|
زوجي نطقها......أفكر اتزوج عليك
السلام عليكم ورحمة الله وبركاته اخوتي الكرام............اتمنى تبدون رأيكم في مشكلتي ويعلم الله اني بتقبل كل اللي تقوله بصدر رحب متزوجة ولي سبع سنوات والحمد لله الله رزقني بالأطفال اللي تقر عيني فيهم مشكلتي احس مالها حل تدرون ليش؟؟؟؟؟؟؟؟؟؟ لأنها طوال السنين هاذي وهي مازالت تزيد لو أقولكم ماتصدقون لكن زوجي الله يسعده دنيا وآخرة صبر علي كثير مرت علينا مشاكل كثيرة والسبب هي نفس المشكلة وهي(عدم الراحة النفسية في علاقتنا الخاصة) أول ماتزوجت وثاني يوم بزواجي حاول زوجي الدخول علي ماقدر حصلت لي تشنجات ورجفة شديدة وكنت أحاول ابعده عني بكل قوتي رغم اني احبه راضية فيه بنفس الليلة حلمت انه امرأة حضرت فرحي ولابسة احمر وقابلتني وانا نازلة الدرج في الزفة وفجأة تحولت لثعبان اسود تجري وراي واقوم من نومي اصرخ وابكي وزوجي يحاول يهدي علي وبعدها بيوم جاتني حالة بكاء شديد وضيقة وكنت اشقق ملابسي من شدتها وصارت امور غريبة بغرفة نومي وزوجي يدري عنها وعاشها والله لو احكيها لاحد يقول هاذي خرافات ذهبنا انا وزوجي لشيخ وقرأ علي ورشينا غرفة النوم بالزمزم وبعدها حسينا براحة والحمدلله وتم الدخول ولكن بصعوبة شديدة مع العلم بأنه ماكان دخول تام يعني بسيط (انتم اكيد فاهمين) بس الحلم هاذا صار يتكرر معاي كثير يمكن لخمس سنوات واحلام كثيرة مختلفة لكن الحيات السوداء اراها بكثرة مشكلتنا طول هالسنين وزوجي مو مرتاح لأن الدخول مو تام تخيلوا سبع سنوات واحنا بهالحالة لما زوجي يخرج من البيت اشتاق لرجعته واوعد نفسي بلبس هذا اللبس واتمكيج وانتظره بمجرد مايتصل يقولي انا قريب احس بكآبة وادور اي شي يشغلني عنه لا تقولو قاومي لأني حاولت بس مافي فايدة ابدا والله العظيم غصب عني الله الوحيد العالم بالحال قبل 4سنوات زوجي خطب وكان على وشك يتزوج لكن الله مااراد ومن بعدها حسيت ان زوجي يفكر بالزواج آآآآآآآآآآآه الله يعلم اني بهموم وتعب شديد قبل سنة ونصف زادت حالتي أكثر صرت مريضة ودايما دوخات ورجفات تصير لي فجأة وما انكر ان زوجي واقف معاية في رحلة علاجي الى اليوم ومع العلاجات زادت الحالة للأسوء صرت دايما احلم بأن رجل يحاول يعتدي علي واقوم من النوم والاقي جروح في المنطقة السفلى الله يكرمك بسبب الأذية والحمد لله وبسبب الجروح هاذي انا وزوجي بعيدين عن بعض وعلاقتنا الخاصة تكاد تكون معدومة وفي هاذي الأيام لاحظت زوجي يتكلم مع بنات بالمنتديات عن طريق الرسائل الخاصة لكن مااظلمه وماادري وش يقول بحكم انه مشرف في احد المنتديات ولاحظت عليه انه يدخل مواقع فيها مقاطع رقص ومغنيات او قصص جنسية ولما صارحته وسألته ليش؟؟؟ جاوبني : انا مو مرتاح جنسيا لا تلوميني يازوجي حتى انا مو مرتاحة جنسيا احس اني ماجربته بجد والله والله يازوجي العزيز ادري انك مو مرتاح ووالله ماالومك ابدا لأني حتى انا نفسيتي تعبانة مررررررررررة وصارحني وقالي انا بتزوج عليك وبكذا انتي ترتاحي من الضغط اللي عليك وانا ارتاح وافقت انه يتزوج بس بشرط يطلقني لكنه رفض الطلاق قلت له انت تروح تشوف حالك وتسعد بحياتك وانا اشوف حالي وعلاجي الى ان يريد الله لي الشفاء ياناس انا مو أنانية لكن حتى انا لي راحتي النفسية تخيلو لو زوجي يتزوج ويرتاح مع زوجته الثانية ويلقى اللي يتمناه والله بينساني انا متأكدة بينسى كل شي لأني مااعطيته اللي يحتاجه كل رجل وهذي العلاقة هي اهم شي للرجل لكن انا مااقدر اتحمل انا بصراحة ووالله مااكذب عليكم نفسيتي جدا سيئة من حالتي نفسي اكون مثل باقي المتزوجات تمتع زوجها وتريحه ونفسي اكون سعيدة ماافكر بالهموم والأمراض وعايشة حياتي على طبيعتها لكن هذا ابتلاء من الله سبحانه وان شاء الله الفرج قريب انا متأكدة ان الله سبحانه مايرد عبده خائبا وان مع العسر يسرا صدقوني مااقدر اتحمل هم فوق همي لأن همي كفاية والتفكير والتعب ذبحني انا عندي اتطلق واعيش لوحدي بنساك يازوجي العزيز يوم يومين اسبوع شهر وبنساك ووقتها بعيش همي لوحدي وانت روح ودور على السعادة اللي تتمناها والله معاك صدقني اكتب وانا دموعي ماوقفت من الليل وانا ابكي ماتمنيت النهاية بتكون كذا لكن قدر الله وماشاء فعل سامحوني على الإطالة لكن حبيت افضفض عن نفسي وجزاكم الله خيرا |
استمري على الرقية اختي..
