|
شهر عسلي بالامارات فاين اذهب؟
قررت شهر العسل يكون بالامارات اذكروا لي الاماكن الجيدة
المناسبة لقضاء شهر العسل انا ذهبت اليها ولكن كانت رحلة شبابية لم اتعرف على اماكن العائلات ارجوكم اذكروا لي هذه الاماكن ومواقعها في اي امارة شكرا لكم مقدما |
اولا بارك الله لكما وبارك عليكما وجمع بينكما بخير
عسى زواجك قريب لان وقت الحر الجو في الامارات سيئ ورطوبه يوجد حدائق في دبي حلوه مثل الممزر وحدائق الخور والجولات البحرية حلوه والتزلج في مول الامارات حلو لانه صعب يحصل الواحد على مثل هذه الاجواء احرص على ان يكون الفندق الذي تختاره من الفنادق التي يتوفر بها حدائق وشاطيئ لانه ايضا الاسواق لها جماليتها عندي كلام كثير لاكن ما رتبت افكاري وعلى فكره انا كان شهر عسلي في دبي اتمنى لك التوفيق |
الف مبروك عليك00 راح ابدا لك بالسكن بما اني من زوار مدينه دبي 00
فندق شانغريلا 00 شارع زايد 00 فندق فيه جميع المواصفات الهائله والمريحه لقضاء شهر العسل فندق الفير ماونت00 شارع زايد 00 فندق مول الامارت 00 مدري وش اسمه 00 بس روعه00 لكن اخوي الفنادق غاليه جدا 00 مثلا عند شانغريلا الليله بألفين ريال للغرفه العاديه من ناحيه الشقق الفندقيه انا مجربه شقق افنان روعه ونظيفه شارع المطينه خلف فندق ماركوبولو00 وهي تعتبر الليله 550 ريال وسط البلد الاماكن السياحيه00 خور دبي00 حديقه الخور00 منتجع البوم السياحي00 القريه العالميه 00لكن لهاوقت تفتح فيه00 شاطئ الجميرا 00 عندك الشارقه حلوه وقريبه لدبي 00 الاسواق وهي اكثر شي بدبي 00 احلى مول00 مول الامارات كبير وفيه القريه الثلجيه رووووعه ستي سنتر 00 ماركاتوا00 هذا ستايله ايطالي00 حلو بس صغير حمر عين 00 بس قديم00 السوق الصيني (التنين) روعه من ناحيه الرخص فيه كل شئ يخطر في بالك ابن بطوطه 00 تحفه بالفن 00 ينقسم الى القسم المصري00 الصيني00 الهندي الايراني وفيه اسواق كثيره المطاعم 00 واجد اذا تبغى مطاعم حلوه عندك شارع الشيخ زايد 00 بس انصحك00 المطاعم المفتوحه بالمولات روعه وكل واحد يقول الزود عندي 00 وبس هذا اللي يحضرني الحين |
شكرا لتوضيحكم
لكن هل يوجد هناك شاليهات يكون فيه مسبح خاص شاليه مغلق وما يكون مثل (( الوايلد وادي )) عرفتم قصدي واعجبني الرحله البحرية بس كيف انسق لهذه الرحله عن طريق من يتم التنسيق وايضا سمعت ان هناك رحلات بريه هل تنصحوني بها وعن طريق من يتم التنسيق لها اهم شيء عندي ان تكون هناك خصوصيه وبعيده عن الاختلاط كا لوايلد وادي لاني زرته قبل سنه وشاب راسي مما رايت وبعدين الفنادق ليش بهذه الاسعار وهل اسعار امارة الشارقه كاسعار دبي ؟ وكم تبعد الشارقه عن دبي حتى يكون السكن بالشارقه والتنزه بدبي وعندي اساله كثيره لكن بكتب لكم لاحقا وشكرا جزيلاا انا هنا ديمو 2006 |
اللي اعرفه ان الشارقه تبعد 40 كيلو متر 00 او اكثر00 بس ماانصح السكن فيها اذا بتتمشى
بدبي لأن التكاسي بتاكل عليك00 اما المنتجعات فيه منتجع باب الشمس00 لكنه بعيد 00 وما عندي خلفيه عنه |
اقتباس:
