عطوني رايكم في موعد زواجي
 

قبل لا أبتدي احب اوصف لكم وظعي الحالي عاشن تقدرون تعطوني رايكم
انا طالب جامعي ادرس في امريكا وعمري الحين 21 وبدخل على 22 بعد كم شهر ونا ادرس سنه في الخارج وارجع شهر واحد بس والي هو شهر 12 عشان اشوف اهلي.
المهم اناطلبت من اهلي يخطبولي يوم كان عمري 20 سنه, المهم اول شي رفظوا بس يوم عرف اني جاد بالزواج وانا مالعب وافقوا( طبعاً هذا بعد التهديدات الي سويتها لهم ان اخذ امريكيه:d ) وعلى فكره انا ماكنت جاد يوم قلت لهم انا باخذ امريكيه. المهم
الوالده ماقصرت جابتلي صور البنت ومدحتها لي غير هذا هي تقربلي وانا اعرفها بس ماشفنا بعض اكثر من 9 سنوات, انا ماعندي اعتراض على البنت جمال واخلاقهاو اعرفها لانها تقربلي.

شهر (يناير) رجعت امريكا اكمل دراستي, وبعدها بأسبوعين وصلني الخبر الحلو بأنهم وافقو, وحددت مع هلي انه يكون موعد الملكه شهر 12 الجاي قصدي في 2006 . يوم رجعت شهر 12 اهلي كلمو ام العروس عشان تحديد موعد الملكه, بس للاسف رفضوا لانهم يتبعون نظام الملكه بعدين الزواج بأسبوع على الاقل, والصراحه انا ماكان عندي مانع ابداً لانه من حقهم خايفين اني اغير رايي

هذي كانت اول صدمه لي وعديتها وانا فرحان ومن غير مشاكل, طلبت من هلي انهم يجيبولي صور جديده بس ماقدروا البنت ماتحب تتصور, لان الصور الاوله عمرها اكثر من 4 سنوات يوم شفتها يعني اكيد تغيرت البنت, خصوصاً انهم مايسمحون بالرؤيه الشرعيه وهذ الشي ظايقني:19: بس على كثر ماتمدحلي الوالده لي في جمالها واخلاقها اقول صبرواً كريم والله المستعان


الحين وصلنا للسؤال, طلبت من اهلي انه يكون موعد الزواج بالصيف الجاي بس الوالد ماعنده قدره على الصيف, بس قالي ماعنده اي مشكله شهر 12 الجاي2007

طلبت انه يكون شهر 12 عشان اكون في اجازه ولما ارجع تجي معاي امريكا, المهم انه اهل العروس يبون العرس في قاعه وهاذي القاعه محجوزه من تاريخ 14 لين10 فبراير وانا ارجع تاريخ 12 ديسمبر لين 16 يناير

فأهل العروس عطوني المواعيد التاليه للزواح
من 1-14 ديسمبر
احتمال بعيد انه يحصلون تاريخ 22 ديسمبر
او 10 فبراير
او صيف 2008


اهلي نصحوني باني ما اتزوج من 1-14 ديسمبر للاسباب التاليه
- انا ارجع تاريخ 12 يعني مايمديني اتجهز
- لانه شهر ذو الحجه

تاريخ 22 لين الحين مافي اي كلام اكيد انهم يحصلون قاعه, بس لو حصول أنحلت مشكلتي ويكون العيد عيدين اول عيد عيد الاضحى والثاني زواجي

وتاريخ 10 فبراير بيكون صعب لانه لازم اطوف سمستر كامل عشان الزواج

والصيف ماعندي مانع بس احسه بيعد وانا محبط على الصيف والصراحه فنى صبر خصوصاً وانا جالس بشقه لوحدي في امريكا ومليت من كل شي زهقت ابي حد يسأل عني ( يعني متغرب عن هلي)


الولده نصحتني بالصيف عشان اتفرغ حق الزواج لمدة 3 شهور

أبي رياك / رايج متى اتزوج لاني محتار وهذا الموضوع شاغل فكري

على فكلا اخواني تزوجوا وهم اصغر من 21
والختام اسمحولي على التفصيل الي يزهق

شوف يا اخوي
الله بلاني يواحد مثلك يدرس بامريكا خخخخخخخخخخ
بس عادي وصل قبل الزواج ب 4 ايام
وتزوجنا
اذا والدك كان مثل عمي الله يطول بعمره
حط ايدك ورجلك بماي بارده
خل عليه موضوع الترتيبات
وانت ما عليك الا تجهز تجهيزات بسيطه
وممكن تبدأ تشتري من امريكا
البيجامات والعطور وغيرها
واحجز الفنادق عن طريق الانترنت
وبعدها باسبوع خذ عروسك وارجع معاها لامريكا
هونها وتهون

http://www.up07.com/upload-45/wh_24443899.gif


اخوي صراحه اتلخبطت ..

بس انت شوف الموعد المناسب لك اللى تقدر تكون فيه جاهز ,,

وتقدر ترجع لأهلك فيه ..

وافضل اخوي تشوفها قبل الزواج ..

وهذا حقك الشرعي المفورض ما احد يزعل ..

لأن نظرة امك غير نظرتك مهما كان ..

ومبروك .. والله يوفقك ويسعدك دنيا وآخره ..

لا تنسى الاستخاره استخير الله .. وهو بييسر لك الافضل ..


http://www.up07.com/upload-45/wh_24443899.gif

مشكور على الرد بس مثل ماقلت لك اهلي يقولولي بيكون ذو الحجه وانت تعرف اغلب الناس يحجون

يوم انك في امريكا عندي لك سؤال ثاني :d
هل الزواج اثر على دراستك بشكل كبير ؟

انا اول شي ماكنت ابي ا حد يقربلي بس يوم صليت الاستخاره انشرح صدري وارتحت لها سبحان الله
وموضوع الرؤيه الشرعيه كلمتهم كذا مره بس لا حياة لمن تنادي
المشكله اني في امريكا وماقدر اكلمهم كل يوم واحن على راسهم لاني مشغول بالدراسه

ماكان ودي أقول لك كذا!
بس اذا تقدر تصبر للصيف يمكن يكون أريح لك انك تشرف على كل حاجة زي ما تحب ويمكن يكون أسهل لوالدك لاني كأني فهمت من كلامك انه راح يتكفل بمصاريف الزواج والعرس؟

بالتوفيق أخي الكريم وانتبه لنفسك من بنات بني الأصفر :)

سلامة نظرك اخوي جي تي
هههههه
انا زوجة اللي مسافر امريكا
طيب يا خوي مافي غير تخليها على العيد
ومثل ما قلت العيد يصير عيدين

اما عن دراسة زوجي فانا اقترحت عليه اني اذا رحت عنده اكمل دراستي بعد
او ممكن تخليها تدخل معهد انجليزي عشان تنشغل عنك

لوول اسف ماركزت
أما بانسبه لدراسة مرتي في الخارح فأنا ارفظها تماماً , بس لو معهد انجليزي افكر فيها بس مش اكيد الغيره في دمي زايده اشوي لوول الله يعين مرتي علي
مره ثانيه اسفه اختي على هذي الغلطه

خلها في الصيف احسن حتى لا تنضغط وعندك 3 شهور تجلس معاها ...

لا تستعجل .. هذا زواج مو لعبة