|
طفلي وتعليمه الحمام
[CENTER][/CENTER]السلام عليكم ورحمة الله
اخواتي حبيت اسألكم عن مسألة تعليم الطفل الحمام عندي ولد الله يصلحه ويبلغني فيه كل خير اليوم كمل سنتين ودي اعلمه الحمام وعشااااان اول طفل لي متخوفه وشاااايله هم تكفوووون الي عندها اساليب علميه او مرت عليها التجربه تنورني الله ينور لها حياتــــــــــه |
وعليكم السلام ورحمة الله وبركاته
الله يخليه لك يارب ويبلغك فيه وجعله الله من عباده الصالحين الاطفال يختلفون منهم اللي يتعلم من سنه ونص ومنهم اللي يتعلم بعد السنتين أنا عندي ولد و تعلم على الحمام وعمره سنتين ونص وكان الوقت جدا مناسب وتعلم على طول الحمد لله اهم شي اذا شرب ماء او عصير بعدها بربع ساعه الى نص ساعه خذيه للحمام (الله يكرمك) وايضا بعد الوجبه كذلك بنص ساعه الى ساعه وخليه يجلس في الحمام واجلسي معه الين يخلص في البدايه راح تتعبين كثيييير يمكن اول اسبوعين تعب شوي وبعدين خلاص تبي ترتاحين من البامبرز ان شاء الله وفيه شي مهم شيلي البامبرز منه ولبسيه الهاف اللي على شكل بامبرز ويكون من داخل قطن ومن برا بلاستيك عشان لو سواها مايطلع شي على الارضيه ويبهذل الدنيا هذا اللي عندي واذا عندك سؤال أنا حاظره :) ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,, دعواتك لي |
اللي أعرفه إنه أفضل سن لتعليم الطفل الحمام سنتين
قبلها تكون عضلات الإخراج باقي ماأكتمل نموها معلوماتي صحيحه؟ بنتي عمرها سنه و 8 شهور وما بدأت أعلمها |
انا ابنتي عمرها سنتين وخمس شهور مجنيناني
بس عجبتني فكره الكيلوت من داخل قطن ومن برا نايلون اختي من وين اقدر احصل هالنوع ؟؟؟؟ |
أنا إبني عمره سنه ونص فديت عمره والله يخليه لي إن شاءالله .. وبديت أعلمه .. بس مو راضي يجلس على المرحاض كرمكم الله .. وراح أبوي اللي يخليه لي إن شاءالله وشراله المرحاض تبع الأطفال وبدون فايده ما يحب يجلس عليه بالمره يلعب فيه بس ما يجلس عليه لو شو أسوي .. أحطله الأكل وأغريه وأحطله الرسوم والألعاب ماشي فايده .. فماشي غير أصبر عليه لين السنتين والله يساعدنا إن شاءالله
|
اقتباس:
وأفضل شي استعملته اللي داخل قطن وبرا بلاستيك |
روز السعوديه
يعطيك ربي الف عااافيه ويصلحلك ربي اولادك,,,,,,,استفدت من كلامك تصدقين رجعت اقرا اربع مرات عشان احفظه,,,,,,,,الله يسهل علي الامر بس حبيت اسأل كم فترة التعليم يعني اسبوع اسبوعين,,,,,,, |
كان زمان
يعطيك العافيه على مرورك والمعلومه القيمه,,,,,,,,, gmuhanna يعطيك العافيه وسعدت بمرورك,,,,,,,, |
اوراق خريف
يعطيك العوافي ويسهل لك الامر,,,,,,, بس يمكن زي ماقالت الاخت كان زمان ان افضل عمر لتعليم الطفل سنتين,,,,,,,,,, |
السلام عليكم ورحمة الله وبركاته
شوفي اختي عندي كم طريقه ولكن مايحضرني اللا وحده دحين شوفي ياقلبي اختي كانت تلبس ولدها الملابس القديمه اللي خلاص ماتبغاها وخصوصا اللي صغرت عليه طبعا في البيت وتحاول كل ساعه تدخله للحمام وتذكره كل ماشافت حركات غريبه توحي انه يبغا يعمل شي واذ رفض انه مايعمل شي وعمل على ملابسه تروح تمسك الملابس وتقوله يالله كيف نغسل الملابس كذا وصختها ...............وبوووووووم في الزباله الله يكرمكم طبعا الولد كان يبكي ويجلس حاضن الزباله مسكين حزنان على ملابسه من اول مره صار يحرص انه مايوصخ ومره عملها على طول نفس الحركه الآولى وعلى الزباله والله ثلاث مرات عملها على نفسه في اسبوع بالكثير الا هو تعلم الحمام لآنه كان خايف على ملابسه:d:d:d:d:d المشكله بنتها الثانيه جات تعمل نفس الحركه اللي عملتها في ولدها لما جات تعملها في البنت البنت تقولها احسن ارميها اصلا انا مااحبها<<<<عاد تعرفي كلام الصغار اللي زي العسل واوقات البنت بنفسها تمسك الملابس بعد ماتوصخ عليها ترميها:d:d طبعا اهم شي تجيبي لها القصريه البلاستيكيه الملونه وتحطيه له وتمدحيه قدام ابوه بس موقدام الناس واذا مره عمل على نفسه لاتجيبي سيره ابدا لأحد ولاحتى ابوه يعني سر بينك وبينه ولاتعصبي عليها ولاتنهريه وانتبهي من الناس اللي يقولوا لك احرقيه واكويه انتبهي وان شاء الله اذا افتكرت شي بارجع لك وربي يخليه لك ويقر عينكم بصلاحه وبره لكم |
| الساعة الآن 01:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©