اخوي خاطب ومبسوط إن شاء الله أنك دوم مبسوط والله يتمملك على خير ويوفقك بعروستك .. اول شي نحن في الامارات ما عندنا أماكن عائلا وأماكن شباب نحن كله خلط بلط من مول وسوق ولا مقاهي .. المهم بعطيك بعض الاقتراحات من فنادق تليق بشهر عسل واماكن ممكن تتمشون فيها .. الفنادق انا انصحك بهن عن تجربه لان دايما نروح نغير جو فيهن .. أول شي عندك فنادق مدينة جميرا .. هاذي تروح فيها كانك رحت ايطاليا ياخذونك بقارب للفندق او لعدت اماكن في المدينة وهي مدينة مصغره فيها عدت فنادق واسواق وكلها ممرات مائية تقدر تركب فيها القارب .. بس روعه لعرسان فيها نظام شاليهات واعتقد سمعت ان فيها مسبح خاص بكل شاليه من فنادقها ( كلها على البحر ) : ( اضغط على الاسم بتدخل رابط الفندق ) فندق القصر دار المصيف مينا السلام بعض الصور منها http://ar.madinatjumeirah.com/i/photo_features_1.jpg صور السوق التابع للفندق http://www.madinatjumeirah.com/i/SIT...7C42B3266A.JPG *************** جميرا بيتش هوتيل وفيه فلل تابعه لهاذا الفندق اسمها بيت البحار كل فله بمسبحها الخاص **************** عندك اذا تحب البر : منتجع المها الصحراوي يبعد أقل عن ساعه من دبي روعه س غالي شوي يعني 4000 درهم اللليه وكل شاليه له مسبح خاص هاذي بعض الصور له [img]http://******************/up/uploads/36a3d72186.jpg[/img] http://www.stayxs.com/new/booking/im...ilPage1975.jpg http://www.stayxs.com/new/booking/im...Photo21975.jpg ************** فيه فندق : جراند حياة دبي ************* فندق كمبنسكي تابع لمول الأمارات ( أكبر مولات التسوق في دبي روعه وفيه مطاعم متنوعه والفندق تنزل منه داخل المول على طول .. وفيه عالم الثلج الخيالي كأنك مسافر سويسرا .. مطاعم وغرف الفندق مطله عليه بعض الصور للثلج : http://www.alkaabi.org/vb/uploaded/24484_1151597315.jpg http://www.alkaabi.org/vb/uploaded/24484_1151597469.jpg ************ دبي ممكن تروح الخور تركبون سفينه وتتعشون وهي تمشي والمولات ماشاء الله ما بتلحقون اذا تحبون التسوق وممكن تروحون السينما والمطاعم الي في المولات .. أخوي ما انصحك تروح الشارقه لشهر العسل زحمة والطريق من دبي ربع ساعه بس من الزحمة ممكن تاخذ ساعتين أو ثلاث عشان تدخل دبي كل مره .. نصيحه ممكن تروح أبوظبي روعه وكلها أماكن راقيه وهدوء لشهر العسل .. مثلا تتمشى على شارع الكورنيش تروح المرينا مول - أبوظبي مول صور من كورنيش ابوظبي [img]http://******************/up/uploads/b419cbb704.jpg[/img] http://solie.jeeran.com/IMG_0187.JPG ( سوري للأخت الي لطشت الصوره من موضوعها في احد المنتديات ) الفنادق أسعارها أرخص من دبي بقليل مستحيل تلقى زحمة سير مثل دبي والشارقه .. بعض فنادقها : روتنا بيش هوتيل هاذا الفندق في وسط مدينة ابوظبي 5 دقائق عن الكرنيش ومطل على البحر وله مدخل خاص لمول أبوظبي وهو من أكبر المولات في أبوظبي ... صور من الفندق http://www.rotana.com/Images/Hotels/...ns.4.Large.Jpg http://www.rotana.com/Images/Hotels/...ng.4.Large.Jpg ************************* فندق قصر الأمارات من أفخم فنادق العالم وسعره لا يقارن بسعار فنادق دبي http://www.uaehits.com/pics/emirates-palace-night.jpg http://www.uaehits.com/pics/emirates...isure-pool.jpg http://www.uaehits.com/pics/emirates...e-almajlis.jpg http://www.uaehits.com/pics/emirates...e-bathroom.jpg ************************* شيراتون أبوظبي http://www.starwoodhotels.com/en_US/...446ex11_lg.jpg http://www.starwoodhotels.com/en_US/...e446gr4_lg.jpg **************************** www.futaisi.com فندق في جزيره اسمها جزيرة الفطيسي تبعد بالبحر 7 دقايق عن بوظبي وبالسياره نص ساعه سعر اللليه 600 درهم للشاليه واذا زياره في اليوم 50 