|
مشكلتي مع زوجي..؟؟
السلام عليكم
في البدايه صارلي 8 شهور متزوجه وانا حامل اول ماتزوجت كنت مبسوطه كان يسولف معاي نطلع كثير مع بعض كان طبيعي معاي بعد شهر ونص تبين اني حامل هو كان يبغاني احمل على طول والحمدلله حملت بس بعد كذا تغير معاي ماصار مرح زي اول صا يطلع كثير يهتم بدوامه واخوياه واهله اكثر من اي شئ ثاني كذب مره علي بسفره كانت شغل بعدين سافر مكان ثاني وماقالي عرفت انه مسافر رساله حصلتها في جواله بعد فتره خبرته اني ادري بس بطريقه عاديه لأني ابغى اتجنب المشاكل وانا في بدايه حياتي دايم يطلب مني اكون عند اهلي خاصه نهايه الأسبوع عشان يجلس مع اخوياه وصرت اتضايق ولا اقوله ماابغى اخليه يزعل طلب من اسبوعين انه يسافر مع اخوياه يومين ويرجع تغيير جو ورفضت طبعآ طلعاتي معه قلت او بمعنى ثاني انقطعت احسه ساعات انه يكرهني مع اني دايم احاول اني اتقرب منه بس هو يبعد تعبت من التفكير والدموع احتاج لحل للمشكله لأني والله تعبت... |
حبيبتي لا تزعلين ولا تكدرين خاطرك وانتي حامل وهالنفسيه موزينه عليك وتاثيرها خطيرر وانتي في هالوضع
باختصارر وضعك طبيعي مع زوجك معاليش السنه الاولى يتسرب الملل نوعا ما للحياه الزوجيه وتلقي الزوج يدور الطلعات والسهرات الي ابيك تكوني زوجه حكيمه حببيه في الجلوس معك والطلعات من دون ما تقولين يالله نطلع ويالله نروح و و و لا اخترعي له جلسه في البيت ورتبيها ومره كذا ومره كذا وتتعدل الامور وصدقيني يا غاليه بكره عقب ولادتك راح يتغير كل شي ويحس زوجك بالمسؤوليه ويقلل طلعاته من البيت والسفرات بس حالياا فتره ملل وتروح لحالهاا الله يسعدك يا قلبي وطمنينا عنك خيرر |
ابدا ما فيه مشكلة والحمد لله والحياة الزوجية تمر بمراحل وهذة احداها , 8 اشهر زواج ممكن ان نقول عنها لا شئ في عمر الحياة الزوجية المديد بعون الله تعالى وستتغير الامور للاحسن ان شاء الله تعالى
|
حبيبتي أهم شي تتأكدين منه أنه مافي خيانه مابي أخرعج....بس عشان تعرفين تتصرفين معاه صح بس لاتسوين ولاشي الحين .... عشان الحمل والولاده يبيلج راحه وقوه والله يعينج |
تفاهمي انتي وياه بالهداوه ويمكن مع الحمل انتي شوية مقصرة معاه
وهدا شي طبيعي ترى ادا قلتي له لاتروح يعاند ويروح لكن طنشيه واصبري بعدبن يحس ولايخرج كثير امي قالت لي هدا الكلام وعن تجربة وشكرا |
عزيزتي من المهم ان تعرفي طبيعه زوجك بعد زواجك وماذا وكيف كان يتحدث معك 0 هناك اصناف كثير من الرجال فمثلا بعض الرجال كثير الخروج من المنزل وكثير السفر مع زملائه وطلعات البر وغيرة وغيرة 0 طبعا هذا الرجل عندما تدخل في حياته زوجه يكون في قمه سعادته في بدايه زواجه ولا يكاد يفارق زوجته ويهتم لها ويتمنى ان تحمل من اول يوم له زواج لاثبات رجولته اما زملائه واقاربه 0 هذا النوع من الر جال يحتاج الى وقت ومصابرة الى ترويضه قد تستمر الى ما بعد الولادة واحيانا الى 3 سنوات قادمه لان حياة العزوبيه التي مر بها كانت بمثابه اجمل ايام عمره فهو يحاول ان لا يتخلى عنها ويعتقد انك سوف تحدين من تصرفاته وطلعاته فهو ينظر اليك وكأنك هم على قلبه في الوقت الحالي 00 عزيزتي ان ما تشعرين به هو مجرد احساس ليس له صله با الواقع اصبري قليلا وحاولي ان تهتمي بشؤونه وتخبريه انك لست متظايقه من تلك الطلعات واطلبي من ان يخصص يوما واحد للخروج معك من كل اسبوع لا تعصبين عليه نهائيا ولا تحاولي الاكثار من المشاكل لان زوجك يحبك ولكن لم يتعود او لم يأخذ على الاستقرار في البيت والسكون بجانب الزوجه فهو يحتاج الى صبر حتى يبدا يفكر هو من نفسه وبدون اجبار من احد في منزله وتكل الزوجه التي تنتظرة صدقيني انا فهمت تلك التصرفات من زوجك من خلال ما طرحتيه زوجك يحتاج الى وقت وثقي ثقه تامه انك لو احسنت التصرف معه فسترين منه كل خير لانه سيتبين له معدنك الطيب ويحافظ عليه تحياتي لك طيرالبر |
طير البر
كلامك سليم 100% الرجل لسة ما تعود على المسؤولية الجديدة ...يبغي له شوية وقت طولي بالك ولا تنكدي على نفسك وعلى زوجك اختك فافي |
| الساعة الآن 10:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©