واضح من كلامك أنك تعانين من مس عاشق.. الله يعينك ويزيل مابك يارب.. |
أختي الفاضلة واظبي على قراءة سورة البقرة ... شفاك الله و عافاك مما ألم بك
و حاولي يا أختي الكريمة أن تبحثي عن شيخ متخصص في الرقية الشرعية فك الله كربك و رفع عنك همك و غمك و رد زوجك لك رداً جميلاً |
ياختي مدري شقولك
انا قبل سنه(قبل زواجي) كنت كل مانام يتحرش فيني ( .. )وانا بنت !!وكنت اقاوم واقرا قران وانا نايمه واحاربه لين مايروح ..ماضن دخلني مس..ماهلوست بس وانا نايمه يتحرش.. .. ودوامت ادعي وواقرا الورد دايم وقبل لاانام واروح شيخ يقرا (لاني كنت بعد معيونه ..القراءه كان عشان العين مو عشان هذا) (واقرا الفلق والناس والاخلاص والفاتحه والكرسي وادعيه 3مرات وادعي ربي واستغفر واسبح واقول لاحول ولاقوه الى بالله ((للان هذي للابد)) ) واحط الهتفون باذني بسوره البقره وانا نايمه وببيتي اشغل قناه العفاسي باليل ..انصحك ..(ماني واو بس اقولك من معرفتي البسيطه) عالجي زيييييييييييييين وتعطري بالمسك الابيض او الاسود بس الاسود احسن لانه يكره هالريحه اكثر فبل النوم او ال.... وكل يوم دوامي على شيخ رقيه شرعيه يقرا عليك وادعي ربي زين واقري البقره 40 يوم ماتقطعينهم ابدا ابدا وخذي زيت مقري عليه ..كل يوم ادهني جسمك كله لين ماتتعافين اسئلي عنه الشيخ انا مالي خبره ..اختي تعالجت منه..الحمدلله ولما تصحين تسبحي وبالاخير بمويه زمزم. ..انتي مالك ذنب وزوجك ماله ذنب دوامي باصرار عالعلاج وان شاء الله كلها من 40 الى شهرين 3 ولو 4 وتتعافين باذن الله .. بس لاتقطعين واصلي.. الله يوفقك وييسر لك امرك اللهم اميــن |
ايه وشيلي الصور من غرفتك
وقللي الاغاني بالبيت وانا اكثر شي ساعدني يوم حطيت الهتفون بسوره البقره علي وانا نايمه وتعطرت بالمسك الاسود من 10 ايام من هالشي بدا يخف ويروح ولله الحمد |
اقتباس:
|
كل الغلا
الله يزيل همي ويفرج كربتي وجزاكي الله كل الخير Sun_of_me جزاك الله خيرا ويعلم الله اني اقرأسورة البقرة دائما ولله الحمد نونو انا جزاكي الله خيرا على اهتمامك انا مثلك مايصير هالشئ إلا بالنوم ولما اصحى احس نفسيتي ضايقة مرة وتقريبا رحت لأكثر من شيخ يعالجني وتختفي عني بعض الأعراض ولله الحمد فأنا احسن من أول لكن الأن احس بألم بصدري وبطني متنقل بينهم والأذية اللي بالحلم والتحرش الله يبعده عني ولا يرجع يارب وانا اقرأسورة البقرة لكن المسك الأسود الوحيد اللي ماجربته والحمد لله انا في بيتي ماعندي صور ولا اشغل اغاني وماعندي قنوات غير المجد والعفاسي والفجر والحمد لله ان شاء الله الفرج قريب بس الله يعيني على التفكير بزوجي وخايفة حياتي تنهدم بسبب هالمرض لكن ماأقول غير حسبي الله ونعم الوكيل |
اقتباس:
ذكرتيني ياكلا الغلا الله يذكرك بالشهادة انتي والموجودين اختي نونو انا من وين اجيب المسك الأسود وكيف شكله؟ جزاكم الله خير |
السلاموا عليكم المعين هو اللهاستعاني بيه واقرئي القران كثير وسبيه يقراه في البيت لا تغلقيه خالص وربنا يعديها لكي ويشيل اي شيء في البيت وتسعدي انتي وزوجك ان شاء الله والله هو المعين لكي
|
إستعيني بالله ثم أهل الذكر
وزوجك حافظي عليه الرجال شكله رائع لأنه صبر 7 سنوات لكن لازم تعالجي الموضوع لازم تتفقي مع زوجك إنكم تحلون الموضوع بأي طريقة لازم تحلونه لا تستسلمي أبداً حاولي تروحين طبيبة نفسية وشيخ وكل شي لا تخلين شي أبد الله يوفقك ويفرج همك أقرأي الدعاء (اللهم إني عبدك إبن عبدك إبن أمتك ناصيتي بيدك ماض في حكمك عدل في قضاؤك أسألك بكل إسم هو لك سميت به نفسك أو أنزلته في كتابك أو علمته أحداً من خلقك أو إستأثرت به في علم الغيب عندك أن تجعل القرآن ربيع قلبي ونور صدري وجلاء حزني وذهاب همي) |
| الساعة الآن 06:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©