درهم للشخص فقط بعض الصور : http://www.futaisi.com/gallery/9.jpg http://www.futaisi.com/gallery/n2.jpg http://www.futaisi.com/gallery/19.jpg http://www.futaisi.com/gallery/2.jpg أخوي نصيحه لا تحجز مباشر يعطونك الأسعار نار أتصل بأحد المكاتب السياحيه وأحجز عن طريقهم اسعارهم توصل للنص نحن أهل البلد صرنا نحجز مثل السياح عن طريق مكاتب لان الاسعار يعطونا اياها 4 او 5 مرات ضعف سعر المكتب .. يعني نحن نلقى أجانب في نفس الفندق نكون ماخذين الغرفه ب 2000 وهو ماخذينها ب 600 تخيل !! هاذا مثال لأحد المكاتب قارن اسعاره بعار موقع الفندق أضغط هنا بالنسبه للتذاكر للي ما يحب يدفع فيها ترا فيه طيران عندنا اسمه العربيه ينزل الشارقه تذكرته أقل من نصف تذكره على باقي الطيران الي يتراوح بين 1300 ال 1500 درجه سياحيه لكن على العربيه ( مع اني ولا مره سافرت عليها ولا اعرف كيف خدماتها بس قريت موضوع في احد المنتديات السياحه ) سعر التذكره للشخص 656 ريال فقط ( الدمام الشارقه الدمام ) .. ولكم الخيار وأي استفسار نحن فالخدمه الي يقرا المعلومات يدعيلي ترا تعبت وانا أكتب وجاني النوم .. صرت >>> http://www.66n.com/forums/images/icons/icon59.gif |
ما شاء الله عليج lele كفيتي ووفيتي..
ان شاء الله اخوي يستفيد.. |
اهلين اخوي....
اول شي الف الف مبروك وثاني شي حبيت اقولك اني انا بعد قضيت شهر العسل في الامارات سكننافي الشارقة ونروح نتشى في دبي كل يوم.. بس كنا رايحين بسيارتنا يعني ماتعذبنا مع التكاسي .. بعدين الشارقة ما تبعد عن دبي كثير يمكن ربع ساعة او ثلث ساعة بالكثير.. واسعار الفنادق فرق السما عن الارض احنا رحنا وقت ما كان موسم فكانت الاسعار روعة سكننا في فندق الراديسون ساس فندق خمس نجوم وكلمة روعة قليلة فيه والليلة كانت ب 300 ريال والفندق فيه شاطيء خاص وكنا نطلع على الساعة وحدة ما في احد.. يعني شاطيء كاااااااامل لك بروحك اما بالنسبة للمجمعات الاخوان والاخوات اللي ردوا ما قصروا.. بس ما انصحك بالسكن في دبي لان غااااااالي ودبي زحمة مو مثل الشارقة.. الشارقة اهدأ بواجد وان شا الله اكون افدتك |
والله ياحبيبي ما انصح انك تذهب للامارات ابدا ابد بد
فلقد اصبحت الاسعار في هذه الدوله مبالغ بها وبشكل خيالي هذا غير الازدحام الشديد جدا وايضا الجو الحار والجاف دائما وانا اضمن ان المبلغ الذي سوف تصرفه يمكن يوديك لاحد الدول الفايف ستار ويبقى بعد ااما اذا كنت مصر فاليك الاماكن عن تجربه السكن : فيه فندق اسمه ميراج ويقع في منطقه جميرا بيتش هذ الفندق روعه واسعاره مناسبه ومصمم على الطراز المغربي الاماكن : 1- مول الامارات ( جديد) وبه صاله للتزلج وصالتين للسينما 2- سيتي سنتر 3- برجمان ولا يفوتك الباص المائي 4- بامكانك الذهب برحله بريه مع مكتب السياحه حيث تبدا الرحله بالتطعيس وصولا الى مخيم بالبر وبوفيه مفتوح ( رحله استجامام) 5-حديقه الخور ولا يفوتك المطعم اللي قدمها 6-برج العرب 7-خلف حديقه الخور ملاهي كهرب حلوه 8- يوجد خريطه بالمطارت بها الاماكن السياحيه اخيرا : لا انصح بالذهاب لها |
شكراا lele
شكرا احلى دلع انا عارف ان اسعار دبي غاليه وراح اسكن بالشارقه لاني بجي بالسيارة ان شاء الله وان شالله راح اخذ من هالشاليهات الي تقول عليها اختي lele نغير فيها الجو وبصرحه كفيتوا ووفيتوا وخاااااااااااصه lele ولايهون الباقين |
| الساعة الآن 07:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©