|
انا بمشكلة مع زوجي والسبب اهله
السلام عليكم ورحمة الله وبركاتة
بنات انا في ضيقة مايعلم بها الا الله انا اعاني من اهل زوجي بجمعاتهم ماالاقي غير التطنيش والخسران والحقران غير الهمز واللمز كمان والله اني مابالغ ويعلم الله اني مااذيتهم بشي واني بالمواجب مااقصر اتصل واعيد واهني وابارك مااقصر والله يعلم هذة للاسف جمعاتهم خصوصا لما تجيي اختة الكبيرة من الرياض بزيادة وانا مااحب اقول لزوجي عشان ماتصير مشاكل .... والحين كلهم مجتمعين بجدة وعازمينا وزوجي مصر اني اروح وانا رافضة جدا فمسوي لي مشكلة كبييييييييييييييييييرة و راح يشتكيني على اهلي وانا قاعدة اقلة اني لما ابغاة ينزلني مايرضى بحجة انة يبغى يكون نفسة غير اني لما ابغى انزل انا وعيالي وينزلني اهلة مايخلونا بحالنا يعني بااختصار مالي خصوصية ارجوكم لو ماتساعدوني ادعوا لي الله يوفقكم.... |
ينتقل لعالم الثقافة والتوجيهات
مكانه المناسب بوركتم |
وينكمممممممممممممممممم؟؟؟؟؟
على فكرة حاجة ثانية اعانيها من زوجي عدم احترامة لي لما اهلة يكونون موجودين وهذا شي ثاني ينفرني منهم الله يسعدكم قولوا لي وش الحل؟؟؟ |
الله يساعدج اختي على هالوضع بس الافضل انج تجلسي معاه تتفاهمون عن هالموضوع ،، عشان ما تكبر المشكله اكثر من جذي وبعدين يصير صعب حلها ،،
|
اختي الكريمة ادعو الله ان يفرج عنك همومك ،وان يصلح مابينك وبين اهل زوجك وان يهديهم
اختي شوفي روحي معاه لعندهم احسن من ان المشكلة تصير اكبر وحاولي انك تعامليهم بعمالة حسنة رغم الجفاء اللي بيقبلونك به والله انا حاسه بك ربي يكون في عونك |
زوجي الحين نزل جدة واخذ الاولاد معة وبكرة راجع ولاحتى اتصال ولا كمان مصروف وجوالي مافية رصيد
والله اني تعبانة وموكاسرني غير عيالي والي حز بنفسي انة كان بيرسل ولدي الكبير مع عمة من دون علمي ولما اكتشفت هالشي بالصدفة عصبببببببببببت عليهم وعند معي وقرر انة يروح وياخذ بنتي حتى ولدي معلمة على قلة احترامي والله اني بس ابكي يعني الزوج ماعلية حسافة لكن الاولاد اذا من صغرهم ماتربوا على احترام امهم يكبروا على كذا وانا اصلا مو مصبرني الا عيالي ... على فكرة ولدي صف رابع وبنتي 6 سنين |
اختي روحي بس قبل ما تروحين لازم تجلسي معاااا زوجك وقولي ليه انا ماا حب اروح .واشرحي له الاسباب .وخصوصا عدم احترامه لك وقولي له انك تنحرجي . وذا يبيك تروحي يغير اسلوبه معاك
والله يوفقكم |
يا عزيزتي أولا ازا ولدك يقل من احترامه لك لاااااااااااااااااااااااااازم ينضرب وهدا الشي المفروض يكون ما اول مره قل فيها احترامه عليكي وثانيا لازم تقعدي مع زوجك وتقوليله انه هدا الكلام ما يصير ازا كانت بينكم مشاكل المفروض تكون بينكم يعني مو قدام الاولاد وثالثا لازم يعرف انه لك حق عليه حقه عليكي يعني لازم يحترمك على الاقل قدام اهله واولادكم فوق كل دا ادعيله بالهدايه وربك سامع الدعا ان شاء الله
|
اختي
ترى اهل زوجك مثل اهلك تماما <<< مااقصد في المحبة. ادري اهلك يسوون عيونك اقصد ان اهل زوجك مستمرين معك طول العمر لأن زوجك ولدهم وعيالك عيالهم فهمتي علي؟ حاولي اكسبيهم بأي طريقة طيعي كلامي ترى انا عندي خبرة صح بنت بس عندي زوجات اخواني واشوف تعاملهم معانا وجيبي هدايا لأم زوجك غرقيها بالهدايا .. وفي المناسبات اهدي اخواته امدحيهم بين فترة وفترة تغاضي عن بعض تصرفاتهم ماهو ضعف منك بس عشان تمشين حياتك والله يسخرهم لك ويسخر زوجك له |
أختى مهما كانوا أهل زوجك من واجب زوجك أن يكون بارا بهم و يزورهم
و من واجبك أن تطيعي زوجك .. و لك الجنة كما قال صلى الله عليه و سلم لا تعصيه في هذا الأمر بالذات و اصبري على ذلك فالله يحب الصابرين هذا ابتلاء من الله تعالى و عليك أن تكوني ملبية و لو على نفسك ولا تمنعيه من زيارتهم فيمنعك من زيارة أهلك كوني بارة بوالديه كأنهم والديك و إن لم يكن قلبك يحبهم ..أظهري الحب و لا تنقصي عليهم لا كلاماً جميلاً و لا عملاً جيداً كوني كابنة لهم و سيكونون كأبوين لك " ادفع بالتي هي احسن فاذا الذي بينك وبينه عداوه كانه ولي حميم " صدق الله العظيم و من أصدق من الله قيلا و من أصدق من الله حديثاً "و من يتق الله يجعل له مخرجا و يرزقه من حيث لا يحتسب " الله يوفقك و يصلح بينك و بين زوجك آمين يا رب |
| الساعة الآن 02:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©