صديقتي تضيع بسبب ستار اكاديمي ساعدوني
 

السلام عليكم..

انا عندي صديقه وهذه الصديقه محترمه جدا ومواضبه على صلاتها ومرحه وحنونه وتخاف ربها .. وكانت مستحيل تأخر صلاتها لأي سبب كان.. ولما تطلع حق السوق ولا الجامعه ما تتبرج وكانت محتشمه لآخر درجه. وكانت خجوله جدا من الشباب. المهم من ابتدا برنامج استار اكاديمي 2صديقتي قامت تتباع بعض من اللقطات منه وكانت تسخر منهم ومن افعالهم.. ولما ابتدا استار اكاديمي 3نوعا ما صديقتي قامت بمتابعته هذه البرنامج بشكل يومي ولاحظت ببعض التصرفات الغريبه من صديقتي مثل تقليد رقصاتهم والجمل التي يرددونها نوعا ما تقليدهم في اللبس طوفناها.. ولما ابتدا استار اكاديمي 4صديقتي لا ائراها دائما لانه مشغوله مع قناه 24/24 هذه قناه استار اكاديمي الي اخبارهم فيها 24 ساعه ودائما بزي وحتى لين اتصل فيها وابي اعرف اخبارها تقوم تحدثني عن الاشخاص الي بستار اكاديمي.. وتعلقت بهذا البرنامج لدرجه الجنون ولما يبكو تبكي معاهم ولما يحتفلو تحتفلم معاهم.. صارت جريئه جدا وحتى مره لاحظت مسجات بموبايلها من شاب انا استغربت وقلت مستحيل صديقتي تسوي جذي ويوم سالتها تقول عادي تكت ايزي وبصراحه سكت عنها وقامت تأخر صلاتها ليوم ثاني وحتى ساعات تتطوف بعض الفروض ولما تخرج تتبرج كأنها رايحه عرس.. واليوم وهو لبرايم وهي حفله خاصه بستار اكاديمي وهي صديقتي تشجع شاب خليجي اسمه احمد وهذه الشاب اليوم اخرجوه من الاكاديميه ولما خرج احمد وغادر الاكاديمه صديقتي صادها نوع الحاله الهستيريه وقامت تصرخ بصوت عالي وتقول لالا مستحيل يخرج وقمات تبكي بكائا شديد واغلقت على نفسها باب غرفتها ولما اتصل فيها تقوم تبجي لي وتقول لي عنه انا بصراحه ياتني الضحكه وقلت احسن خله يطلع وبسبب هالكلمه خاصمتني واغلقت الموبايل في وجهي بس علشانه..

وما ادري الصراحه شنو اسوي معاها هل اكلمها وانصحها او اتركها بكيفها؟؟؟؟؟؟؟؟
قولو رايكم لي..

انالله وان اليه راجعون

حبيبتي صديقتك جاتها حاله نفسيه..

يعني كانت حاشمه نفسها من كل شي..وشكلها مانعه نفسها عن كل شي..مثلا الطلعات يمكن حابسه نفسها ومانعه نفسها من الحفلات اثناء المناسبات ..يعني مثل ماتقولين ضاغطه على نفسها والحين انفجرت .. ودها تسوي كل شي

ويمكن ماعندها خوات من كذا تحس بالوحده وتابعت هالمسخره وحبت تقلد عليهم علشان تصير فري ومايقولونلها معقده

الحل الوحيــــــد انك تكلمين امها وتقولين لها ان بنتها تكلم واحد علشان تعرف تتصرف معاها

كلمي امها قبل لاتتعدى الحدود وتروح طريق المعاصي الكبيره>>أكيد فهمتيني

الله يستر عليها ويهديها

الله يهديها انصحيها من حقوق المسلم على اخيه المسلم انه اذا شافه على خطأ ينصحه

طيب هي وين أهلها .... واضح إنها ماشية على حل شعرها ... الله يهديها بس

تسلمون على الرد.. ان شاء الله الله يهديها وبحاول معاها..

هذا هو الدش والقنوات الفضائحيه ماجابتلنا الا المصايب الله يهدى القائمين عليها .......ولاحول ولاقوة الا بالله .........اختى انصحيها وذكريها بالله اعطيها اشرطه اللى تتكلم ع استار حتى تعرف خبثهم ومكرهم

لان بعض الناس لما تنصحيه يسمع ويرجع ادعيلها بالهدايه وذكريها بالمووووووووووووووووووووت


والله يهديها اللهم يامقلب القلوب ثبت قلوبنا على طاعتك

الحـــــــــــزينه** صاجه اختي وان شاء الله بحاول معها وتسلمين على الرد..

السلام عليكم
اختي العزيزة برايي انك تحاولي معاها ولا تتركيها .. واجب عليكي كصديقة لها انك تنصحيها دائما .. ذكريها كيف كانت شخصيتها وهلا كيف صار واساليها ليش اتغيرت كدة بدون ماتفتحي معاها موضوع البرنامج .. فقط اتكلمي معها وشوفي ردها حسيها انها قبل كانت افضل من كدة وان هالاشياء الى تهتم فيها هلا اشياء زائفة وضياع وقت عل الفاضي وايضا حرام .. اختي العزيزة حاولي معاها باسلوب غير مباشر
وربنا يوفقك

ما تتركيها ابدا فهي بحاجه لك وابقي انصحيها واخرتها تفوق وتشكر الف مره على وقفتك اهم شي انك ما تتركيها ابدا واذا خفتي تسير مثلها خففي اتصالاتك فيها بس لا تقطعيها ابدااا
الله يوفقك وفيك الخير الي تسئلين عن صديقتك
في امان الله