|
الناس تعبوني احتاجكم بعد الله
السلام عليكم
غبت فتره طويله،لكن لم يتغير الحال قبل اي شي والله فيني تردد اني اكتب اخاف احد يجرحني او يقول هذي يائسه من رحمة الله اللهم لك الحمد على كل شي بس والله بقلبي الم كم يوم من همومي مو راضي يروح عني بعد الله الجأ لكم كلي حيره ببساطه اللي اقراه واسمعه غير عن اللي اشوفه صبرت وصديت ناس كثيرين بحياتي كل من قال لي لا تكلمين فلان وعلان في النهايه اللي نصحوني طبقو العكس وتزوجو وبقيت انا وحيده مع الامي ومع شماته اعدائي ناس كثيرين يقولون لي اللي بسنك تزوجو واللي يقولي كم واحد تقدم لك والله ما اعرف شلون ارد اخاف اقول الحقيقه يشمتون فيني اكثر تخيلو وصله وقاحه البعض بانهم يقترحون علي بان اسجل بمواقع الزوج لجأت للخطابه ،ما لقيت الا واحد يكبرني ب14 سنه وشروطه مو متوافره فيني في وحده اعرفها كانت كل تقولي ما عليج من اللي يسون علاقات ولو شريفه،آخرتها طلعت تزوجت بعد ما تكلمت مع زوجها قبل الزواج لمده سنتين والغريب لي حين تقولي لا تعطين احد وجه حتى لو قصده شريف والله العظيم في وحده تقولي الولاده تخوف وتخرعني من الزواج ولما اقولها ادعي لها تسكت ليش هالحقد والغيره قولو عني اللي تبغون لكن الله ينتقم من كل متزوجه كانت سبب في تعاسه بنت تحلم بالزواج اللي اعرفهم من المتزوجات،ما عندهم شغله الا يتصلون فيني بين فتره وفتره ويقولون لي انتي لي حين في بيت ابوك يا ناس شاسوي بروحي،اذبح روحي ما حد يتقدم لي، ولو انخرطت بالمناسبات والأعراس ،البنات يشوهون صورتي بنظر الخطاب بسبب الغيره انا تعبانه وايد وقلبي يعورني ،كليت بندول ما في فايده صدق احتاج لدعواتكم ومواستكم ونصيحتكم |
http://www.up07.com/upload-45/wh_24443899.gif
حبيبتي تدري ان الله اذا احب عبد ابتلاه .. ادري انه حلم بالنسبه لك انك تتزوجي وهذا من حقك .. بس تدعي ان الله ينتقم من غيرك !! حبيبتي تدري لو ماكانو يستحقو الدعوة بترد عليك .. كل شخص عايش بهمه انتي ما اتزوجتي وكثير مثلك ومتزوجات يعانو من ازواجهم .. ومطلقات وارامل والامثله كثير بالمنتدى مافي شخص لقى السعاده الكامله .. ليش ؟ الرضى والقناعه حبيبتي اساس كل شيء وأساس السعاده .. واللى ربك كتبه عليك بيصير .. ايش دراك يمكن تعملي علاقة وبالاخير لا يتزوجك ولا شيء ممكن يضحك عليك .. ماتدري ربك وين وضع لك الخير .. ولا تقنطو من رحمة الله .. لازمي الاستغفار .. وادعي .. اللهم إني أعوذ بك من الهم والحزن وأعوذ بك من العجز والكسل وأعوذ بك من الجبن والبخل وأعوذ بك من غلبة الدين وقهر الرجال .. من قالها صباح ومساء أذهب الله همه وقضى دينه .. وقولي حسبي الله الذي لا إله الا هو عليه توكلت وهو رب العرش العظيم 7 مرات .. من قالها صباح ومساء كفاه الله ما اهمه دنيا وآخره .. اللهم فارج الهم كاشف الغم رحمان الدنيا والآخره ورحيمهما أنت ترحمني فأرحمني رحمة تغنيني عمن سواك .. أسأل الله بأسمه الاعظم الذي اذا دعي به اجاب واذا سئل به اعطى .. انه ماتمر هذي السنه الا واسمع خبر زواج كل بنات المنتدى وانتي على رأسهم انه على كل شيء قدير .. http://www.up07.com/upload-45/wh_24443899.gif |
اختي اشكر لج ردج
وجزاكي ربي خير ع الدعوه وتمنى تدعي لي بظهر الغيب اختي انا ادعي عليهم وانا واثقه انهم اتعبوني اختي تخلي انكي غي رمتزوجه وتجي وحده وكل شهر تتصل فيكي بس عشان تشمت وتسمعك كلام مثل السم ناس حقوده بدل لاتدعي لي او علىالأقل تسكت تزيد همومي هم |
"لو اطلعتم على الغيب لأخترتم الواقع "
أختي إحتمال تكوني حساسه زيادة عن اللزوم .. عموما اعملي طناش و " دروب " سريع لأي نقد ولا تهتمي أصلا بكلام أحد .. لأن الأقدار بيد الله .. وكل شئ قسمة ونصيب .. قوي إيمانك بالله .. وأرضي بالواقع .. صدقيني محد يأخذ أكثر من رزقه .. ثانيا لو كنت في مكانك كل ما اسمع تعليق بايخ اضحك بصوووووت عالي ... قولي لهم بالعكس انا مرررررتاحه وسعيدة ومبسووووطه كذا ... راح يتفاجئوا بردة فعلك لأنها جاءت عكس ما اتوقعوا منك .. الموقف صعب لكن راح يكون من صالحك أقلها تتجنبي كلامهم الجارح .. الله يرزقك بزوج صالح تقي يعينك على أمور الدنيا والآخرة |
`انا لله وانا اليه راجعون
مافيه احد مرتاح بهالدنيا لا تسمعين كلام احدهالوقت لان النفوس تغيرت والشي اللي تشوفين انه صح ومايغضب الله سويه وارضي بالقدر |
كبري عقلك فلن يصيبك الا ما كتبه الله لك.
