو طالع طوووول اليوم وكل ما اتصلت عليه عطاني مشغول
والله خفت عليه وقعدت احاتيه ويوم اتصل قالي انا مشغول الحين قلت له مع منو؟؟ ))

لا تقولين له مع منو أستخدمي أسلوب ثاني ..

اذا أتصلتي وشفتيه ما يعطيك وجه وكأن معاه حد قوليله ( حبيبي لا يكون مشغول وازعجتك ؟) بيجاوب اذا مشغول ايه واذا لا بيكون لا ابد بس فلان معاي .. أو طالعين مع فلان ..
وأنتبهي يرجع البيت وتعيدين وتزيدين في السالفه يعني ولا كأن السالفه هامتنك بتلقينه هو يتكلم بكل شي .. بس جربي انتي هالطريقة وبتدعين لي ..

واذا تبغين تعرفين اذا حد معاه ممكن تقولين لا يكون حد معاك وأزعجتك ؟ << بيجاوب بالحقيقة صدقيني بيقول ايه معاي بوفلان أو لا محد معاي

بس أنتبهي لا تكثرين من الاسئله .. الرجال عندنا أكره ما عنده تكون زوجته مثل الرقيب عليه .. خلي اتصالك له دايماً تعبير بالحب والمشاعر وكأن أخر همك تعرفين وين هو أو من معه وصدقيني بتلقينه هو يتكلم بكل شي

وحاولي تبتعدين عن أسلوب توجيه السؤال بطريقة مباشره ..

والله يسعدكم