|
خطيبي ولسانه الطويل !!!
السلام عليكم جميعا ... انا ودي استشيركم في موضوع مضايقني مرررره .. خطيبي من اسبوع وهو مسكر جواله .. وانا قلقت عليه مره وكنت اتصل عليه كل نص ساعه على رقم الجوال عسى يكون فتحه لكن مافي فايده .. بعدها اضطريت اتصل على رقم مكتبه .. وبما انه كان دايما في فرع الشركه الثاني تركت له عدة رسايل عند السكرتير حقته .. المهم هو بعد خمسه ايام اتصل عليا في وقت متاخر بالليل .. وانا من كثر قلقي عليه عاتبته على تأخره في الاتصال .. عاد هو بدل مايطمني عليه قال لي ماني ناقصك الحين !!!!! وبعدها قال لي مع السلامه وسكر الخط !!!!! الحين لو كنتو مكاني تزعلوا من تصرفه هذا ولا لا ??? وكيف اتصرف معاه طيب ??? حتى لو كان عنده مشكله في شغله .. وشو ذنبي انا والجوال حقته عشان يطلّع حرته فينا !!!!! |
يا اختي هدي اعصابك
ممكن يكون خطيبك من النوع العصبي شوي... واللي يأثر شغله على حالته المزاجية بشكل كبير وهو ليس متعود على احد يتدخل في تفاصيل شغله ومشاكله يعني هو طلع حرته فيكي ... اصبري عليه وخلي كم يوم يهدي اعصابه لازم توقفي جنبه في مشاكله... ولا تزيديها عليه انا معك انو الموضوع يزعل بس انتي لسا ما شفتي شي من الحياة الزوجية... هنالك الكثير من التفاصيل لو دققتي فيها ... ستتعبين نفسك وتتعبين زوجك طنشي يعني تحياتي لكي |
حبيبتي..،،
هدي من نفسك ربما سبب غيابه مشكله في عمله ...وأظنها ذلك ولا يريد ان يزيد همك ويحملك هم شغله فغاب عنكِ هكذا أغلب الرجال لا يحبون مشاركة زوجاتهم في مشاكل عملهم لا تزيديها عليه حاولي تغيري جو وتنسيه همومه ومشاكله وتخففي عنه لا تعاتبيه الان فهو في ضيق وبااااين انه عنده مشكله خففي عنه وواسيه لا تعاتبيه حبيبتي بل انسيه همومه وفقكم الله وفرج همكم وجمعكم على محبته وطاعته ورزقكم من البنين والبنات ماتشاءون |
أختي الفاضلة ،،،
هدي أعصابك لأن واضح إن بعد خطيبك الفترة اللي فاتت ممكن يكون ناتج عن مشكلة في العمل ، خصوصاً إنه غاب فترة 5 أيام و كان قافل الموبيل بتاعه و لما كلمك كان بس عاوز يطمنك و انت من قلقك عاتبتيه و هو غصب عنه في الفترة دي كان محتاج إنك تسمعيه و تهديله أعصابه حاولي تقربي منه و تشوفي إيه اللي كان مدايقه و نصيحه مني ،،، إذا غاب عنك و قلقتي عليه لأي سبب من الأسباب أوعي أول ما تشوفيه تعاتبيه بطريقه هجوميه بالعكس كلميه ده أنا قلقت عليك ، الحمد لله إنك بخير و حاولي تكبحي جماح فضولك و قلقك .... ده أول درس اتعلمته من خطيبي بعد 4 أيام من خطوبتنا :d و ربنا يصلح لك الحال إن شاء الله و ما تشوفين فيه شر |
هلا بأختي مشاعر مرهفه
وش أخبارك؟ شوفي حبيبتي تبين ترتاحين انسي الموضوع أكيد كان متضايق ومو عارف يتصرف زين لحظتها يعني بليييييييز انسي اللي صار وإذا اتصل لاتعاتبيه وخليك كوووول معاه ولو اعتذر زين إذا مااعتذر قدّري ظروفه خذيها نصيحه من اختك...................... وفقك الله |
أهلين أختي .. طولي بالك عليه شوي .. وحاولي تتفهمي .. طبعه .. وأنشالله ربي يسعدكم .. أحترامي .. |
خواتي وحبايبي .. (ام عبدالله ) .. cute_baby.. Sun_of_me .. الأميره الهادئه .. اخوي االياااسر .. شكرا جزيلا على نصايحكم .. وجزاكم الله عني كل الخير .. راح اسوي بنصيحتكم واطنش تصرفه .. رغم انه حرق لي اعصابي بتصرفه وكلامه هذا .. انا تضايقت مره منه ليش انها مو اول مره يسوي فيني كذا .. دايما اذا صار له مشكله في شغله يخاصمني انا .. غريب طبعه !! الحين الموقف هذا صار من ثلاثة ايام وهو للحين ما اتصل .. ولساته مسكر جواله .. وما اعرف هو مقرر يطنشني لين متى !! يالله على قساوه الرجااااال .. الله المستعاااااان بس .. شكرا مره ثانيه على نصايحكم الغاليه .. وبارك الله فيكم جميعا .. اختكم في الله مشاعر مرهفه .. |
| الساعة الآن 04:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©