افضل نصيحة لك ان لا تهتمي بكلامهم وكل مايقولنه لك لا تتأثري به بل ابتسمي بوجههم وقولي لهم هل تعترضون على حكم الله عزوجل. واحسن شيئ بتسوينه هو الدعاء لله تعالى ان تتيسر أمورك وان تسامحي من يتكلم عنك او يغيظك حتى تكسب حسناتهم. ادعو الله وهو القادر على كل شيئ ان يرسل لك ابن الحلال الذي يسعدك في دينك ودنيتك . |
كبري عقلك فلن يصيبك الا ما كتبه الله لك.
افضل نصيحة لك ان لا تهتمي بكلامهم وكل مايقولنه لك لا تتأثري به بل ابتسمي بوجههم بعدين قعدتج في البيت هاذا بيت ابووج ولا تزعلين روحج وهاذي كله قضاء الله وقدره اعرف ان الشيء يعور قلب رجال موبنت بعد لكن كلنا عارفين قضا الله وقدره شوفي ترا الزواج مو كل شي في الدنياا ولا تعورين قلبج اختي اذركري الله ووصلااتج وادعي في صلاة اليل وربي يستجيب ان شاء الله دعائج ولا تكدرين روحج سلاام |
اختي انتي في كربه ومحنه نسأل الله ان يفرجها عليك
اختي امامك طريقين لا ثالث لههما اما انك تصبري وترومي العلياء (الزواج او الجنه) على هذا الصبر واما ان تنزلقي مع من قال تجربين حظك بواسطة التلفونات "واعوذ بالله من هذي الطريقه" وفي الاختيار الاخير هو طريق الهاويه ستسعدين قليلا بالزواج وبعدها لن ترين توفيقا من الله لانك اخترتي طريقا شائكا سوف يطبع اثاره عليك مع تقدم الزمن اسأل الله ان يجنبك طريق الهاويه |
الله يرزقج بالزوج الي يعرف جيمتج ان شاء الله..ويريحج من كلام الناس
|
اختي العزيزة..اولاً ادعو الله ان يرزقك الزوج الصالح الذي يسعدك في حياتك
ثانيا : طنشي موضوع الزواج ولاتفكري فيه اشغلي نفسك باي شئ ثاني .. صدقيني انشالله راح تلاقين العريس يدق بابك في يوم ما كان على بالك ابدا ابدا ابدا ..فقط اتركي امرك لله ولا تهتمين لكلامهم .. واذا اتصلو فيك لا تردي عليهم ..او اطلبي منها انها لو تريد صداقتك لا تفتح معك مثل هذا الموضوع مرة اخرى ..وقولي لها بصريح العبارة ..ان هذا الامر بيد الله وليس بيدك انتي ..وانك مو مهتمه اذا تزوجتي او ما تزوجتي .. حاولي انك ما تجعلي من الزواج محور تفكيرك .. صدقيني كل انسان يلقى نصيبه ..اعرف كثيرات تاخرو في الزواج والحين هم متزوجين وعندهم عيال كانو صابرين والله كافئهم على صبرهم ... واحب اقولك شئ ان مو كل المتزوجين مرتاحين .. انا الان متزوجه تزوجت وعمري 26 سنه وعندي ولد وبنت .. بس تعرفيلما تزوجت تمنيت لو تاخرت كمان شوي على الزواج .. الزواج كله تعب ومسؤوليه ..مو مثل ما كنتي حرة طليقه ما في شئ يشغل بالك .. واخيرا احب ان اقول لك حكمه ضعيها نصب عينيك ان مع العسر تيسيرو ..وكل امرا له وقت وتدبيرو .. ضاقت فلما استحكمت حلقاتها فرجت وكنت اضنها لا تفرجو ادعو الله لك دعوة في سري وفي صلاة الفجر انشالله اليوم |
| الساعة الآن 07:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©